وأخيراً التقينا ... وعلى بساط أحمدي

تذكير بمساهمة فاتح الموضوع :

بعد المبادرة الحلوة من حسون واقتراحو أنو نلتقي ونتعرف على بعض على أرض الواقع
والأخد والرد والجدل ومع وضد وما بعرف شو ؟؟؟ تم وبحمد الله اللقاء
والحضور كان على الشكل التالي:
الصبايا

رورو & وردة تشرين & لوليتا
الشباب

نضال & مدين & حسون & سيرجيو & اسماعيل
أجواء اللقاء:
بعد الانتظار والتلاقي والتعارف الودي قعدنا بالكافيتريا وكان الجو كتير حلو وحسيت الكل مبسوطين ومرتاحين
في ناس حكيو كتير وما دخل لسانهم لحلقهم وفي ناس كانوا رايقين وخجلانين شوي بس بعدين مشي الحال.
وطبعاً كل واحد حكي عن حالو شوي وشو بحب وشو بيكره وتناقشنا كتير بأمور المنتدى وكيف لازم نطوره
ونرتقي بمستوى المواضيع لتكون مميزة ومفيدة دائماً.
باختصار كان في جو من الصراحة والشفافية بطرح كل الآراء على اختلافها وتنوعها وحسيت اللقاء عمل نوع من الارتياح
عند الكل وكسر بعض الحواجز بين الأعضاء وأنا حسيت الكل ع أرض الواقع أحلى وأظرف وأقرب بالشكل وبالمضمون.
ورح أوصفلكن الكل متل ما شفت وحسيت:
رورو :
صبية حلوة, رايقة وقريبة عالقلب و لما تعرفت عليها عرفت من وين النحل بياخد العسل.
وردة تشرين :
صبية حلوة ظريفة وصريحة , متصالحة مع حالها ومريحة بالتعامل وأبداً ما عصبية
لوليتا:
صبية حلوة مهضومة ودمها خفيف , واللي بقلبها ع لسانها وبتحس أنك بتعرفها من زمان
نضال:
شب حليوة , رايق كتير عالطبيعة , صريح ومهضوم متل المنتدى وأكتر شوي ...
مدين:
شب مرتب وأكابر , وهو عميد "الشلة" يعني أكبر واحد فينا, قريب عالقلب بس كل ما بحكي بدو يسكتني
حسون:
شب راكز كتير ومتواضع , صريح كتييييييير, بقول كلمته وما بيسأل ع حدا وهادا أحلى شي فيه.
سيرجيو:
هو اعترف أنو عصبي شوي بس أنا شفتو شب رايق وهادي عالطبيعة , وحكيو قليل (طبعاً بس أول مرة )

وأخيراً بدي سلم ع "SOMAR" اللي ما قدر يجي لظروف خاصة وبقلو "القعدة ما بيكمل حلاها بلاك"
وبدي أشكر حسون اللي اقترح الفكرة ونضال اللي نسق مع الأعضاء وكل اللي كانوا معنا اليوم.

وبدي أعتذر من كل شخص كان حابب يكون معنا اليوم وما كان والجايات أكتر من الرايحات انشالله.

وهلق بدي تعليقات اللي كانوا باللقاء وخليكن صريحين وقولوا اللي بقلبكن
وكمان بدنا نسمع رأي بقية الأعضاء بهالفكرة اللي تنفذت اليوم وصارت حقيقة و واقع
:?: :?: :?: :?: :?:

آية الغالية:
أول شي إذا بدك أحكي عن حالي بدي شي 10 مواضيع وما بكفيني
وكنا منتمنى تكوني معنا ... بس يلا انشالله باللقاءات القادمة
noir lune:
ولا يهمك انشالله المرة الجاية منشوفك معنا وإلنا الشرف
Pearl:
نحنا كتير مناح ومشتاقينلك
والخبر الأحلى إذا بتكوني معنا المرة الجاية يا لؤلؤة

المرة الجاية إمتى؟ المشكلة إنو أنا مابسوريا ومابعرف إزا رح إجي بالشهر الأول أو لأ :(
يمكن ما إجي للشهر الخامس مشان قدم المادتين اللي عندي فصل تاني بس لوقتا ما رح يكون في اجتماعات ما؟

بجوز الأسبوع الجاية أو اللي بعده لؤلؤة
بس أنت على هالحالة مطولة لكن ...
عالعموم ولا يهمك انشالله لوقتها منكون صرنا شلة كبيرة
وبتجي ومنتعرف عليكي ...
وانت اذا كنت هون بالشهر الأول ابعتيلي عالخاص
وإذا كان في لقاء بوقتها رح خبرك

ان شاءالله.. هو إزا ماصار مستجدات فأنا عالأغلب ما بقدر إجي بالشهر الأول لأنو بس عندي مادتين فصل تاني .. عكل ان شالله بالتوفيق وإنكم تصيروا شلة كبيرة ويكونوا الكل صادقين وحبابين

مرحبااااااااااااااا جميعا كيفكم؟

انا شخصيا مشتاقه

اي بخصوص الموضوع انا للصراحه موضوعيه وصريحه واذا الكل حكي بالايجابيات انا عندي السلبيات تعو وشوفوا

الصبايا : رورو و لوليتا غطوا عليي وماخلوني بين من جمالهم ورقتهم وشفافيتهم وعفويتهم وهضامتهم

اسماعيل : غطى علينا باللباقه والحكي اللطيف الموزون

نضالو : اخد الاشراف معو وماخلانا ندفع شي

مدين : استفقد معي الرشاشات وماكان يضل باللادقيه

سيرجيو :خلانا ناطرين الموعد الجاي بالثانية لنسمع كلامو ونشوف شو رايو فينا

حسين : صاحب الفكره اجا بالاخير

وانتو يا اعضاء ما اجيتوا ولهيك زعلنا كتيييييييييير

وهلق انا وانطباعاتي:

ماحدا وللصراحة كان مغير عليي وعنجد الكل نفسهم ومابزيد عليهم الا اللباقه والزوق

والاحترام

وكتير مهضومين وبحسسوك كانك كل يوم عم تشوفهم

انشالله ماتكونوا ندمتوا عالتعرف عليي انا للصراحه ندمت على ترددي بالاول

وكتير انبسطت وحسيت الوقت مر فورا ومتشوقه للقاء الجاي

بس بجد لازم يجوا باقي الاعضااااااااء والاااااا رح استعمل اللي استفقدهم مدين

شو حدا رح يغيب

يالله بااااااااااااااااااااااااااااي واسفه عالاطاله

شعور متبادل بالتأكيد وردة

شكراً وردة تشرين صديقتنا العزيزة
ع كلامك الحلو واللي بيدل على نفسيتك الحلوة والمرحة
وانشالله اللقاء القادم بكون قريب ومنشوفك عن جديد

شكرا وردة لكلامك اللطيف .. بس صدقيني ما في شي بيقدر يطغى على رقتك و نعومتك اللي لفتت نظر الكل ..
و انشالله منلتقى عن جديد قريبا ..

الله يعطيكو العافيه يا شباب
و انشالله الاجتماع الجايه منحضرو معكو

بس انا عم تابع هالموضوع
و كل ما حكا حدا جديد فيكو بتذكر يللي بيقولو عنهن بالمسلسلات بيت فستق

ماحدا يزعل..خليكو كووووووووول
اوكي؟

هلق بما اني انا الكووول الوحيدة هون .. ممكن اسأل شو يعني بيت فستق ؟؟

اقتباس :

الصبايا : رورو و لوليتا غطوا عليي وماخلوني بين من جمالهم ورقتهم وشفافيتهم وعفويتهم وهضامتهم

" /> " /> والله انت الي خجلتينا بزوقك ولطافتك
وانا ناطرة الاسبوع اللي جايية لحتى نشوف بعض من جديد مع الاعضاء الجداد

رورو هلق انا بعرف انو بيت فستق هنن اللي بوجبو بعض كتييييييير ههههههههه
بقى مابعرف اذا عصام هيك قصدو

إي بجوز عصام هيك قصدو وأنا بتقبل رأيو بكل رحابة صدر
بس عن نفسي ما جاملت حدا زيادة عن إطار اللباقة
وقلت اللي حسيت فيه وقت اللي تعرفت عالصبايا والشباب

اذا فعلا هيك قصدو

فانا للاسف مابقدر احكي شي مابحسوا وانا فاشله بالمجامله بجد

وانا حكيت اللي حسيته من البداية للنهاية

ومشكور جميعا على كلامكم

ويارب بس نلتقى كلنا تغير رايك شريك

وانا كوووووووووووول

ولا يهمك وردة تشرين عادية كتير

لوليتا..............
برافو

هلق كاني فهمت في لقاء بهالاسبوع

يرجى التوضيح

وردة

اي

شو رأيكن :?:

انا لهاااااااااااااااااااااااااااااااااااااا

يلا تعو لكن

ابو النضل بما انك المشرف العام
نظم الامور انت

اسف عالتأخير
وبشكر كل من ساهم باللقاء
البركة بالأعضاء ما تركو شي إلا حكوه وانا معهم
رأيي من رأين
ونهايتاَ نلتقي لنرتقي
وانشالله نرتقي لأبعد المستويات
الشكر للكل

مرحبا شباب وصبايا ان شالله الكل بخير
انا اشتقتلكن والله
واخيرا تم اللقاء وما شالله نخبة المنتدى التقو
خيي اسماعيل انا من الاول بعرف انو الشباب والصبايا متل ما وصفتن واحسن من هيك
وانت اولهن شهيتوني كون معكن والله وعلى فكرة انا ما بحكي كتير هههههههههههههه
احلى شلة بالمنتدى والله وكلكن مبين عليكن اكابر متل ما قال اسماعيل اللي راح عاللقاء واللي ما راحو كمان
تحياتي