أنا بلا احساس؟

أغلب رفقاتي بقولوا عني هيك وخاااااصه بالمواضيع العاطفيه (الحب) تحديدا

وبقلولي انت مستحيل تكوني بتحبي انت ما بتحسي ومابعرف شو
حتى بديت شك بحالي اني معقول لهالدرجه حجر ما بحس

هالشي كله لاني انسانه عمليه يعني الحياة عندي بتستمر واي شي في الدنيا في اصعب منه

يعني الفراق العاطفي واللي بتركوا بعض بعد قصة حب
بتعاطف معهم وبزعل بس بعدين خلص الدنيا بتكمل والشغله نصيب

يعني انا عندي بصراع العقل والقلب العقل غالبا بفوز على قلبي يمكن من كم شغله شفتهم بحياتي

واكيد مو شغلات الها علاقه بالحب ولا بقصه فاشله

الدنيا فيها شغلات أصعب من هيك قصص وانا ما عم قول انها قصص سهله

بس لما منحط قصة حب فاشله قبال المرض او الموت او اللي عم يصير بهالدنيا للناس

فأكيد قصة الحب الفاشله هيدي ولا شي

وهلق يا ترى بعد هالكلام هل انا فعلا بلا احساس؟؟؟؟؟؟؟؟؟؟

واذا هيك يا ريت تنصحوني

باياتو

هلق بما أنك متأثرة بحكيهم هاد معناتو انو عندك احساس
بس خليكي هيك واقعية أحسن
ومتل ما بيقول توباك:

For every dark night, there is a brighter day

الواقعية و العملية هي سر النجاح بالحياة

بعدين مين قال عنك هيك ؟؟؟؟

بس وميلي ومي عليه و شوفي

ч $ΞЯGIO ЯΛ∑O$ ч

شكرا الك كتير وبالنسبه لنصيحتك سمعا وطاعه

nedalo

معك حق وشكرا لرأيك

واحد اسمه بيبدأ بحرف النون وبينتهي باللام وبالنص ض و ا (عرفته؟)

هههههههههههه متل ما قلتلك حدا من رفقاتي او شخص بكون عم اتناقش معه بهيك موضوع

برد بشكركم

ولا يهمك يا وردة تشرين الجدية في التعامل مع الآخرين شي كتير مهم
أما بالنسبة للمواضيع العاطفية بتحتاج للوقت المناسب والزمان المناسب
أنا كمان أصدقائي بقوله إني جامد كتير ,بس أنا ما بهتم لأني في عندي
برنامج وخطة مستقبلية والحب شيء مكمل للحياة ,والحب يحتاج إلى بيئة خصبة
لينمو بها , والجامعة ليست المكان المناسب . بل هي مكان للدراسة.
الأحساسيس موجود لدى كل الناس ومشاعر الحب أيضا ولكن طريقة التعبير
تختلف ممكن تكون ظاهرة أو مخبئة حسب الشخص

عفكرة انتي بتشبهيني كتير لانو عندي نفس افكارك

بس بأكدلك الاحساس مو كل الاحيان لازم نطلعو ليبين فينا

Alaa m

بتشكرك كتير على آرائك وأكيد رح أخد فيها

Dark lady

منوره وفعلا كلامك صحيح بتشكرك على رأيك

هو أكيد الواقعية شي مهم بالحياة بس انا بالنسبة الي على طول بتغلب العاطفة على أي شي تاني مابعرف ليش يمكن لأن ربيت هيك مع الشكر

طايش بس عايش

الشكر لوجودك ومشاركتك

انا مو قصة تصديق بس صرت فكر مع اني ماكتير برد عالتعليقات

شكرا كتير ورأيك كتير بحترمه

وطالما انا متلك ماعاد بدي شي