على شفا حفرة ......

يتتابع مسلسل المهازل و الاخطاء في كليتنا يوما بعد يوم . و يبقى الامل بتداركها موجودا رغم عدم وجود نية بمعالجة المشاكل لدى اصدقائنا الموظفين .

اليوم كجميع الطلاب , توجهت الى شؤون الفرنسي للتسجيل بالسنة الرابعة , و وجهي مليء بالبشاشة و الأمل و الارتياح لضماني الترفع للسنة الرابعة .

القيت السلام المعتاد على الموظفة و على غير عادة ردت السلام بالمثل و اشكرها من كل قلبي على ذلك , لاني اخيرا شعرت بوجودي و بأهميتي كطالب .

و ما كان مني الا ان اقدم اوراقي بكل احترام مع ابتسامة عريضة ملؤها الثقة و العزة بالنفس , عندها بحثت الموظفة عن اسمي ضمن لائحة المترفعين و لكن عبثا , لم تجده .

قالت لي احضر لي وثيقة ترفع من الامتحانات , فقلت انا مترفع , فقالت : ليس لك اسم بين المترفعين .

قلت بيني و بين نفسي : قد يكون هناك تأخير بوصول اللوائح فليس هنالك من مشكلة لأني اعرف اني مترفع .

توجهت لامتحانات الفرنسي أسألهم الوثيقة و كانت النظرة المتفائلة ما زالت مرتسمة على وجهي , فقالت لي الموظفة التي وصلت بعد طول انتظار : انت غير مترفع ,

عندها ارتفع حاجباي و التصق احدهما بالآخر مع ارتخاء بعضلات الفك السفلي نتيجة الخبر المبكي المضحك و المحير الذي وردني .

قالت لي انت تحمل 4 مواد من السنة الثالثة , فقلت : صحيح , اذن انا مترفع , قالت : لاااااااا , لديك مادة من السنة الثانية , عندها زاد ارتخاء الفك اضافة الى بروز بؤبؤ العينين .

و بعد بحث في علامات السنة الثانية و ما تحويه من دورات و فصول و بعد تدقيق و تمحيص و اصرار مني على متابعة البحث لاني كنت واثق من درجاتي و موادي و اعرف اني مترفع ( يا أمة الله ) , ظهرت و بانت المشكلة , فكانت كما ذكرنا سابقا ,

قلة خبرة و خطأ في نقل الدرجات , لأن الموظفين الغوالي نسوا ان ينقلو علامة احد مواد السنة الثانية فكان منهم ان لا يرفعوني للسنة الرابعة .

فتساءلت حينها : كيف لهم ان يسجلوني في السنة الثالثة باعتباري قد نجحت في تلك المادة و انتهينا منها , و كيف ظهرت تلك المادة الآن في الرابعة على اني راسب بها .

لو اني اقتنعت بما قالوه لي في البداية لكنت الآن اقف بمواجهة باب القاعة 3 آثار دامع العين , لين العريكة , مكسور الخاطر , بسبب اهمال الموظفين الغوالي .

و عندما ظهر الخطأ قلت لهم : اهمالكم هذا , كان ليتسبب في ضياع سنة كاملة من حياتي ,(الله يسامحكن على هالخضة ), فما كان منهم الا السكوووووووووت فلم ينبس احد منهم بحرف , و عند تسليمي وثيقة الترفع

اعتلت على وجه الموظفة للمرة الأولى نظرة الحمل الوديع , نظرة المؤمن الورع , نظرة الأم الحنون , و قالت لي اذهب رعاك الله و حفظك .

و قتها عادت ملامح الارتياح و التفاؤل لتظهر على وجهي من جديد , يشوبها كبت غضب عرمرم من هذه الاخطاء التي تقضي على مستقبل بعضهم احيانا , بالاضافة لحرق الأعصاب الرهيب الذي سببه خطأ بنقل العلامات .

ما ذنبنا في كل هذا يا موظفين ؟؟؟؟؟؟؟؟ هل نقل الدرجات من ورقة لورقة علم يحتاج لدماغ عبقري يبحث فيه ؟؟؟؟؟؟؟؟؟؟

تعلمو من اخطائكم التي تقعون بها مرارا و تكرارا , عسى الله عز و جل يعطيكم و يرزقكم بما تعملون .

الف مبروك نضال وعقبال التخرج يارب

على متل"لاتشكيلي ببكيلك"

دائما هيك بيصير معي وبضل روحي وتعي وجيبي وخدي

الله يصلح بالنا ونخلص هالجامعة

بالتوفيق ابو النضل

الحمد الله عالسلامة نضالو

والله أنا وعم اقرا حسيت هيك اخر شي رح يطلعلك زياد سحتوت أو رضوان قنطار ويقللولك سلم عالكاميرا الخفية ....أنا صارت معي بالسنة التانية كان اسمي براس الصفحة والموظف ماشالله عنو متل مايكل شوماخر عم يدور عالسريع يبلش من نص الصفحة و وبالنازل بدون ما يعين على بدايتها ويقللي ما الك اسم وكان رح يجلطني ورجع دور مرة تانية وما شافني وصار يسألني متأكد انك مترفع اخر شي اخدت الوراق منو وصرت عين على اسمي وشفته....

يالله تعيش وتاكل غيرها والحمدالله عالسلامة

بس شو هي وثيقة ترفع أول مرة بسمع فيها؟؟؟؟

هلق هي مشكلة كبيرة يعني واحد مترفع ومبسوط وعين الله عليه يصير خطأ من موظف ويقله انت ما لك مترفع صعبة بس مليح طلعت اعصابك قوية وتحملتر هيك مسخرة على كل الاحوال مشكور

الف الف مبروك نضالو وعقبال ما نباركلك بتخرجك
بدك تطول بالك لانو لسا ما عرفو بالجامعه شي اسمو تطور

آية , سيرجي , طايش , مدين , دوف

شكرا لمروركن و الله لا يدوقكن هديك اللحظة

سيرجي : وثيقة الترفع : شقفة ورقة صغيرة مكتوب عليها اسمك و قال انك ترفعت يعني

مدين : لين العريكة هي كانت معنا بقصيدة بالبكالوريا نسيت شو اسما
وارع : هلق هي خطأ وارع من الورع يعني الخوف شبك

يلا مبروك الترفع
بس شو بدنا والله خضة

بجد نضال
بهنيك ع طولة بالك وثقتك بنجااحك
والف مبرووووك صرت بشكل رسمي طالب سنه رابعه
وعقبال تخرجك يارب

مبروك أخي وحبيبي نضالو والحمد لله مرت بسلام على قولة جوزيف طبشور.....

والله يا نضال بجامعة تشرين كل شي ماشي(وارد).... السنة الماضية رفيقي راح يسجل
بالسنة الثالثة راسب وكان راسب معو خمس مواد يعني على مادة وحدة... بس موظفين الإنكليزي رفعوا للزلمي وحلفوا ميت يمين أنو مترفع على الرابعة ومعه بس أربع مواد.... وبعد جدال طويل
معهم ومحاولات تمكن من إقناعهن بأنه راسب ..... شو رأيك بهل القصة
ما خرج تكون بطرائف من الجامعات

صارت معي نفس القصه
بس بالعكس
كنت مفكر حالي رسبان طلعت مترفع

و الله خرج الواحد يكتب هالقصص بكتاب يسميه نهفات في كلية الآداب

شو رأيكو؟؟

هههه....طيبة مدين طلعلو طلعلو....بس لو كنا بالفايس بوك هلق كنت سلختلك أحلى لايك

مدين بس لازم ندير بالنا هاد بطل مسلح في عالم قالولي أنو عندو بارودة ميقوص فيها العالم

شو رأيك انت و هوي اسلخكن توقيف عضوية شهر زمان

مدين : ورع ورع خيو متل ابدك هلق منعدلا

يا شحار جمتي طلع بطل وديكتاتور ع راسي عكيد

الف مبروك الترفع تنذكر ما تنعاد

لانت عريكة قاطنيه
كانت بقصيدة الفاجعة للشاعر خير الدين الزركلي
يلا انا لسى سنة اولى فرنسي انشالله ما بيصير معي هيك :*626*:

اة انشالله الف مبروك نضالو .. و تعيش وتاكل غيرها .. لا بعيد الشر .. بس سؤال و بدي جواب صريح ..

هلق هاد انت اللي كان طالع صوتك لعنا لقاعة الاثار عم تتخانق مع موظفين الامتحانات ؟؟؟ :suspect:

بشرفي خوفتني أول ما قريت المقال
بس منيح بعدين بيضتها
يالله الف مبروك و تعيش و تاكل غيرها أصلا اذا مرق الواحد عالرابعة بلا هيك مواقف بحس حالو مانو طالب
هههه

طيب شو رايكن اني مرة كنت بمكتب التسجيل ودخل طالب رابعة بدو يسجل وكمان كانو ما مرفعينو رد الطالب وهو عم يضحك انا اللي طلعت الاول كيف مانكن مرفعيني طبعا هالحكي السنة الماضية بقسم الانكليزي هلا انا في شغلة بدي علق عليا اللي هيي انو كمان الموظفين بني ادمين وبين ايدين مو ورقة ولا مية ولا الف ......................الاف يعني الخطا وارد بهيك كلية ضخمة واللي كل ما فتحو قسم جديد بالجامعة بيدحشو فيا يعني سبق وقلت مابقي الا القليل بدكن تتحملو

noir lune شكرا لمرورك و نشالله بتشيلي كل سنة بسنتا
و بالنسبة للقصيدة صح هلق ذكرتيني فيا و الله كبرنا وا خيتي , ختيرنا و ابقا هالذاكرة متنفع لشي بس تذكرت هالبيت :
لانت عريكة قاطنيه و ما دروا ان الضعيف معذب منكود


رورو
هئ انا ابرفع صوتي عحدا

سومر
اي و الله اول شي وقع قلبي عالأرض قال امترفع قال


fafo
هلق الأخطاء اكيد بتصير , بس هيك نوع من الأخطاء لا يمكن السكوت عنها و غير مقبولة ابدا لأنو من الممكن انو تقضي عمستقبل و أحلام طلاب كتيييييييير

لك له له يا زلمة شو ختيرت ما ختيرت؟؟؟؟؟؟؟؟ :suspect:
كلك شباب ولو

noir lune
" />