مسابقة أجمل قصيدة بأقلام أعضاء المنتدى

مرحبا أصدقائي
انا لاحظت شغلة بالمنتدى
أنو في كتير ناس مبدعين و عندن إحساس بكتابة الشعر و النثر و القصائد
لهيك رح نعمل مسابقة أفضل قصيدة
و الفائز رح ياخد وسام شاعر المنتدى بالإضافة للنقاط
وطبعا رح يكون في مرتبة تانية وتالتة
المسابقة بتستمر اسبوع قابل للتمتديد
وطبعا الكل لازم الكل يشارك ما حدا يقول انا ما عندي هواية و ما بعرف شو
حتى لو أربع أبيات مو مشكلة
شروط المسابقة:
1 - تكون من كتابة شخصية مو نقل
2 - عدم المشاركة بأكثر من قصيدة واحدة
3 - اللي حابب يشارك يكتب قصيدتو وينزلها بقسم خواطر و أقلام
بعدين يرحع على هالموضوع ويحط رابط لقصيدتو و عنوانها
4 - لن يتم الاختيار من قبل شخص لأفضل قصيدة ستطرح جميع القصائد للتصويت .
5 - القصائد الشخصية اللي سبق تنزيلها بالمنتدى غير مقبولة مشان ما يعرف الواحد شو رد فعل الناس على قصيدتو و أنو وحدة الأجمل ..

لا خجل في الابداع و انما الخجل في عدمه
بالتوفيق

فكره كتير حلوه
سومر
وبتمنى نشوف ابداعات الأعضاء بدون استثناء
فيعطيك العافيه
وانا اول وحده رح اشترك

فكرة حلوة سومر
بما انو الكل لازم يشارك شو رأيك تبدأ انت يعني مشان البقية يتشجعوا
وانا واثقة انو رح نشوف قصائد رائعة

و الله فكرة حلوة .. ياريت عندي هالموهبة لشارك بس للاسف ...

بس طبعا منستنى ابداع الاعضاء لنصوت ...

فكرة كتيييييييير حلوة سومر
بس جد انا مستحيل اقدر ركب كلمتين على بعضن بالشعر
ومتل رورو رح خلي مواهبي للتصويت والنقد

كتير حلوة الفكرة جد ..

خلص انا بدي شاااااااااااااااارك ..

ذكرى حب
إني لأذكرك وإن غيبك عني قدري
إني لأذكرك وإن مابقي لي منك إلا ذكراك
قد قلت وقالت حروفي دوما"أحبك
ودوما" كنت صامتة" لاتسمعين صوتي ماأقساك
ومع هذا قلمي لا يكتب إلا حين أذكرك
ومع هذا قلبي لن يحب سواك
كلماتي بليغة حلو مذاقها
كلماتي تائهة لا تعرف من تكون أمام حلاك
تغيبين ويغيب القمر عن سمائي
وقلبي على حبك يبقى يرفض أن يحب سواك
طعم العلقم مرطعم العلقم حلو
أمام طعم هواك
هواك قد أدمى عيوني وجرحني
وما من شاف لي سواك
في ذاكرة التاريخ ظلم و ظلام
مامر في ذاكرة التاريخ
ظلم أظلم من ظلم هواك
تمر السنون وأبقى على ذكراك
تغيب الشموس وقلبي لازال يحبك ويهواك
kinan sHaDoud
2006\4\22

وانا حابب شارك مع انو ابعرف اكتب شعر بس معلش منشارك ليش لأ

اوك سومرررررررررررررر


هي انا رح شارك بهي القصيدة ...

انا كاتبتها وهي الرابط ..

https://lattakia.ahladalil.com/montada-f49/topic-t5104.htm#38975

شكرا كتير سومر وفكرة كتير كتير حلوة

بس ضروري الفضايح" />

حظا سعيدا جميعا

ليكو ما دخلني قلتلكن الكل بدو يكتب وحتى أنا
واللي عم يتهربو ما نيالن مني

فكرة كتير حلو كابتن...مع أني ما جربت من قبل ....بس بنحاول لعيونك يا غالي

ولو سومر شو هالارهاب واللي ما بيعرف يكتب طيب ؟
طيب انا رح صحلي شي بيت عتابا بلكي بينزل عفريت الشعر عليي وبكتبلي شي قصيدة قبل ما يخلص هالاسبوع
أحم أحم سمعو
أنا ضارب بالرمل مليون مندل وعزولي عالولف يا ناس ما اندل ما اندل
والله دعوني اشرب الخمرات من دال اللي كانو يمرقو تحتا الحبااااااااب

لا سومر عنجد هيك ارهاب
طيب يعني انو لو عملتا مسابقة اجمل صورة ما كان اسهل

مرحبا جميعا ...

انا عضوة جديدة .. و شفت المسابقة و حبيت الفكرة كتير .. و حبيت شارك معكون كوني بكتب خواطر شعرية ..

بتمنى تقروا مساهمتي على الرابط التالي ..

من هنا

و شكرا جميعا ...

اكيد نورتي منتداكي

و1000000000000000

اهلا وسهلا بوجودك

واكيد مارح تلاقي غير السعادة والفائدة والمتعة معنا

بتمنالك التوفيق

شكرا لمتابعتك اية ....

SOMAR (الخميس ديسمبر 16, 2010 1:55 am) كتب:

ليكو ما دخلني قلتلكن الكل بدو يكتب وحتى أنا
واللي عم يتهربو ما نيالن مني

خلص خلص سومر رح شارك ...

شو رأيك بهالقصيدة ...

يبعتلك قتلك .. يبعتلك شكلك
يبعتلك فالج .. ومنو لا تعالج
قشرلي موزة .. طعميني تفاحة
شعلي شعلة ..بس وين القداحة ؟؟

و بذكرك بمقولتك سومر " لا خجل في الابداع .. الخجل في عدمه "

سلام الفكره مشكوره

رح شارك بخاطره لانو عيب سميها قصيده شتان بينها وبين القصيده كتبتها بمرحلة الثانويه.....



أحببتك حب السكارى

وتجرعت كؤوس العشق حتى الثمال


هويتك هوى العذارى

وتنشقت نسائم الغرام حتى النعاس


عزفتك عزف الربابه

وسمعت ألحان الغربه حتى الغرابه


حلمتك حلم الصبابه

وأنمت أجفان السهارى حتى الرقاد


أسميتك اسم السراب

وبحثت أسماء العاشقين حتى الملل


وحدتك وحدة الخالق

ونسيت كلام المحبين حتى الفقدان



بعتذر ماعرفت كيف بدي شكل الحروف الاخيره بس للتنويه لفظ الملل ((الميلال)) قال يعني مشان القافية

وبعتذر من سومر لاني نزلتها هون فورا

وعلى فكره انا منزلتها بمنتدى تاني فلا تفكروا انها منقوله

أهلين beauty star .. و انشالله بتقضي اوقات مفيدة و ممتعة معنا بالممنتدى...

نورت ..

يا من سكبت رصاصة
الحب في قلبي أقول لك ألم تعشقيني


كلما ذكرتك زاد شوقي وزاد همي وحنيني


ماذا أفعل لأبرهن على
حبي وأبرهن على صدقي المكنون


أقول لك لا تتركيني مزقيني فجريني دمريني


ذريني لأكون غباراً
في عاصفة الحب المجنون


اجعليني صديقاً
لتنيينٍ ينفخ روح الحب في
شراييني


أحببتك فكنت في سجن
الحـ ــب مثل يوسف مع المساجين


وما همي في السجن إلا
أن أحلم أو أفسر أحلام المساكين


الرجاء لغير الله
مذلة وكم رجوتك ألا تغيبي
وتتركيني


قولي لي إني أحبك وإني
لصادقة
في حبي المجنون


لأموت مستريح العين وتبقي وأنت تبكيني





Zizoos 2000

شفتو طلع في كتير أعضاء مبدعين
جد قصائد روعة
وبالنسبة الك رورو هههههه
يالله ما رح احكي
وبالنسبة لكولد فاير اللي سفقلي موال لوفيق كمان ما رح احكي ههههه
بس هاد الشي ما رح يبرر وبدكن تشاركو أولتها وآخرتها حتى لو بكم سطر نثر
جد قصائد روعة شكرا

مرحبا
شكرا على هالموضوع
انا مو من الآداب بس حبيت شارك لأني بحب الشعر
قصيدتي بعنوان
لحظات من التمني
وهي الرابط

قصيدة لحظات من التمني

بتمنى تنال إعجابكن

قصيدتي بعنوان
My dear

بتقدرو تشوفوها من هون

My dear

و شكراً