شكل آسي: تعبير يفيد شدة حب متلقي الكلام, و تفيد انه تضع الأس( وهو نبات اخضر ) يوضع على القبور, يعني بالعربي عم يلي بإلك تشكل أسي
, يعني بس موت تزورني ب قبري و تشكل اي : تضع , آس على قبري
والسبع تنعام: لنا الشرف
أيدي بزنارك: طلب شيء برجاء شديد و يفيد التمسك بالشخص بشدة و معروف انه اقوى مسكة هي مسكة الخصر او الزنار
عقلو جوزتين بخرج: شخص ضيق الأفق , و يغير عقلو بسرعة ,
حاج تحوص وتلوص: توقف عن التنقل من مكان لمكان
شروي غروي: الذي يتكلم كلاماً بلا معنى من الشرق إلى الغرب
أسييع: أفسح المجال لكي أمر يعني اوسع بتسمعها بسوق الحمدية اكتير و خاصة من جماعة الدراجة الهوائية هههه
خود عليك: ابتعد قليلاً و بتكون بالإشارة للكمان خود عليك لهون
كلبشتو: تعلقت به، تمسكت به من كلبشة
مجنط: مفلس , يعني راح الكاوشوك و صفي على الجنط ابدا ولا نكلة
سرنوة: خبيثة تخفي خبثها بذكاء
الشنتير: الكبير الذي لم يعد طفلاً و غالبا يستخدم المصطلح مع البهدلة
أنتتر: يعني انتفض نط بسرعة
الشاضومة: أمرأة قوية وثرثارة و تشضم شضما , يعني بتحكي بقوة و عنف
أم كمونة: البخيلة
جئر: وقح وعنيد
النايط و النعيان : الإنسان البارد والبطيء
سمّاوية: المرأة القوية واللئيمة , اللتي تبث السم يعني تؤذي الأخرين
دفصعونة : الفتاة الصغيرة و نفس الشي الفصعون و المنطوط
الواه الواه: مصطلح تستخدمه النساء للاستهزاء على شيء ما
هرنة: فتاة في مقتبل العمر ولكن تتصرف وتتكلم ككبار السن
صعي: على فكرة أو للتعجب واصلها صحيح بس تأكلت مع الزمن
ليكو، ليكا، ليكوكة: أسماء الإشارة للبعيد بألك ليكو هنيك لاطيلك
لاطيلك : يعني لاطي متخبي , يتربص
شحو، شحوكة: أسماء إشارة للقريب
وين غاطط: تقال لشخص لم نره من مدة
شفاتير : شفايف
معت : يعني ممل بايخ
مفزلك : يعني شايف حالو على الفاضي او مفلسف فزلكة يعني فبركها حبكها فلسفها
زمك : يعني قصير
سئيل : يعني دمه تئييل
معنطز: شايف حالو و عم بتعنظز على الخلئ
طشم: غبي جداً
سرسري: الشخص الرذيل السافل
بركي, بلكي : أي بمعنى ربما
مسرسبة: تحب النظافة كثيراً بشكل احيانا يشكل ازعاج
تاتاً: أبداً نهائيا قطعا
شو عليه: تدل على المواقفة، لا مانع أي انه ما عليه شي اتس أوكي
مطرمخ: حالة الشخص بعد الاستيقاظ مباشرة، أو الشخص المريض.أي بمعنى راسو تقيل و متل يلي نائر سيجارة حشيش
الشرنة: هيي المرة الوسخة المكركبة المبهدلة والمجعلكة
يا عيب الشوم: عبارة بتعني أحد معنيين ياأما سلبي (ياعيب الشوم عليك) أي شو انت ما بتستحي؟؟ أو إيجابي (ياعيب الشوم منك) أي والله خجلتني بلطفك وما كنت بدي عزبك
أواعي: جمع واعة أي الملابس
سد بوزك: أي اسكت أو اصمت أو اخرس.... مسبة طبعا
شاطو: أي رفسو برجلو.. وحاليا عم تستعمل استعمال مجازي بمعنى أجللو موعدو أو ألعو
أوعا أوعي, أوعا الزيت, أوعا السمنة,... إلخ: تعبير مو كتير أديم درج بعد ما درجو البسكليتات بالبلد وكانو يستعملوون راكبين البسكليتات وخصوصي بحارات الشام الأديمة والديئة طبعا كتنبيه أو إنذار بمعنى (انتبه.. ورائك دراجة
ليك, اطلع, شوف: يعني انظر
ليش: أي لماذا
دخيلك: اختصار ل(داخل على الله وعليك\عليكي) بتفيد الترجي أو التمني وبتستخدم كمان للغزل
متووك : يعني شخص عايش بقدرة قادر
عايف حالو : يعني لا حول له ولا قوة
عيفنا يا : يعني تركنا من هالشي
خود بئا : يعني استلم وسماع ( عن امتعاض
اصلن : يعني اساسا او بالاصل
يي على كسرتك : دعوة من دعاوي النسوان الي مالها طعمة
ينيشنوك من ببو عينك : يعني يئوصوك وتدخل الرصاصة بمنتصف عينك
ببو عينو : يعني بؤبؤ العين
في مصطلح: انشالله ما بحترمك, ويفيد الرجاء من الله ألا يحرم من هذا الشخص
مخستك : يعني تعبان ومرضان وعايف حالي
هي النسخة الشامية من ضيعة ضااااااااااااااااااااااااايعة هههههههههههههه
اصلن ياشباب لسااااااااااا نسيت شغلة ..
فيجة فيجة .... ايوي ايوي هههههههههههههههههههههههههههههه هدول البياعين تعون مية الفيجة ..
ايوي ايوي ( الزمور ) يعني هيك صوت هههههههههههه
انشالله تكونوا استفدتو ... احفظوهون بدي سمعلكون
