هكذا كان أول اتصال لي بالإنترنت

ول جلوس لي على الإنترنت (اللحظة التاريخية) كان بتاريخ 2006 وقتها كنت قد إنتهيت من الفحص لأجرب هذا الاختراع العجيب وأواكب العصر , كانت البداية سيئة حيث أنني لم أكن أعلم أن الاتصال بالإنترنت يتطلب مودم فحملت جاهزي وذهبت إلى سوق الغشاشين (شارع متخصص في النصب على الزبائن) وبادرت بتركيب مودم , كان الخيار هو بين مودم (كرييتف) ومودم آخر (مرسوم على العلبة الخاصة به CD أخضر على ما أتذكر) كان الخيار صعبا ً جدا ً كوني لم أعلم ما هو الإنترنت في الأصل اتكلت على الله واخترت (كرييتف) وعدت بعد ساعة لأستلم جهازي الكمبيوتر .

كانت الفرحة تغمرني فذهبت لأشتري بطاقة إنترنت (آية) تحضيرا ً للحظة المنشودة , (وقتها ضننت أن البطاقة تدخل في سواقة الـ فلوبي :D ) وبالفعل ذهبت إلى المنزل وأنا أحمل الكمبيوتر والبطاقة وبدأت بالتركيب ثم شغلت .

احترت بأمر البطاقة كيف يمكن لها أن تدخلني على الإنترنت , فكرت وفكرت طويلا ً وطويلا ً ووقته والحمد لله توصلت إلى أن هنالك شيء في الويندوز يسمى معالج اتصال جديد ضمن :

قائمة إبدأ > كافة البرامج > البرامج الملحقة > اتصالات > معالج اتصال جديد .

وبالفعل بادرت بتنفيذ الخطوات ووضعت المعلومات الموجودة على البطاقة ثم وصلت إلى الخطوة الأخيرة في إنهاء المعالج وكما تعرفون من بعده زر (إنهاء) .

من المعروف بعد زر إنهاء يشعر الإنسان براحة نفسية :) .

وماذا بعد ؟ , لم أتصل بالإنترنت أيضا ً فكرت من جديد لأتوصل أن معالج الإنترنت الذي أنشأته موجود في :

قائمة إبدأ > الاتصال بـ >(معالج الإتصال الذي أنشأته سابقا ً ) .

ضغطت على زر طلب الإتصال وسمعت تلك الرنة (سيمفونية الـ Dial-up ) . إلا أنه قطع فجأة دون أن يتصل … مثل ما يقولون بالعامية (انشلشت) لم يكن أمامي خيار إلا الإتصال بأحد أقربائي والذي بين قوسين يدرس (هندسة اتصالات) .

جاء إلي ليرى مشكلتي فأمسك ببطاقة الإنترنت بكل صرامة واثق النفس وبدأ يكتب اسم المستخدم وكلمة المرور .

* ملاحظة : شركة الاتصالات لكي تُسهل على المستخدم كتابة كلمة المرور تفصل بين كل أربع أرقام بمسافة على الشكل التالي :

**** **** **** ****

وإذا بأخونا يكتب كل أربعة أرقام ثم يفصل بينها بمسافة (هذا وهو يدرس هندسة اتصالات) مما أدى إلى عدم قبول الإتصال .

مع مرور الوقت تم حل المشكلة بالتفكير والخبرة الشخصية وسببه خطأ في أحد الأرقام .

أنا اول اتصال الي بالنت كان يمكن بال 2003 كنت وقتها صف تاسع رحت انا وابن خالي على كافية نت "أوربت" وأول موقع دخلت عليه كان الموقع الرسمي لريال مدريد وبعدين قضيتها بالكافيه نتات وما خليت كافية نت باللادقية يعتب علي من بلانيت لفاير نت لفايروس لهيركوليس لسكاوت لسيرش .... لأني كنت وما زلت برفض النت تبع الدايل أب ومستعد عيش بلا نت ولا اشتغل عليه وضليت على هل حالة حتى نزل ال ثري جي من سيرياتيل وقتها صرت افتح نت من البيت

هههه .. مغامرة حلوة ..

اما انا كنت قردة اول ما فتحت الانترنت .. كنت صف تامن واختي تاسع ..و وقتها ركبنا الانترنت مشان نجبلها النتيجة ..و وقت طلعت النتائج كان البابا مو بالبيت .. والمشكلة انو كان حاطتلو كلمة سر .. وما بعرف ليش لهلأ.. المهم كلمة السر كانت رقم هويتو الوطني يعني حوالي 15 رقم .. و كان كل ما بدو يشغل الانترنت يجيب الهوية .. اما انا فجيت بكل بساطة طلبت الاتصال بالانترنت و ادخلت كلمة السر اللي كنت حافظتها بصم ..و جبتلها النتيجة لأختي ..و قتها تفاجؤا اهلي فيني..ههه
و هي كانت اول مرة بفتح الانترنت ..

انا اول مره فوت نت كانت بـــ 2004 مشان كان مطلوب منا بموضوع التعبير بصف سادس نكتب مقال
وانا مو عارفه شو المقال كلو ع بعضو عباره عن شو
ماعانيت بموضوع عمل الاتصال او حتى كيف روح لجوجل لان بابا فتحلي ياه وفتح جوجل وراح
ومن بعدها سرت فوت العب العاب باربي ههههههه وشوي شوي تطورت صار عندي ايميل بنهاية السنه
وبس سرت بالصف السابع صار النت شي اساسي مشان الدراسه ومشان كنت حب كون عندي معلومات عن الدرس اكتر من غيري
ههههههههههههه
وبس كمل الموضوع معي لهلأ


يعطيك العافيه
عصاامووووو

انا كنت بحب الكمبيوتر كتير كتير بس ماكنت بهتم بالنت
لاني مجرد ماكنت شوف ماريو او العاب باي شكل كنت بروووووووووووح فيها
معروف عني بموت بالالعاب وبنسى الدنيا ومافيها
ولهيك دايما باكل بهدلة لاني دايما بشحن موبايلي
اكيد عرفتو ليش
دخلت النت من2008 كنت بدخل عالالعاب
وتطور للايميل وهييييييييييييييييييييييك
انا ماكنت بدخل كتير
بس صدفة دخلت عامنتدى جامعتنا وادمنت
وشكرا لنضال واسماعيل والشكر الكبير لسوسن
لي فهموني كتير اشيا بالمنتدى
لاني كنت مابعرف شي غير اللعب
هلا انا حريفة النت والكمبيوتر "بظن"
شكرا عصام على مواضيعك الراقية

والله انا ما عانيت كتير اخي اكبر مني وكنت ضل فوق راسو وقت يدخل عالنت لهيك اتعلمت منو
انا متل اية كان النت عندي عادي كتير بس بعد ما عملت اشتراك بموقع الكلية صرت ما فيني ما ادخل على النت شي مرتين تلاتة باليوم
شكرا عصامو على الموضوع المهضوم وفعلا مغامرة شيقة

والله ملحمة...انا كانت المرة الاولى 2006 و عمكتوب وبفضلو اتعرفت ع اعز رفقاتي ونحنا لهلا منروح ومنجي لعند بعض بس شو بدنا سوسة

و اللهِ قصص يا شباب
خرج نجمعها بشي كتاب
بس شو بدنا نسميه قولكو؟؟

بالنسبة الي الانترنت هو كل شي من بداية سنة 1999
لو الانسان يعرف شو ممكن يستفاد من النت ما ممكن يتركه ابدا

شو رأيك نسميها
قصص من التاريخ!!!!!!!!!