اصعب قصة حب بس رجاءا بلا ردود جارحة

بنت حبيتها لسنتين بدون ماخبرها وبالسنة التالتة حكيتها اخلصتلها فوق المعقول بس تفاجئت بعد سنة انها تغيرت بعد مااكتشفت مقدار محبتي الها لدرجة ماعادت اهتمت بشي وصار همها تتفنن بتعذيبي وانا ع قد مابحبها عم اتحمل وصار لي على هالحالة 5 سنين ومافيني انساها بس اخر شي اضطريت كابر ومااذكرها فصارت هي تخلي رفيقتها تحكي معي لحتى تسألني اسئلة عنها بحيث تعرف موقفي وطبعا انا ماعم رد على هالاسئلة .....المشكلة انا متأكد انها بتحبني اكتر مابحبها فلو كنتو محلي شو بتعملو؟؟؟؟؟

طنشها لفترة وحسسها انو في غيرها

وبعدين بتقعد عاقلة

وإن كيدهن عظيم

بتمنالك التوفيق اخ علي

شوف صديقي علي
انك تحب شي وانك تنحب شي تاني وبصراحة هي البنت مانها مخلصة إلك ويمكن ما بتحملك نفس المشاعر الصادقة اللي انت بتحملها إلها
انا برأيي أنك تنساها تماما وتبعد عنها لأنو إذا هي مانها مخلصة الك ومانها صادقة معك اكيد بتلاقي وحدة اصدق واخلص منها إلك، ابحث دائما عن فتاة بتحبك متل ما انت بتحبها ولا تتأكد أنها بتحبك أكتر ما انت بتحبها لأنو لو بتحبك ما كانت عذبتك وعملت فيك هيك
انا هاد رأيي بكل صراحة وصدق ارجو انك تتقبل مروري

انا رح احكي وجهة نظري كبنت

بعرف انو وقت بنت بتحب ما بتعذب ولا بتتفنن بتعذيب اللي بتحبو

ولو فعلا بتحبك
مابتتصرف معك هيك

ممكن يكون تصرفا وكلاما مع رفيقتا مجرد انو بدا تعرف اذا لسة عم تفكر فيا ولا لأ

لانو هي بصراحة عقدة عند كتير بنات
انو يتتبعو اخبرا المعجبين فين

انت مبين مخلص وبصراحة بتستاهل اكتر من هيك نوع بنات

الف شكر الكم..............حاسس حالي شفت الشي الكنت متوقع مستحيل شوفو بهالزمن اللي وصلنا لو..............صداقة واخوة..................ف بشكركم من كل قلبي.