عجبا بنا !!!!!!!!

في موضوع سابق , سلطت الضوء على تصرف غير لائق من التصرفات الكثيرة التي نقوم بها في حرم كليتنا .

و لم ابالغ بالنقد لذاك التصرف لكي لا يفهمني البعض اني من المثاليين أو من المهووسين بالنظافة , ولكن بعد الذي رأته عيني اليوم فليفهم كل على هواه .

نكبر و تكبر امنياتنا و احلامنا معنا , و نطالب دوما بشوراع نظيفة و بأخلاق عالية بالتعامل مع الناس و لكن ......

اذا كنا اليوم , من المهملين و اللامبالين بشيء الا بأنفسنا , فهل يعقل ان تصبح بلدنا في يوم من الأيام مثالا يحتذى ؟؟؟!!!!!

و لاسيما اننا بعد دراستنا هذه , قد نصبح من مربي الأجيال و لا قدر الله ذلك اذا بقينا على هذه الحال .

س :لم شوارعنا مليئة بالأوساخ و لم لا تضع لنا البلدية حاوية قمامة على كل زاوية ؟؟؟؟

ج: الجواب بسيط , لأننا سنرمي مخلفاتنا على الارض و لن ننتبه الى الاختراع الذي يسمى حاوية , حتى وان انتبهنا سنغض النظر

لأن الاهمال يسيطر علينا و ليس هنالك من رادع في داخلنا يمنعنا عن التصرف الغير لائق .

هكذا نحن الجيل المثقف و الواعي و الذي سيصبح في يوم من الأيام من مربي الاجيال أو المسؤولين او المدراء او او او .... في بلدنا , فأي بلد سندير ؟؟؟ و أي جيل سنربي ؟؟؟؟

ان كانت ثقافتنا لا تمنعنا عن هذه التصرفات , و ان كان ديننا لا يقف عائقا بيننا وبين اللامبالاة , و ان كانت اخلاقنا لا تردعنا عن هذا الإهمال , فماذا نكون ؟؟؟ و أي ديانة نتبع و أي ثقافة نحمل ؟؟؟؟

بالله عليكم قولو لي , لم نمشي اذا في حرم الكلية مختالين كالطاووس , رافعي الرؤوس , شامخي الهامات , و كأننا ربحنا حربا بعد كفاح طويل !!! ننظر لبعضنا نظرة متعالية ملؤها السخافة و الفراغ !!!

صدقوني , هذه الصورة امام كافيتيريا الآداب داخل الكلية معبرة و مؤلمة أكثر عندما نراها بأعيننا على أرض الواقع ..... فهل من مجيب ؟؟؟!!!!

مشكور نضال عالاهتمام والالتفات لهكذا موضوع مهم جدا جدا
فعلا لو كل إنسان يبدأ من نفسه ما كنا شاهدنا هذه الصورة
شيء مؤسف حقا.....

للأسف
فالج..لا تعالج

مشكور نضالو...بس لازم تطنش
لأن اذا ما طنشت بتتعب

شكرا لمروركن

عصام
اول شي لما نزلت الموضوع الأول ما توقعت انو الموضوع كبير كل هالقد , اي و الله ما تشوف بعينك كنت حكيت اكتر مني , يا زلمي متل المزبلة الله وكيلك

يعطيك العافيه
نضالوو
وفعلا نبحث عن الرقي والتطور وابسط الأمور لاتطبق
فأي رقي ستصل له امتنا؟؟؟

والله الصورة ما مقبولة أبداً
والمصيبة إنو بعتقد وبناءً على المثل القائل :
العلم في الصغر كالنقش على الحجر
فات الأوان وفالج لا تعالج واللي بدك ياه ؟؟؟؟؟
يعني القصة قصة تربية وكل واحد بيتصرف متل ما تربى ببيت أهلو
وكل واحد بعبر بتصرفاتو عن بيئتو وعن منبتو إذا كان صالح أو غير ذلك
ونقطة ما انتهى ....

سوسن
قال منضل منحكي و منقول وين نحنا و وين الغرب , اذا بأبسط الأمور حاملين السلم بالعرض و مشيانين

اسماعيل
ولك يا رجل المنظر عالحقيقة افظع من الصورة بمليون مرة و الشي يلي بيزعج انو في سلة للمهملات بس ما حدا بيكلف خاطرو يروح لعندا .

و بتشوف هدول يلي بيعملو هيك , كل واحد و وحدة ماشي و يا أرض اشتدي محدا قدي و لك وعشو ابعرف

للأسف شي معيب و مقرف

:suspect:
اي ولو نضال نحنى طلاب جامعة مسمحلنا كلشي
بس حطلي طلاب جامعة بين الف وخمسمية قوس

فعلا علوش


في اقواس كتير و اشارات استفهام و تعجب

يا سلااااااااااااااااااااام ابو النضل شو هالموضوع الواقعي فعلا حطيت ايدك عالجرح وانا والله متلك مابحب هالمظاهر بنوووووووب

بلدنا حلوة بس هي الظاهرة هيي اللي بتشوه صورة البلد فالانسان المفروض يبدأ من نفسو بهالشي والانسان اللي نظيف ببيتو نظيف وين ماكان .

مرة تانية بتشكررك على الموضوع الجميل وبانتظار جديدك غالي .

الي لفت نضري مع اني عضو جديد بهاد المنتدى انو ما في ولا شحص انتبه علصورة منيح بتمنا من الكل بيرجع وبيدقق بصورة في شي فيها هام كتير لو لاحضو اي واحد منكم راح
بيعرف كيف ين الخطاءواشكركم جميعن على حرصكم الكبيرولدئم عل كلية يلي بتمسل بلدنا الغالي

عنجد نضالو شكرا عالموضوع القيم .. وفعلا انا شفت المنظر ..عنجد مو مقبول ابدا .. ورايي قلتو هديك المرة ..يعني عيب كتييير طلاب جامعة يتركو _ يعني عفوا للكلمة _ بس عيب كتيير يتركو زبالتون وراهون و اللله عيب .. يعني متل ما شايفين بالصورة .. السلة على بعد خطوة وحدة .. معقول ما حدا بلكف خاطرو يمشي خطوة لعندها ..
و طبعا انا بوافقكون الراي انو هيدي تربية من البيت ..و كل واحد كيف متربي ببيتو بيتصرف ..
نضال ..

شكرا نضال عالموضوع
وفعلا الشغلة صار بدها ضبط
ومتل ماقالو الاعضاء الشغلة من التربية والقدوة
والله يهدي الجميع
شكرا ابو النضل

غالي أكيد أنا معك وبوافقك

بس بدي احكي على جانب تاني من الموضوع نحنا متفقين انو في ناس عنا قليلين ذوق وغير محترمين....ومشان هدول الناس المحافظة عملت قوانين وغرامات يعني غرامة هيك حالة هي 300 ليرة بس وين المسؤولين عن تطبيق هالشي وليش المحافظة عم تعمل قوانين وما تنفذها ببساطة هيدا القانون لا عم يطبق لا بالجامعة ولا بالحديقة ولا بالمؤسسات العامة ولا بأي مكان فليش عملو؟؟؟؟ ما حدا بيعرف....

مشكورين عالمرور جميعا

سيرجي الغالي

ولك اااااااااخ و لك والله شي بيقرف , ولك مو بالأول ليطبقو القوانين على انفسهم لحتى يطبقوها علينا

و لك بشو بدك تطالبهم لتطالبهم , القانون بيتطبق عليي و عليك و عالمالو حدا و بس , خود مثال بسيط :
اذا معك سيارة و حابب تدخلها عالجامعة , بتروح عالمكتب الامني لتطلع ورقة دخول نظامي , فبيقلولك ممنوووووووووووع للطالب , بنفس الوقت بتنزل على شارع التجارة بتشوف طلاب بسياراتهم رايحين جايين , بهالحالة القانون بيتطبق عليك و عليهن لا .


لهيك انا فضلت حمل المسؤولية لحالنا كطلاب لانو فعلا هالشي لمصلحتنا بغض النظر عن قوانينهم البالية لانو عنجد انا شخصيا قرفت منهن و مليت و فقدت الأمل .

معك حق نضالو
لو كل واحد من هالعالم مايرمي شي هون وهون بتصير كليتنا بأحسن حال بس عبث
ثااانكيوو نضالو وانشالله يتحسن الوضع للأحسن

طبعا نضال انا خجلان من هاد المشهد هاد المشهد يلي للأسف عبيكون بكل محل عام يعني الشوارع الحدائق الجامعات .........وووووو كأن هيدا المشاهد ما بتعبر عن حالنا ولا عن ثقافتنا اما بيوتنا بتعبر عنها على كل الاحوال مشكور وهي المشكلة برأي لو طورنا راح ضل موجودة

عراسي آرائكم جميعا

عفكرة اليوم انا و عم كب كيس فيه بقايا بالصندوق يلي بالصورة اكلت زورة اخو اختا من بنت شقلتني من تحت لفوق قال معجبا التصرف , طلعت انا الغلطان و كان لازم اترك الكيس بأرضو

اي يانضالو معقول انك تكب الكيس بالحاوية شو هالتخلف طبعا بدها تزورك لانها بحياتا ما شافت هيك شوفي ومتلا متاااااااااايل
ومشكرة جهودك ومساعيك بإنارة الضوء على مواضيع هامة

miso....

نور المنتدى

والله يا معلم منظر بخجل ... بس روح عالقاعة خمسة آثار وشوف
طلاب الإنكليزي شو عاملين فيها وبالمرة صورلك كم صورة
مبارح كان عندي حلقة بحث وشفتلك شوفات
مشكوررررر نضالو

بعرفا وا غالي بعرفا كنا ناخد محاضرات السنة التالتة فرنسي جنبكن بال 3 اثار

و الله اذا بدي صور كل المحلات يلي فيها هيك بعتقد رح صور الكلية كلها

احلى علاء

merciiiiiiii nedalooooooo