لا تحكموا عليها بالإعدام

في البداية أريد منكم أن تتأملوا معي واقع الزيجات في مجتمعنا وكيف أنّ نسبة ليست بالقليلة منها تنتهي بالفشل , وبالتالي الطلاق ..
ولا أدري من أين تسللت على مجتمعاتنا العربية وخاصة الإسلامية هذه النظرة المجحفة بحق هذه الفئة الكريمة من بناتنا وأخواتنا
اللاتي لم يشأ الله لهن الاستمرار في حياتهن الزوجية بل في كثير من الأحيان تكون المطلقة ضحية زوج متهور غير مسؤول،
أو وشايات بعض الجارات والقريبات المتطلعات لخراب البيوت وتفكك الأسر, أو ببساطة شديدة لعدم وجود اتفاق ومودة بين الطرفين مما يجعل الحل الأسلم في هكذا حالات هو الطلاق.

وهناك الكثير من النساء اللواتي يعشن في بيوت أزواجهن وهن شبيهات بالمطلقات ,
وما يجبر العديد من النساء المتزوجات على تحمل ظلم أزواجهن هو أبنائهن، حيث يصبرن على الذل والضرب والتحقير وقلة القيمة، لكي لا تعيش بعيداً عن أولادها، وأيضا لأنها لا تريد أن ينادى لبناتها عندما يكبرن " ب يا بنات المطلقة"، لان ذلك قد يؤدي حسب العادات والتقاليد المتخلفة إلى عدم تقدم أحد الشبان لطلب الزواج من إحدى بناتها.

وبكل الأحوال فإن المرأة المطلقة أو حتى الأرملة لن تجد من الناس ما يسرها , فحتى إذا أرادت الخروج من بيتها لكي تكسب رزقها من خلال فرصة عمل شريفة فلن تستطيع فعل ذلك إلا بعد مصادمات طويلة عريضة مع أبوها أو أخوها , وإن نجحت بإقناعهم فستجد صاحب العمل الذي ما أن يعلم أنها مطلقة أو أرملة فعلى الأغلب سيحاول التحرش بها , لأن كل شي بنظره متاح كونها مطلقة والمفروض أن تكون ضعيفة لا سند لها ...
وغالباً ما ينظر رجال العائلة للمرأة المطلقة وكأنها مارست الخطيئة وعادت إلى بيتها، فيعاملونها بقسوة وحدّة، وتصبح كشيء
أو كمرض أصاب بيت العائلة ولا بد من استئصاله، ويكون الحل إما بإخفائها من محيطها ومنعها من العمل
ومن الخروج من المنزل أو بتزويجها لرجل طاعن في السن .

وبصراحة فإنني لا أستطيع أن ألوم بعض الرجال على طريقة تفكيرهم بالمرأة المطلقة لأن ما يحزن أكثر هو نظرة النساء أنفسهن
للمرأة المطلقة فبدلاً من الوقوف بجانبها وتقديم العون والدعم لها فإنّ أغلبهن يعاملنها أو على الأقل ينظرن لها بعين الشك والريبة
على أنها منحرفة وأنها امرأة لا تستطيع الجلوس بدون الخلوة مع الرجل، ففي كل حركة و إلتفاتة لها، يظنون أنها مارست الحب
ولو فكرياً مع رجل، ويظل الشك يحيطها في كل لفته وسهوه، والمصيبة الكبرى إذا طرأ عليها أي تغير في شكلها أو تصرفاتها،
فتبدأ الألسن بهتك عرضها.

وأكثر ما يثير استهجاني هو تعجب واستغراب البعض من أن تقول المرأة الأرملة تحديداً أنها تريد الزواج بعد وفاة زوجها , وكأنهم يريدون أن يحكموا عليها بالإعدام, وليس عليها فقط بل على مشاعرها وغرائزها وحاجاتها التي خلقها الله و وضعها في جسدها وفي روحها .

قد يظن البعض أني بالغت في توصيف الواقع وأن ما قلته لم يعد موجوداً في أيامنا هذه , وقد يظن البعض الآخر أني لم أقل من الحقيقة ومن الواقع إلا القليل وأن ما عرضته لكم موجود وبكثرة في مجتمعنا الحالي الذي يدعي الحضارة والتقدم ...
بغض النظر فأنا أثرت الموضوع لأني مقتنع أني قلت جزءاً من الحقيقة
وأنتظر منكم أن تكملوا الجزء الآخر بآرائكم و وجهات نظركم التي أحترم وأجل ...

ملاحظة:
1- قد تكون في يوم من الأيام تلك المطلقة أو الأرملة واحدة من أفراد أسرتي أو أسرتك .
2- كان العرب في الجاهلية رغم شركهم وضلالهم يسارعون بالتزوج من الأرملة
والمطلقة معتبرين ذلك من شيم الرجولة ومكارم الأخلاق.
وأنا هنا لا أدعو الشباب للزواج من الأرامل والمطلقات وإنما أطرح سؤالاً يفرض نفسه ,
لماذا تغيرت النظرة لتلك الفئة من المجتمع, خاصة ونحن ندعي الإيمان بحقوق الإنسان عموماً والمرأة خصوصاً ؟؟؟

بالفعل اسماعيل , نظرة المجتمع و تعامله مع الموضوع يؤدي بشكل كبير الى تدمير حياة المطلقة و هذا ما يدفع البعض من المطلقات الى الأخطاء
و برأيي , بعد ما تفضلت به من معالجة كافية و وافية للموضوع , المطلقة لها حق ان تعيش حياة طبيعية بعد الطلاق كأي انسانة اخرى , و كما ذكرت قد تكون حياتها الزوجية السابقة جحيما يولد آفات اجتماعية من خلال الأبناء , و يكون الحل الأمثل الطلاق .

شكرا

اسماعيل طرحك للموضوع كافي ومختصر بشكل رائع للأسف هي هية الحقيقة المرة يلي عم نعيشها هيدا المجتمع يلي مابيرحم ويلي ماعم عرف مين فرض قوانينه ومين قرر حياة أو موت أصحاب الحظ السيء بالحياة وخصوصي إذا كان سبب طلاق خيانة (يعني فوق الموت عصة قبر) وبدي ضيف شغلة أنو إذا واحد أعزب تزوج مطلقة بينشرووها عالجرايد....وبرأيي جكم الإعدام أهون بكتير يعني عالقليلة بتموت موتة وحدة.....بس لأيمت رح نعاني من العقليات المتحجرة....؟؟؟

شكرا الك عهل الموضوع وهذا هو الواقع الي عم نعيشه للاسف مجتمع بتوقع حالو صار حضاري ولكن للاسف نحن اتحضرنا بس بلبسنا اما عقلنا لسى متل ما هو وانا برائي كل واحد او وحدة وخاصة النسوان قبل ما يحكو خليهن يحطو حالهن محل الانسانة الي طلقت او خليهن يتوقعو حدوث هل الشي مع بناتهن او اي وحدة من العائلة ومافي وحدة بنظري مجبورة تتحمل اي ظلم من زوجها مشان المجتمع وانا عندي جارة متزوجة صرلها 5 اشهر وكل يوم بتاكل ضرب وبيوصل صوت ضرب راسها بالحيط لعنا ولكن للاسف هي ما عم تحكي وكلو بسبب امها لانها بتتوقع طلاقها بعد 5 اشهر فضيحة بس ليش لتتحمل هل الشي مجتمعنا بيتقبل الضرب والاهانة وما بتقبل الحرية والكرامة

كل شخص يحط حالو مكان الطرف الآخر .. ويشوف كيف
بصير بينظر للأمور من منظور مختلف ..
شكراً لآرائكم جميعاً اللي بعتبرها إضافة قيّمة للموضوع
نضالو & سويتي & ولاء

مشكور إسماعيل لطرحك لهل موضوع الحساس .. فعلا نظرت الناس والمجتمع للمرأة المطلقة أو الأرملة هي نظرة دونية نابعة من ثقافة خاظئة ومتحجرة

والله لازم هالثقافة تتغير
أو إنو أصحابها يقلولنا مين وين جابوها ؟؟
مشكور علاء ع مشاركتك القيّمة
شكرا

اول شي اسماعيل مشكور عالموضوع وعالطرح المميز كالعادة ..
بس انا الصراحة شفت انك مبالغ شوي ..يعني فعلا ما عاد في ناس بتنظر هالنظرة للمطلقة او الارملة ..هلق انا ما بنكر انو اسة الطلاق عنا يعتبر مصيبة او كارثة و ما بعرف ليش .. رغم انو بكتير من الاحيان بكون الحل الامثل و الوحيد اذا بدك ..يعني مين قال ان كان المراة او الرجل انون مجبورين يعيشوا تحت سقف واحد وهنن حياتون جحيم و ما فيها اي نوع من التفاهم .. عدا عن انو احيانا كتير بتكون مليئة بالذل و الاهانة و التحمل الجبار _ و هون بخص المرأة _ ..يعني اذا الله عز وجل حلل الطلاق .. فمين بقا بحقلو انو يحرم الطلاق او ينظرلو على انو حرام..
تقبل مروري .. لا تحكموا عليها بالإعدام 756959

أكيد ما حدا قال إنو الطلاق حرام
بس أنا حكيت عن نظرة جزء كبير من المجتمع للمرأة المطلقة أو الأرملة
وأنا بتمنى يكون موضوعي مبالغ فيه ويكون الواقع أحلى من هيك
وبشكر رأيك الصريح رورو ومرورك ع راسي من فوق ...
شكرا

حسب ما فهت انو الاخ اسمو سماعيل بل اول بحب اهنيك بجد يعني لمن قريت هل كتابات والله دمعت عيني لانك حكيت الواقع انتبه الواقع مو اكثر ولا اقل فينا جرح وانتا يا اخ اسماعيل حطيت عل جلرح ملح وفيقت ناس تناست ونامت بارادتها على هيك موضوع الشغل بال العالم من اخبار وصحافة بل وقت هاد هو امور سخيفة نعم سخيفة حتى لوكان المر او الخبر شي مهم فمازال انو الاخبار تناست هل موضوع يلي انتا مش طرحتو بل زكرت الناس فيه فاي خبر مهما كان انا اعتبرو سخيف هو سخيف حتى يطرح هاد الرائي يلي طرحتو انتا بصراحة انا حسيت وشعرت وتاملت وقريت من قلبي لانو انا واحد من الناس اعيش باسرة توجد فيها مطلقة يلي هية اختي نعم اختي طلقت وحرمت من كامل حقوقها من روئيت اطفالها والله يا شباب يلي عم تقرو هل كتابة انا اختي ما شافت اطفالها ال3 الا بعد مرور كم عام ليش ليش ليش والله لا تعليق لو كان الاخ اسماعيل بقربي لقبلته من جبينه كامل احترامي وتقديري للاخ اسماعيل بتمنى انو تابع هل كتابات وانا معك ومعك ومعك الله يوفقك شكرن

ما بعرف شو لازم رد عصديقنا اللي اسمو القلب الحنون
يعني عن جد لكل امرئ من اسمه نصيب ...
وأنت فعلاً شخص عندك حنية دافية عم نفتقدها بأيامنا المعاصرة
عن جد بشكرك ع كلامك الصادق جداً وبالنسبة للبوسة اعتبرها وصلت
والله يرفع الظلم عن كل مظلوم أو مظلومة
وانشالله أولاد أختك بيبقوا قدام عيونكن ويكبروا بحضن أمهم
شكرا

شكرا اسماعيل عالموضوع القيم
وبلعكس ابدا مابالغت فيه وهاد الواقع لي بنعيش فيه
يمكن السبب هو تراجع المبادئ والاخلاق والديانة
والحياة كتير صايرة صعبة
المرأة صارت بدها تعيش متلها متل زوجها يعني مالازم يحاكيها و..
والرجل بيحس بضعفو وقلة اهميتو ..وهيك بتصير مشاكل كتيرة
هو اكيد في اكتر من سبب بس الغالبية هاي المشكلة لي بنعيشها بالواقع
شكرا اسماعيل

شكراً آية ع مرورك ورأيك القيّم
اللي أكيد كان إضافة للموضوع

اسماعيلأكيد ما حدا قال إنو الطلاق حرام
بس أنا حكيت عن نظرة جزء كبير من المجتمع للمرأة المطلقة أو الأرملة
وأنا بتمنى يكون موضوعي مبالغ فيه ويكون الواقع أحلى من هيك
وبشكر رأيك الصريح رورو ومرورك ع راسي من فوق ...

وانا ما قلت انو الطلاق حرام .. بس قصدي انو الناس خلت الطلاق حرام اجتماعيا مو دينيا .. يعني مثلا لما اب بقول لبنتو ما في عندي بنات بتطلق .. او متل هالمسكينة اللي حكت عنها لوليتا اللي لازم تتحمل الضرب لأنو الطلاق بعد 5 شهور يعتبر فضيحة ..
الناس هي اللي خلت الطلاق محرم بمجتمع ظالم و ما في رحمة ..
كمان بجوز الموضوع ما يكون مبالغ فيه ..بس هاد الشي بيرجع لببيئة و المحيط الاجتماعي اللي عايش فيه الواحد ..
كمان مرة تقبل مروري .. لا تحكموا عليها بالإعدام 756959

أنا معك بكل اللي قلتيه رورو
وشكراً عالمتابعة للموضوع

كلشي بالحياة بيبدأمن الشخص نحنا ما منقدرنغير الكون بس منقدر نماشي الواقع وبنفس الوقت نحقق اللي منريده

يعني المرأه المطلقه او الارمله هيي احيانا اللي بترسم هالصوره عن نفسها أمام المجتمع لانها بعد الطلاق أو بعد وفاة زوجها هيي بتعد حالها ناقصه وبتقعد بالبيت حاطه ايدها على خدها

برأيي الحياة بتستمر والمرأه لازم فورا تقوم بعد الوقعه ومو كل الناس متل بعض الا ما يكون في ناس عقلها منفتح وخاصه بعد ما اتحسن وضع المرأه

وبظن انو الكلمه بحد ذاتها بتخلي الناس ياخدوا فكره غلط عنةالمرأه المطلقه

فنحنا منقول مطلقه يعني باللغه العربيه مفعول به وبالضروره الحق عليها

وبقولوا الرجل طلق يعني فعل يعني هو اللي عمل هالشي لانو المراه بتستحق

مع انو بكتير حالات الزوج بطلق بناء على طلب المراه لما بكون هو غلطان

وكل هالشي هو نتيجة النظره الخاطئة للشرقيه التي يجب ان نفتخر بها

فأصبحت الشرقيه مذمه ببعض الحالات

ولا ننسى أن معظم زوجات الرسول(ص) هن من المطلقات والارامل

والرسول اوصى بهم فما بالنا نحن؟

كتير شكرا واسفه عالاطاله.............

» لا تحكموا على الناس من مظهرهم‏
» دعاء مدرّسة لغة عربية تزوج عليها زوجها!!!!!!!!!
» 10 لاعبين استحقوا الكرة الذهبية ولم يحصلوا عليها