أخيرا اتفضلوا اعرفوا ليش حجبوهم

حجب نيمبوز و ايبودي واوبرا ميني بقرار وزارة الاتصالات السورية بقرار من وزارة الاتصالات جاء حجب تام وقطعي لبرامج الدردشة والمحادثة عبر أجهزة الموبايل وأشهرها برنامج نيمبوز وبرنامج ايبودي وبرنامج أوبرا ميني وغيرها من البرامج الكثيرة المنتشرة, وجاء هذا الحظر حسب التلفزيون العربي السوري من وزارة الاتصالات حجب لاسباب إجتماعية اهمها صرف الشباب السوري عن العمل وعن العلاقات الإجتماعية و جذبه نحو عالم وهمي إفتراضي حتى اصبح المواطن يتكلم على البرامج المذكورة عند تجاوز الشارع وفي كل الأوقات. هذا وتم هذا الحجب في وقت انتشرت فيه هذه البرامج بين الشباب السوري بشكل كبير جدا حيث لا تجد موبايل اوجهاز اتصال الا وهذه البرامج منصبة فيه لدرجة أن الشباب أصبح يقطعو مواعيد لبعضهم على هذه البرامج, وأصبحت من الأساسيات والضروريات لأي شاب يحمل جهاز موبايل, كما أنها وفرت بعض المال على هؤلاء الشباب في الاتصال او باستخدام الانترنت عن طريق الكمبيوتر اذا أن مقدار ما تكلفه بالمقارنة مع ما سبق شيء لا يذكر, عوضا عن أنها وسيلة دردشة على الانترنت لمن ليس لديه كمبيوتر. ومن المفارقات العجيبة أنه لتجد من لا يفقه شيئا بالانترنت وحتى الناس الاميين أصبحو يستخدمو النيمبوز و الايبودي, يمكن أن نقول أنها أصبحت نوعا ما جزءا من ثقافة الشارع, ويمكن أن تكون ارتأت الجهات المعنية أن برامج المحادثة هذه أصبحت تمثل خطرا ثقافيا على الشباب واليافعين وحتى بعض الصغار دون رقابة.الخسارة الأكبر كانت من نصيب مالكي شركتي النيمبوز والايبودي نعم كانت الخسارة الأكبر من نصيب هاتين الشركتين وهذا من الأشياء التي قد لايعرفها الكثيرين, فمن المعلوم أن شركات الانترنت تحصد أرباحها من عدد الزوار الآتي من بلد معين وعدد الزوار الكلي, فبحسب شركة معلومات واحصاء الانترنت العالمية اليكسا التالي : Nimbuzz : Syria Arab Republic = 6.5% وهي في المرتبة الثانية من عدد الزوار بعد الهند ebuddy : Traffic Rank 125 أي أن هذا البرنامج يحتل المرتبة 125 من ناحية الدخول من سوريا.
=======================

الكل ينتبه على هالعبارة المذكورة اعلاه:
"كما أنها وفرت بعض المال على هؤلاء الشباب في الاتصال او باستخدام الانترنت عن طريق الكمبيوتر اذا أن مقدار ما تكلفه بالمقارنة مع ما سبق شيء لا يذكر"

يا أمة الله يعني الشغلة لا أمنية ولا بطيخ

اي لا ما بيلحق الشعب يلاقي منفذ ليوفر شوية مصاري ويتخلص من النهب بيجو بيسكرو
لازم يضلو ينتفو بهالشعب
بعدين اللي بدو يصرف وقت بدو يصرفو هيك وغير هيك اي يروحو يمنعوا القنوات التلفزيونية كمان مانا وسيلة لتضييع الوقت للي بدو
عأساس كتيييييير بالهن عالشياب وعوقتن

لاسباب إجتماعية اهمها صرف الشباب السوري عن العمل

لك ليش يا ولاد ال----------------------------- في فرص عمل لنروح نشتغل و ما نلتهي , وين الفرص يلي عم تقدموها للشباب السوري .

لك الله لا يوفقكن لا نوادي بتدعم الواحد اذا طلع موهبة بشي رياضة في و لا مراكز رياضية للتدريب متل الخلق و الناس في و لا مراكز تشجيع للمواهب بكافة انواعها في , اذا الواحد شاطر بالتمثيل بدو يعمل مليون واسطة لينقبل بمعهد التمثيل و اذا الواحد مبدع بشي شغلة بدو يدفع لحتى يدبرولو وظيفة و لك شو هالمسخرة , و لك حتى الابداع بالجامعة و بالدراسة معدوم , منقدم موادنا و منطلع رسبانين رغم التعب , اذا الواحد فينا بيكون رح يخلص دراستو ب 4 سنين من وراء فسادكم بيصير بدو 10 سنين , لا في دعم و لا تشجيع , بس كل ما هنالك استغلال لأي شغلة كويسة بتصير , مثلا منتخبنا السوري هلق عم يقدم نتائج كويسة , بكرا بس يرجع بيجيبوه و بيحتفلو فيه و كأنو هني يلي عملو الانتصار و بس العالم تنسى بينسو معهن , و بيظهرو بس لما بيكون في انجازات و هادا اسمو استثمار الانتصار للمصالح الشخصية .


العلاقات الإجتماعية

قال هلق اذا لغو و حجبو رح تقوى اواصر العلاقات الاجتماعية بين المنتوف ابو الخلفو من الفقر و بين يلي كل يوم بيسهر بمكان و كل يوم بيغير سيارة و كل يوم بيدفع لينجح بموادو

بدكن علاقات اجتماعية : اعملو هيئات متخصصة و جمعيات اهلية خاصة بدعم هالشي ما توقفو عالحكي الفاضي يلي بينباع عبسطة من بسطات السوق

ممممممممممممم
بصراحة انا ماحبيتون لهدول البرامج ومابعرف شلون بيشتغلو عليون..
بس حسب ماشفت العالم يلي عم يدخلو عليه يعني بسن المراهقة واصغر كمان يعني
بتشوف ولاد صغار بالاعدادي بيدخلو ومابتعرف مين بكون جوا
هلا الاختلاف بالراي لايفسد للود قضية
انا مو مع هيك برامج وعلاقات افتراضية مو الها اساس من الصحة سواء تشات نت
او موبايل
وانا برايي هيك نوع من البرامج تستخدم لتفريغ الشعب ..
صح جوى انهون عم يئضو وئتهم هيك وغير هيك بس يعني على الاقل فينا نحافظ ولو شوي
على جيل طالع جديد ويتعلم انو يستفاد من وئتو بافضل طريقة ممكنة مو بهيك برامج ..

لك نضال اذا نحنا الشباب ماقدرنا نحسن بالبلد بس بركي بيطلع جيل احسن مننا..
تعددت الاسباب والفساااااااااااد واحد ..
بس مافيك تعمل شي ارضى بالنصيب :suspect: :suspect:
وبس تتخرج اطلع اشتغل برا متل بائي الشبااااااااااااب :*332*:

رشروشة فكرتك يلي طرحتيها مظبوطة و انا بأيدها بس مو الحل انهن يحجبو كل برامج التشات طيب يتركو الياهو

بعدين في عالكمبيوتر ياهو و غرف دردشة افظع من النمبوز , ليش ما بيحظروها مزال كتير مهتمين بالشباب السوري

كمان شغلة صرف الشباب و مدري شو , هادا حكي فاضي و ضحك عاللحى , لانو يلي بدو يدخل عبرامج التشات بالطريقة يلي عم يحكو عنها فهادا معناتو عندو فراغ و هيك هني عم بيدينو انفسهم لانهن مو مأمنين الظروف الملائمة من عمل و غيرو من علاقات اجتماعية يلي بتخلي الواحد يبدع و ينتج .

برأيي الشخصي الشغلة شغلة ارباح و مصاري فقط .

بعدين اذا ملاحظين :

ما في اي نشاط ترفيهي حقيقي عنا بيخلي الواحد يحس حالو مبسوط , بقا يعملو شي مفيد , ما يحجبو و يشجبو و مدري شو

و نشان الجيل الجديد و حياتك يا رشروشة العائلة و التربية هي الاساس و اللي عندو اشباع بحياتو العائلية من جميع النواحي ما رح يدخل عغرف الدردشة لا على نمبز و لا غيرو , و بالتالي هني ما عملو شي الى عملو على زيادة السخط و الكره للاتصالات السورية .

و حلوة هي اطلع اشتغل برا متل كل الشباب , لأن هيك انتي عم تسلمي و تأيدي كلامي السابق بأنن مانهن سائلين لا عشباب سوري و لا عغيرو , سائلين عجيوبهم و اولادهم فقط

انا مع رشا

بس لازم كانو يخلو بعض البرامج متل الايبودي

وكمان اذا خايفين على الاخلاق انا معكن انو في افظع عالكمبيوتر

بس عالاقل في حرص بالبيت اكتر من انو طفل او مراهق حامل موبايل ومابتعرف شو بيعمل فيه

والله المسؤولية الاساسية هو من الاهل

شكرا سيرجيو

والله احتاروا شو بدهم يعملو بصراحة
واذا حاولو قال يعني ما بعرف شو بيطلع لعمش شو هالحالة يروحو يصلحو غير شي بالاول يعتنو مثلا باندية الياضة للشباب وحتى للبنات كمان الله يعينا اف اف شو هاد لو حكينا ما منخلص قصص وحكي واراء

هيدا حال العرب
لازم تبقى تحت لاتحاول تتطلع لفوق اوعى
وحتى الناس الاميين أصبحو يستخدمو النيمبوز و الايبودي
ياناس هيدا الاميين اللي بيعرفو يكتبو ع الموبايل ويقرو مانون اميين
لان الامي مابيعرف يقرا ويكتب
وبعدين وين المشكلة خلي الناس تتعلم ولا عندون مشكلة انو يصير الشعب فهمان

لا يا صديقي العزيز السبب هو الطمع
مو سيريتل بعد الحجب صارت تبعت للناس رقم
للاتصال عليه
لتتعرف ع اصدقاء جدد وتدردش مع احبابك ف هذا هو السبب الرئيسي
مو سببو انو الواحد يضيع وقتو ولا لا
السبب ربح الشركة وبس
خلاص شي مفهوم

أنا ما عندي موبايل لكن نحنا شباب الجامعة خلال مدةت الأمتحان مافي نادي سينمائي ولا قاعات استقبال هذه البرامج كانت الوسيلة الوحيدة لترفيه بس للأسف بدن يانا ننحرف

يبدو ما رح نخلص من الأساليب الغبية يلي بيتعاملوا فيها مع الشعب
حسب المثل القائل: كل ممنوع مرغوب
أصلاً هنن مو فارفة معهون لا الأواصر الأجتماعية ولا خلافو
وقبل ما وزاراتنا الفاضلة تاخد هيك قرارات شمولية وقمعية
تتفضل تشوف (بيوت\ مراكز رعاية الشباب بالدول المحترمة)
بعدين تتفضل تورجينا عضلاتها


وشكراً كتير