استفسارات مهمة عن التسجيل وإيقاف التسجيل

مرحباً ..
عندي شوي استفسارات وماعم أعرف مين إسأل ولا بقدر روح عالجامعة إسأل لاني ببلد تاني ..
**أول شي سمعت كتير حكي عن إنو يمكن اللي عندن تخرج و بآخر سنة بيقدروا يقدموا مواد الفصل التاني بالفصل الأول وسألت بس ماوصلت لشي أكيد لأنو البعض قللي لأ القرار بيشمل الكل والبعض قالوا سمعوا هيك إشاعة والمشكلة مافي وقت حتى الواحد يعرف بآخر لحظة والمشكلة كمان إنو صايرين الموظفين بالجامعة ماعندن هالأخبار وبيجاوبوا من عندن.
**السؤال التاني إنو إمتى آخر وقت للتسجيل , وبيصير حدا يسجل عني وشو الأوراق المطلوبة للتسجيل يعني قصدي إزا مامعي البطاقة الجامعية ولا الوصل عادي سجل, وكم رسم تسجيل اللي راسب بالسنة الرابعة 3 مرات وبتفرق عدد المواد؟
**كمان سؤال عالتسجيل إنو اللي ما عندن غير مادتين فصل تاني يعني ما رح يقدموا هالفصل لازم يسجلوا هالفصل ولا بيصير يسجلوا الفصل التاني؟
**سؤال عن إيقاف التسجيل : إنو اللي ماعندن مواد فصل أول بيصير يعملوا إيقاف تسجيل هالفصل والفصل التاني يشيلوا إيقاف التسجيل ويقدموا؟
** شو المطلوب لإيقاف التسجيل وإمتى آخر وقت لإلو وبيصير حدا غيري يعملي إيقاف تسجيل؟
و شكراً :)