ها نحن .....وها هي كليتنا ....... وهذه هي ثقافتنا

كثيرا ما نجوع و نعطش بعد محاضرة طويلة أو بعد يوم شاق من الحضور الصباحي و عندما نبحث عن ما يسد الجوع,
نرى سرابا يلوح في الأفق لكافيتيريا نظيفة نجد فيها متسعا للجلوس تحت انغام من الموسيقى التي تريح الأعصاب و تزرع النشوة في الروح بعيدا عن الضجة و الازدحام, و ما ان نصل الى وجهتنا ,تتلاشى احلامنا و نستفيق مبهورين بما تراه عيوننا ,
فما علينا الا شراء ما نحتاجه من المؤن و الاتجاه الى مقعد من المقاعد الخشبية المزروعة في بهو الكلية و الجلوس عليها لتناول وجبة خفيفة تعيد الحيوية و النشاط لأدمغتنا و اجسادنا .

و كثير منا من يرمي مخلفات طعامه المأكول في السلة المخصصة و لكني و بعد بحث و استقصاء وجدت ان 80% من زملائنا يتركون مخلفات طعامهم على المقاعد التي نتشارك بالجلوس عليها .

تفضلو هذه الصورة المعبرة , وعلى اليمين صندوق للقمامة و لكن .......



هل يجب علي انا الطالب ان انظف مخلفات زملائي الذين جلسو قبلي ؟؟؟؟؟؟ مع العلم اني مجبر على الجلوس لعدم وجود مقاعد شاغرة .

ان كنا لا نستطيع الحفاظ على نظافة الأماكن التي نزورها فما الفرق بيننا و بين الكائنات الحية الأخرى ؟؟؟؟؟؟

و هل هذا يعكس تصرفاتنا في منازلنا و يعكس اهمالنا و لا مبالاتنا ام انه أمر آخر لا دخل له بوجودنا كبشر ؟؟؟؟؟

اليس منظرا مزعجا للناظر أم انه فن من فنون الزركشة و التزيين لم يبرع به سوانا و لنا الصدارة في ممارسته اليومية ؟؟؟؟؟؟


قال الرسول محمد صلى الله عليه و سلم(النظافة من الايمان)

و الله يا نضال معك حق عنجد عيب .. كتير عيب .. انو طالب جامعة يكب عالارض او يترك وراه مخلفات الاكل .. خصوصا انو سلات القمامة منتشرة فعلا بكل محل ..يعني كل خطوتين موجود سلة .. فعنجد عيب و هي ظاهرة لا حضارية فعلا .. خصوصا انو نحن مانا بمدرسة ابتدائية نحن بجامعة جااااامعة ..
نضال ..

مشكور نضالو وياريت حدا يطبق هالحكي ان النظافة هي ؟؟؟

والله شي مظبوط مية بالمية انا مابحب كب شي بالارض بتصدقو انو احيانا بحط وسخ بشنتايتي وبس ارجع عالبيت بكبن!!!!
لا وشو احيانا في من رفقاتي بيضحكو علي؟؟؟؟؟؟؟؟؟؟؟؟

كفيت ووفيت وما عندي شي قولو غير شكرا الك عالطرح يا غالي

طرح مميز
نضالووو
فعلا منظر مو بس عندكم كمان شفته عنا بالجامعه والأدهى والأمر الزباله تنرمى حد الزباله الله يكرمكم
مابعرف قدرت افهم العالم اللي بترمي بالارض واللي بترمي بالزباله بس اللي حد الزباله؟؟؟؟
يعطيك العاافيه
دمت مبــــــدعااا

قلتا
و رح ضل قولها
نحن شعب يحترف التشويه
أمل ما فيه

مشكور أبو النضل

شكرا نضال عالموضوع الهام
والله عيب لطلاب جامعة بكرة بدون يصيرو مدرسين وقدوة للأجيال
وبعدين حرام وعيب نطلع عالمستخدمات عل انهن خدامات او شغالات
وهني بعمر امهاتنا بل بعمر ستاتنا
بلعكس لازم نخفف عليهن كمان ونحترم كل إنسان كيفما كان عملو وشغلو
ومتل ماقلتو هاد راجع للتربية و وضعون ببيت اهلون

شكرا ابو النضل احلا عكيد والله

شكرا لمروركن القيم

و نحنا مننطلق من انفسنا و اذا فينا من اصدقائنا يلي حوالينا و هيك شوي شوي المهملين بيصيرو مهتمين

احلى زملااااااااااااء

يمكن لو شفت هالمنظر بحديقة عامة كنت بقول عادي !!!
مع إنو هو أبداً مانو عادي , يعني كنت بقول انو بجوز الأشخاص اللي بيرتادوا وبزوروا الحدائق العامة ليسوا على نفس السوية من الثقافة والفهم وتقدير الأمور
أما وأنو الصورة التقطت لمقاعد في بهو الجامعة , فصراحة شي معيب بحق كل واحد
بيعمل هيك ؟؟؟
يعني ع أساس شباب حضاري و واعي ومثقف ؟؟؟
بس برافو نضال عالموضوع ومتل ما بتقول الآية الكريمة :
فذكّر إن الذكرى تنفع المؤمنين ...
يعني نحنا علينا نضوي عالغلط اللي منشوفو حوالينا واللي منقدر نغيرو ببساطة
ونذكر الغافلين عن هيك أخطاء تسيء لهم أولاً و للحرم الجامعي ثانياً ...

اسماعيل

مشكور مرورك حبيب و اكيد لازم الغلط نبينو و لو كنا نحنا الغلطانين

حمشو