طلب اذا ممكن

مرحبا شباب بدي اسالكم الكتب نزلت ولا لسا
والمحاضرات صارت تنباع ولا لسا
والفحوص مئتمتة ولا لاء
والسكن الجامعي طلع ولا لاء
والف شكر لمين لح يرد
وانا طالع الاحد على لاذقية

شكرا خي ابو الريم عذبتك

بدي اسالك انت من وين بتجيب محاضرات ووين احسن واحد
لو بدي عزبك

هلق هادي بترجع للشخص كل واحد رأيو شكل
أنا بجيب المحاضرات من مكتبة العلوم ومرتاح فيها كتير والي بجيب محاضراتي منها من وقت كنت سنة اولى وهلق صرت سنة رابعة ولسا ما رسبت ولا سنة

بس في كمان مكتبة العمارة وفي ناس مرتاحين عليها بقى حسب كل واحد وعقلاتو

اخي سيرجيو طيب ممكن تدلني وين المكتبتين

مكتبة العلوم بتطلع من باب الجامعة تبع الزراعة وبتمشي بشكل مستقيم بحدود شي 250-300 متر وبعدين بتتجه على ايدك اليسار ومين ما سألت هونيك بيدلك وهي رقم هاتف المكتبة 420403
أما العمارة فبتطلع من باب الجامعة الرئيسي وبتروح عند مفرق شعبة التجنيد

بس نصيحة مني وبظن أغلب الأعضاء هون بيوافقوني سجل بالعلوم

ماشي الف شكر الك وانا بكرا لح انزل على لاذقية والاحد بروح وبجيب

إذا بتحتاج أية مساعدة تكرم عينك فيني شوفك بالجامعة وبروح معك على أية مكتبة بتريدها

انا بنصحك بمكتبة العلوم لانو محاضراتها كتير مناح وما بينقصوا شي ابدا يعني بيكتبوا متل ما بيحكي الدكتور تماما

خلص شكرا الك اخي سيرجيو والاخت دينا كفيتوا ووفيتوا وانشالله بيمشي كل شي
بس بدي اسالكن ممكن المكاتب تبعت محاضرات على شام ؟

لاء بس بيحتفظولك بالمحاضرات عندهم قد ما بدك وأنت فييك تنزل كل أسبوعين مثلا تاخد المحاضرات وتسافر

بصراحة مافي أحسن من مكتبة أكسفورد بتطلع من باب الزراعة على ايدك اليسار 10 خطوات بتشوفا قدامك

هالمكتبة روعة فيا كل شي بلا أخطاء وكتير بتحترم طلابا

شكرا لكل الشباب اليوم رحت علجامعة وضليت انطر ساعة ونص مستوع كتب بالجامعة والاحلى انو مليت وبطلت ورحت جبت محاضرات واشتركت عند العلوم وقلي ممكن يبعتهن عشام
واخدت كتبه من عنده يلي هنين نثر تبع المدن الخمسة و الشعر بينغوين وفورث ايديشين لغة و انشاء فيرست ستيبس و فرنسي وثقافة بس بقا ترجمة ما عطاني ممكن حدا يقلي شو بقا غيره
والاحلى انو ماشي وعم استدل وقطعت الجامعة شي 4 مرات روحة رجعة من الزراعة للاداب وبالعكس والمدينة الجامعية احلى شي انو رحت وسالت قال ما نزل شي وقلتلها ايمتى قال روح سال الوزير وقلي عم تتهاضم علي البنت
شكرا كتير سيرجيو ولكل الشباب

في عندك مادة المنهجية ما الها كتاب بس في الها نوطة خارجية ممكن تجيبها من المكتبة والترجمة كمان ما الها كتاب بس في الها نصوص و أوراق خارجية بيعطيها الدكتور كمان بتكون متوفرة بالمكتبة

والله كفيت ووفيت سيرجيو