هل تتوقع الفوز لمنتخبنا

كلنا منعرف انو منتخبنا السوري ما كتير قوي بمجموعتو مع السعودية و اليابان و الأردن
لكن هل بتتوقعو في أمل ؟
رح نصوت ونشوف إذا رح يتخطا توقعاتنا
من ناحيتي بتوقع في أمل يفوز عالأردن ويمكن يتعادل مع السعودية بس اليابان ما بتوقع
بتمنالو التوفيق من كل قلبي

يعني في الواقع لك المجموعة كتييييييييييييييييييييير صعبة عليه :suspect:
وهلا اكيد اكيد منتمنالو الفوز من ئلوبنا بس يعني لك هلا السعودية بيربح عليا بتوقع 2 -1
والاردن اصعب من السعودية لهيك مالح كون فال شر ولكن مابعرف لح يخسر معها ..
واليابان ؟؟؟ هدول من سلالة جاكي شان شي ؟؟؟ يعني مابعرف هئ مابفوز عليون ..

وانشالله ياااااااااااااااااااااااااااااااااارب انو هيك تطلع توقعاتنا غلط ويربح يااااااااااااااااااااااااارب ..

سومر اذا ربح المنتخب بتجبلنا كاتو على المنتدى ؟؟
بالمناسبة ئليل البنات مايهتمو بالرياضة بس انا متابعة نمبر ون
وبالتوفيق يااااااااااااااااااااااااااارب ..

احلى سوريا ..

منمنى التوفيق لمنتخبنا .. بس بعتقد ما في امل ..

و بهديهون غنية " قولوا الله "

ياريت يفوزو
بس ؟؟؟؟؟؟؟؟؟؟؟؟؟؟؟؟؟؟
ما في أمل
خساررررررررررررةةةةةةةةة

يالله ما ألنا غير ندعي
واذا فازو ما بس رح جيب كاتو رح عبي الموقع كلو حلويات

لا تفرحو كتير وتعيشو على الأمل
مارح يطلع معون شي
المكتوب مبين من عنوانو
بس انشالله الله بيعمي على قلوب السعوديين واليابانيين والأردنيين غير هيك مرح يمشي الحال لأن بس يصير الأربع منتخبات معمي عليهون بيصير في أمل وغير هيك ما في أمل

لك الواحد بيتفائل بركي هيك بركي يعني ..
قدرة الهية ثانيا لاتنسى تدربو منيح .. وعملو معسكرات ..
وغير هيك عم تجيهون عروض كتير منيحة بهالفترة ولازم يتشجعو ويلعبو منيح برايي ..
لك السعودية والاردن عادي مو خطرين مافي غير اليابان ..

منيرفا يعليك تفائلو بالخير تجدوووووووووووووووه .. مو هيك ؟؟

لك اي انا متفائل كتير
بس بشي منطقي
بتعرفي أنو منتخب الرجال بعمرو ما فاز على المنتخب السعودي للرجال
وبتعرفي انو خسر بكل المباريات الودية يلي لعبها بالفترة الأخيرة
وبتقليلي تفاؤل ومدري شو
ياريت لو فيني اقنع حالي حتى ولو واحد بالمية أنو رح يفوزو
بس لا تفكري اني مبصوت انا كتير زعلان على هيك منتخب خسارة
بس مع هادا كلو رح ادعيلون وبتمنالون التوفيق

هاااااااااااد الحكي الي بينسمع ههههههه
المباراة الودية ئال هن مالعبو منيح مشان ما يستنفذو قوتهون وينصابو!!!!!!
يعني وسبق وئللتلك قدرة الهية يا صديقي .
اهم شي تتفائل..

موفقيييييييييييييييييييييين

انا بنتظار مبارة المنتخبين السوري والسعودي
ومتل سومر بتوقع التعاادل
ووووو بتمنى له اداء حلو قدام اليابان لان احساسي صعب الفوز ع اليابان
اما قدام المنتخب الاردني فالفوووز سوري

>>>>>>>>>>>>كأني ما جبت شي جديد عن اللي كاتبه سومر

يســلمن سومر
وتم التصويت

انا دورت بين التوقعات لشوف عمين ممكن يفوز

قمت شفت انو حتى على لا احد مستحيل يفوز

منتمنى يفوز شي مباراة عالاقل

ههههه ... عمهلك نضال عمهلك .. مو محرزة .. انشالله يفوزوا بالكل يا سيدي مو بس بوحدة ..

والله اذا بيتأهلو الكن مني تصوير مجاني لمدة اسبوع بالمكتبة
كيفكين فيا

هههه .. لو عندك ايمان 1% انو رح يتأهلو .. ما كنت عرضت .. ما هيك ؟؟بيناتنا الحكي ..

والله بتمنا يفوزو واخسر

هههه .. بس بكل الاحوال كنت عم امزح ..

ولا يهمك
خلينا ندعيلون وبس

الله يوفقون ..

الله يقويون ويكون معون يارب

وان شاء الله دائما نشوفون باعلى المراتب

وليش لا

ان شاء الله يفوزو يااااااااااااارب

شوووووووووووووووو هالتشاؤم هاااااااااااااااااد والله عتفكيركن اذا بيلعب معنا رونالدو وميسي واحطياتنا ريال وبرشلونة ما رح نفوز
طيب رح زكركن بواقع مو ضحك ولعب
بمونديال ال 2002 مين في واحد عالكرة الارضية توقع تفوز السنغال على فرنسا يعني لو سالتو اي واحد انو بتفوز سورية عاليابان ولا السنغال على فرنسا بقلكن سورية ممكن بس السنغال مستحيل
كمان حدث تاني مين برشح تفوز كوريا عايطاليا اكيد ما حدا بس بالحقيقة فازو وطالعو ايطاليا من بطولة العالم وتاهلو على حسابهن وبغير سنين فازت الكاميرون عالارجنتين وسويسرا عاسبانيا بقى ما بدي تشاؤم انا شخصيا متفائل كتير :*332*: سووووووووووووووووورية
وان شالله ما حدا بيضحك عليي بعد البطولة هههههههههه

ولك شو هالتشائم...والله يأستوني...أكيد بدنا نفوز بكل مبارياتنا
وبتوقع تأهل النسور إلى الدور الثاني...أصلاً نحنا رايحين نجيب الكأس ونرجع
نتائج المباريات الودية مو معيار لنقيم المنتخب...هي مبارات حبية
وتجربية...أصلا نحنا عم نخدع الكل ..منشان نفاجئن بالنهائيات
أنا بتوقع نفوز عالسعودية
نتعادل مع اليابان
ونتعادل مع الأردن
أنا واثق من فوز نسور سوريا ...بلا يابان بلا بطيخ..كل مباراة إلها حسابتها وكل مبارات
بتفرض ظروفها...أكيـــــــد الفــوز ســـــــوري
والله بدي حيك يا coldfire أنت الوحيد المتفائل متلي...أنا بدي تابع كل المباريات
للمنخب حتى لو كان عندي فحص تاني يوم....وبدي حمل العلم السوري...بيكفي
كون ســــــــــوري لحتى أتفائل

خلص انا معكن بدي اتفاءل

نشالله منفووووووووز

سوريا سوريا سوريا سوريا سوريا سوريا

الله حيو احلى جمهوووووووووووور والله