مشكلة تحتاج حل سريع

والله هل موضوع بده حل سريع لأن الحالة صارت تعبانه
مو معقول طلاب السنة الرابعة يحطون بقاعة ما بستوعب نصفهم ويمكن ما
تستوعب الربع يعني للأسف على مدار إسبوع وهاد التاني نزلت على الجامعة
وحاولت إحضر لو محاضرة وحدة بس ما صرلي محل , والأحلى
من هيك لسى في طلاب بدن يترفعوا ... يعني وين إدارة القسم
وليش الدكاتره مابيحكو شو موشايفين هل المنظر والله كأن نحنا من عالم تاني
أو مافي حدا بعبرنا يعني مامهم إذا حضرنا ولا ماحضرنا .. حدا يشفلنا حل ولو
والله قرفنا من الجامعة

والله معك كل الحق الوضع كان مزري اليوم

بس اذا بكر الواحد بظن بيمشي الحال

مبينة ما بدهم حدا يحضر
من جهتي الله يباركلن بمقعدي
وعلى كفالتي طلعو تسلو بالجامعة وبالكافيتريا وادرسوا ببيوتكم أفضلكم وأحسن ما تضيعوا الوقت بحضور محاضرات الدكتور نفسو ما بيعرف عن شو عم يحكي فيها

بسيطة طوّلوا بالكم أنا لمّا كنت سنة رابعة من سنتين كنّا مقسومين بالقاعة 39انكليزي و القاعة 5 آثاروكان عندنا مقاعد كتير الله يسامح الدكتور يوسف شاهين رئيس القسم بس بما أني طالبة ماجستير أدبيات و هو أستاذي رح حاول أحكي معو

وين قصدكم بالقاعات ليش ماالمحاضرات بتنحضر بالمدرج ولا متغير نظام كله على كل اذا كانت محاضرات عادية نصيحة ادرسوا ببيوتكم وبلالكم هالشنططة وحرام

هالفترة حاسس حالي عم اتفق كتير مع سيرجيو
مع أني ما بدي كون متشائم ....
بس عن جد هيك رأيي
طلعوا تسلوا بالكافتيريا

اي حتى بالكافتيريا ما عم يصرلنا محللات
شو هالزمن هاااااااااااااااااااااااااااد

رنا...المحاضرات كللها بالقاعه 5 آثار

شباب...أحسن شي نعمل دوري شده بالكليه ...بالفيات..تحت الشجرات
كفو؟؟

إنّ الحياةَ لعجقةٌ ..فأينَ يروحُ الواحدُ

لك عصامو أبدك تيصرلك محل تحت الشجرات بالأول
بعدين أنا أبعرف ألعب شدة أحسن شي منلم 10 ليرات من كل عضو ومنشتري طابة ومنلعب ع هالحشيشات

بصراحة انا صرت سنة رابعة والحمدلله ما رسسبت ولا سنة وما بحضر الا نادرا
عنجد الحضور مو ضروري


قعدو درسو بالبيت بكرامتكن

احسن من الشرشحة بالجامعة

شكرا إلكن يا شباب على ردودكم وأنا كمان أقتنعت .. مافي فائدة من الحضور وبفضل
نشتري طابة متل ما قترح سيرجيو .. لأني كمان ما بعرف إلعب شدة..
اليوم حضرت نقد ومقارن والله وكيلكون ما فهمت شي مع إني كنت مركز
لأنه الدكتور أحمد طه عنده عقدة مع النقط والحروف الكبيرة والفواصل... الله يصبرنا

انا حضرت لغة مبارح و بصراحة الوضع مشرشح كتير و ما في اوكسجين و اربعة بالمقعد و السيد يوسف شاهين قاعد بمكتبو و مشغل المكيف و ما هاممو شي عموما اذا بتحبوا نتجمع و نشتكي انا مستعد روح معكن

و الله يا سيرجيو و اسماعيل .. نحن الحمد لله عم نفذ اقتراحكون بس مجبرين .. يعني الشغلة مو بايدنا ..يعني مرة كان الدوام 8 و صلت الساعة 7 وتلت .. مع هيك ما صرلي نص محل .. بدي افهم ايمت هالعالم عم تجي ؟؟؟ فبهيك حالة منقضيها شوي بالكافيتيريا شوي بالبلكون شوي صياعة ومنرجع عالبيت مو حضرانين ولا محاضرة ..
بس عنجد الشغلة ما بينسكت عليها و صار لازمها حل ..يعني معقول 400 طالب يقعدوا بقاعة ما بتساع 200 ..اكيد مو معقول ..

طيب أنا عندي اقتراح منتحداهن للدكاترة على مباراة فوتبول بالمدينة الرياضية اذا فزنا منخليهم يعملو المحاضرات بالمدرج واذا فازوا هني بيضلو المحاضرات بالقاعة مين معي بالفريق؟؟؟؟

بيت الديق بيسع ألف صديق
big things come in small packages
يبدو انو هيدي هي الفلسفة العميقة الي عم يحاول بعض الدكاترة يوصلوها إلنا ونحنا ماعم نلقطها

أنا معك يا كابتن ... بس مين رح يكون الحكم

ما مشكلة منقيلنا شي موظف من الامتحانات

معناتا منحكي مع رئيس الاتحاد فاروق سرية يبعتلنا محسن بسمة أو شادي عصفور

ياشباب خليا لعبة باسكت مشان اقدر شارك وفش خلقي
والله مابحب كرة القدم ولا بميزها عن البطيخ

مين عم يجيب سيرة كرة القدم ويقول عنا بطيخة
لك هي اكتر رياضة بحبا



Romantic Teddy Bear

عم تلعب بعداد عمرك

شكرا إلك دارك ليدي وآسف على تشبيه الكرة بالبطيخة

بس هيك أنا
ومابقدر جامل مابحبا
والله إنك غريبة
بنت بتحب الطابة
للله في خلقه شؤون