لا و ألف لا لثقافة التكفير
يعني أنا بستغرب كيف بعض الناس بتتجرأ تتهم الآخرين بالكفر
والله يا جماعة القصة مانها بهالسهولة , يعني في حديث للنبي محمد (ص)
بما معناه إنو إذا قال شخص عن شخص آخر بأنه كافر فقد باء بها أحدهما .
يعني هاتهمة رح تلبس واحد منن أكيد ... ورح وضح القصد:
يعني لنفرض إنو أنا مثلاً قلت عن (X) إنو كافر .
فهون في احتمالين :
إذا كان (X) فعلاً كافر فأنا ما بكون استفدت شي وكلامي لا بقدم ولا بأخر يعني هو هيك هيك كافر ومصيرو معروف ....
بس المصيبة الأكبر واللي كتير ناس من جهلن ما بينتبهولها إنو إذا طلع (X) مانو كافر وأنا عم اتهمو ظلم حتى لو كنت أنا فعلاً مفكرو هيك , فأنا اللي رح اطلع كافر
لأني كفّرت أخوي بالانسانية ويمكن بالدين كمان , وممكن ببعض البلدان كلامي يتسبب بقتل هالرجل ...
وبعدين يا أخي كل واحد يلتهي بحالو ويترك الخلق للخالق ...
وبكرا بالآخرة الله رح يسأل كل شخص عن أعمالو وما رح يقلو فلان كافر ولا لأ !!!
وبالنسبة لقصة السب والشتم لأي مقدسات أو أشخاص عند أي طائفة اللي كانت
فأنا ما بعرف مطلقي هالسباب والشتائم بمين عم يقتدوا
يعني لا رسول الله محمد (ص) كان يسب ويلعن
وع علمي صحابتو وأهل بيتو نفس الشي لأنو كانوا الله يرضى عنن يقتدوا فيه ...
وأكيد هي شغلة مرفوضة حتى بعيداً عن الدين ...
شكراً طلال عالموضوع المهم والمميز
