الكل لازم يحكي

مرحبا جميعا بدي احكي عن حبيبنا الغالي

اللي جاييينا بعد فتره ورح نبلش بالتحضير الو من هلق

أكيد عم احكي عن الامتحان اللي هو كاس لكل طالب

اللي بدي رايكم فيه هو مدة الامتحان ما رايكم بان يكون الامتحان 15 يوم فقط

يعني بين الماده وما يليها يوم واحد عدا المواد المحموله

برايكم الضغط بخلي الطالب يدرس اكتر ويكثف وقت الدرس بدل مايتكاسل نتيجة الوقت الطويل اللي كان بين المواد ويرتاح بسرعه ويخلص من شهر توتر

او انو هالشي رح يضر الطالب ويضرب المعدلات

علما ان فترة المراجعة لبعض الاقسام أصبحت أطول

اتفضلوا التعليق لكم ................

تحيااااااااااااااااتي

باعتبار انا سنة اولى لسى ما بعرف كيف ممكن يكون جو الامتحان
بس بظن انو الفترة اللي هي 15 يوم منيحة لأنو-متل ما قلتي يا وردة-بتخلص فورا وبتخلي الطالب يشتغل ويدرس بجد اكتر احسن من الشهر اللي بيخلي الطالب يعيش حالة من التوتر فضلا عن التكاسل والارتخاء اثناء الدراسة
وبالنهاية اللي بيكون دارس طول السنة وقبل الامتحان بفترة منيحة بيكون سهل عليه انو يقدم امتحان خلال 15يوم
مشكورة وردة تشرين وبتمنالك التوفيق

هلق هالحركة منيحة من جهة انو بتخلي الطلاب بدرسو ضمن السنة منشان يلحقو لبعدين بس انا حسيت انو وقت الفحص ديق شوي يعني في مواد والله الواحد ما بلحق حتى يراجعا بيوم او يومين
مو
؟

بالنسبة إلي بشوفها شغلة سيئة
وحتى اللي بيدرسوا خلال السنة رح يكون صعب عليهن لأن في مواد ضخمة ما بتخلص مراجعة بيوم
أنا مابدرس غير وقت الامتحان لهيك رح اتشرشح هالفصل وعلى قولة المثل عند الامتحان يتسلى المرء بأي شيئ كان

هلا انا من راي سيرجيو يعني في مواد بدا وقت وما بتت راجع بيوم او 3
والله يجيرنا من الاعظم

هلق بالنسبة الي .. انا كتيير بلتهي وقت بكون عندي فترة بين المادة و التانية .. وغالبا بأجل دراستها ليوم الفحص .. لهيك انا حاسة انو هالفترة القصيرة عم تحفزني عالدرس من هلق مشان لحق وقت الفحص ..خصوصا انو السنة انشالله تخرج ... وبدي معدل لهيك ما لعبة الشغلة .. بقا انشالله يكون هالقرار خير علينا كلنا ..
و موفقين جميعا ..

حبيبنا الغالي
أكيد عم احكي عن الامتحان

مين هاد مابعرفو

أنا مابشوف الوضع احسن لأنو مابيعطونا وقت قبل المواد لندرسها والفترة15 يوم قليل جدا
في مواد بدها 15 يوم لحالها
والمكاتب مابتنزل المحاضرات بسرعة لحتى ندرس المحاضرة بوقتها
والله يكون بعون الحاملين مواد

شكرا وردة المنتدى

مشكورين جميعا

بالنسبه الي:

انا مو كتير مرتاحه خاصه اني كمان بدرس اكتر بفترة الامتحان بس انا كوني عم احضر فهيدا الشي يمكن يخفف شوي

انا مع انو فترة الشهر كتير طويله بس كمان 15 يوم قصيره برأيي كان لازم يقيموا كل ماده حسب ضخامتها

وحتى الطالب الدارس خلال السنه ولو بدو يقرا الماده عالحاضر بدو أكتر من يوم وبعدين في مواد بتداخل ببعضها ولازم يكون فتره راحه ليفصل عقلنا بين المواد وهالكلام علمي

ويمكن نسينا الطلاب المتنقلين وتعب السفر والطلاب بالسكن فحالتهم أسوأ لانو سكن طلاب الاداب بالتحديد بهدلة يعني 5 بالغرفة كيف رح يدرسوا

مابعرف هنن عم يجربوا فينا لنشوف

الكل موفقين يارب اتكلوا على الله وكل واحد يعمل واجبوا ولنشوف

والله النظام الجديد كلو ماعجبني

الوقت ضيق والمحاضرات زادو اكتر

والامتحانات الصيفية كل مادة رح تدفعي سعرها يعني مو ببلاش

فديرو بالكن ودرسو منيح

هارد لك للجميع

terribl.angel

شو hard luck

خليكم متفائلين شوي يعني كمان المواد صاروا اقل شوي وفترة المراجعه أطول

عسى أن تكرهوا شيئا وهو خير لكم

يمكن تكون هالتجربه ناجحه

بس لا تتشائموا

خلينا واثقين من نفسنا احسن شي
يمكن نحن عم نعترض بس مع الأسف هاد الاعتراض ما رح يفيدنا بشي :*687*:

موفقين الكل يا رب وانشالله كل اعضاء المنتدى بيجيبوا احلى علامات

والله يا ريييييييييييت لو ضل النظام القديم متل ما كان وبلا تكميلية
يعني 15يوم للامتحان والله مصيبة ما منلحق نراجع المادة ولو تصفح
وانا بالنسبة الي اذا ما راجعت المادة قبل الامتحان مشكلة
شكرا وردة

دعواتي الك جوى بالتوفيق

المدة أكيد قصيرة كتير بس برأيي ان مليح منخلص من ضغط الامتحان بفترة قصيرة وهاد شي جيد بتشكرك يا وردة يا حلوة على طرحك هي المشكلة وبتمنالك الك ولكل الاعضاء كل التوفيق ومراسي