اذا صار معك هالموقف الصعب

انك تقابلي شخص وتحبيه وماتقدري تشيليه من بالك

والله يحققلك مبتغاكي ويطلب هالشخص تقابليه لموضوع خاص

ويكون بالنهاية معجب بصديقتك وبدو مساعدتك

مع الاخذ بعين الاعتبار شعورك لما طلب تقابليه وتفكيرك ومشاعرك

ردة فعلك شو؟ وبتمنى الموضوعيه لأنو الكل بيتمنى الخير لصديقه بس هون في قلب ومشاعر موقادرين نتحكم فيها

والله بصراحة موقف صعب كتير
بس بنصحك تقطعي Ticket
وتتابعي حياتك
لأنو الحياة بتمشي ومابتوقف عند شخص معين

شكرا على مرورك وأنا من رأيك

والموضوع للتوضيح مو تجربه شخصيه يعني ماعم احكي عن شي صار معي بس فكرت فيه وحبيت اطرحه

مشكور مره تانية

موقف محرج وصعب كتير
بس ببعد عن الطرفين
لانو الشب وبيحب غيري وحتى لوحبني بعد رفيقتي ما بقبل
وببعد عن البنت بخبرها بالموضوع اكيد بس مابقى بدخل حالي بيناتون
لانو انا كمان الي مشاعري وبخاف مشاعري وحبي لهالشخص يخلوني ارتكب
اغلاط

موفقة وردة

هلا الموقف صعب هيدا شي أكيد
بس الحياة مابتوقف هون
لو انا كنت عرفتهم على بعض وبقي صديق وبس
ومتل ما قالت آية بحاول ابقى بعيدة
وبكمل حياتي بشكل عادي
مشكورة وردة عالموضوع الحساس

رأي(أيه) حلو بس معقول تبعدي عن رفيقتك

او قصدك ماتدخلي بهالموضوع

وموفقه انت وربي يبعدك عن هالموقف ويعين اللي صار معو هيك

Violet

شكرا على رأيك ومنوره

مره قلت نفس كلمتك وبصير صديق فقالولي مستحيل هالكلام الحبيب مابصير صديق

شوفي حياتي وردة مو ضروري تبعدي عن رفيقتك

بس بعدي عن الموضوع وعن الشخص اكييييييييد

موفقة يارب

هلق ما بعرف .. موقف اكيد صعب ..بس انا برايي انو ما في شي اسمو حب من طرف واحد .. يعني اذا هو مو حاسس فيك " مثلا " و حابب رفيقتك فمعناها يفضل انك تشيليه من بالك .. لأنو كمان معناهاانو هو مو شايفك بالمرة طالما انو طلب مساعدتك انت بالذات ..
فالحل الوحيد هو انو تقولي لرفيقتك و تطلعي برا الموضوع و تحاولي تنسيه ..

طبعا انا عم احكي بلغة المخاطب بس اكيد ما بقصدك انت بالذات ... lol!

شكرا وردة على طرح الموضوع ..

انا مع اغلب الآراء اللي انطرحت
يعني الوحدة ممكن شوي تنصعق لأنو كل حساباتها واحلامها راحت بلوشي
بس بالنهاية الحياة بدها تمشي بهالشب وبغير هالشب...فشو ساوي؟؟؟ اكيد ما رح حط الحزن بالجرن وابكي وازعل....... لا انا رح تابع حياتي وكمان بحكي مع رفيقتي لحتى تحكي مع هالشب متل ما هو طلب
:*740*:
ميرسي يا وردة على موضوعك الحلو اذا صار معك هالموقف الصعب 343580

مشكورين جميعا على أرائكم الحلوع والمنطقيه فعلا

وأنا معكم تماما رورو وnoir lune
كمان معكم حق ممكن نوصل الفكره للبنت ونطلع من الموضوع

وشكرا أيوش على مشاركتك مره تانية

تحياااااااااااتي الكم

هلأ أكيد موقف صعب رح يكون لو صار
بس أكيد لازم تتغلب على هالشي بغض النظر
عن المشاعر والاحاسيس
رح تقولي كيف
وانا رح جاوبك
أكيد الكرامة أهم من المشاعر
ونقطة انتهى
ما تقطعينا من هيك قصص لأن بتعلمنا كتير شغلات بالحياة اذا صار معك هالموقف الصعب 992338

ع راسي قناص اللوتي ومنور

موقف صعب كتير ..

لو صار معي هيك .. وانصدمت !!!
بكل صارحة بئول ..

انت معجب فيا روح ئلها ..

وبندم اني كنت معجبة بشدة لشخص بعتبرو ضعيف الشخصية برايي ..

هيك بعمل بموضوعية ..

اذا صار معك هالموقف الصعب 214802

ليش اعتبرتي ضعيف الشخصيه

ما الافتراض انو البنت بتحبه

بينها وبين حالها هو شو ذنبه

يا صديقتي ..
االاختلاف في بالفكرة فقط انو حسب مافهمت انو انا معجبة فيه وهو معجب برفيقتي وهو اجا ئلي انو معجب برفيقتي ..

لنفرض انو البنت التانية معجبة فيه بينا وبين حالها وهو الشب معجب فيا كمان ..
طيب ليه يجي لعندي مثلا ويئلي ؟؟؟ مولازم يروح يئلها هي الفكرة ..
والشب برايي لازم تكون شخصيته ئوية .. يعني يروح ويحاكيها .. هون الضعف بكون برايي
البنت بيمنعها حيائها ..
يعني انتي ئلتي بالموضوع صديقتي انو طلب مني مساعدته !! لو انو حكيها للبنت ورفضت
ولجألي ممكن اني ساعد ولكن بهيك موقف واني انا بكون معجبة فيه لساتني على رايي السابق !!

عزيزتي الاختلاف بالراي لا يفسد للود قضية ..

رش روشه أكيد مافي مشكلة بالاختلاف بالرأي بالعكس

بس أنا حسيتك ظلمتيه انو اعتبرتيه ضعيف الشخصيه في كتير شباب مابحبو يحكوا مع البنت مباشرة

لأسباب غير متل انو يمكن بخاف تكون مرتبطه فبيسأل رفيقتها عنها

بس متل ماقلتي الاختلاف بالفكره انت شفتي الموضوع خارج مانا عم اسأل

الصعوبه تنعجبي بشخص معجب بشخص قريب الك

ألف شكر للتوضح وأحلى رش روشه

» الصعب والأصعب في الحب
» هناك الصعب وهناك الاصعب
» من الصعب ان تحب شخصا بجنون وأنت تعلم بانك لن تكون له .