شو أخبار النثر ؟؟

مرحبا شباب وصبايا ..
طمنونا شو أخبار النثر ؟؟ انشالله تمام ؟؟

لا تقلولي كانت اليوم الاسئلة سهلة و متوقعة .. و اللي بقول غير هيك بدي ازعل منو ..

و عقبال ما نكفي بالباقي بنفس الطريقة ...
و موفقييييين جميعا ..

الحمد الله النثر تمام....بس قبل المادة كان عندي رعب نفسي
المشكلة مع بقية المواد....كنت دارس الكلاسيكي.....بس حاليا....ماني متذكر كلمة
قال شو عطينا يوم عالمادة....الله لايكتر خيرن
نشاء الله نكفي بقية المواد تمام
والله ستغربت ما شفت موضوع النثر لهلق....شو كنتوا عم تعملوا؟؟؟؟
نشاء الله موفقه رورو ...أنتي وكل الشباب والصبايا

و الله اليوم انا فايقة و رايقة من الصبح .. وكنت رايحة عم اضحك و نفسيتي مرتاحة كتير .. و 9 وربع كنت خالصة ..و عنجد انبسطت ...
بس بالنسبة لبقية المواد لا تشد ايدك ..
بعديين يوم واحد للكلاسيكي حاجة و زياااادة علاء .. كتييير هيك .. يعني شو بدك تعمل بكل هالوقت ؟؟

اما بالنسبة لأنك ما شفت موضوع النثر .. كنا ملتهيين بالمباراة ..ههه .. كنت نزل انت الموضوع ..

و بالتوفيق الك و لكل الشباب و الصبايا ..

انا متل العادة كتبت بس مابعرف اذا بنجح او لأ
بس حسيت انو اتذكرت منيح لأنو الأسئلة كانت حلوة و النصوص من المحاضرات وكل شي تمام
شكرا رورو
موفقين جميعا يارب
صحي انا الكلاسيكي مارح قدما بتوقع بدي اقرا شعر
في اي نصيحة لدراسة الكلاسيكي عالسريع انستنا رورو ؟
ههههه

اة انشالله موفق سومر ..لا انا متفائلة بالدكتورة سوزي غريب .. بقولوا عنها منيحة و بتصلح من قلبها ..

سومر .. اوعك ما تقدمها للكلاسيكي.. ولا ما سمعت بالقرار الجديد .؟؟؟

هلق ما بصير المادة اللي ما قدمتها او اللي اخدت عليها صفر انك تقدمها بالدورة الاسثنائية ..

و بالنسبة لشي طريقة عالسريع .. اقرا ملخص من مكتبة العلوم .. و في اسئلة اتمتة كمان بالمكتبة مع الحل .. و هي اسرع طريقة .. اذا ما بدك تدرس المحاضرات ..

وموفق انشالله ..

فعلا يوم للكلاسيكي بكفي.....أصلاًً بكل الملحمة مافي غير كم أسم سهلين
نشاء موفق سومر
هلق عنجد هاد القرار...أنا اليوم سمعت عنه كمان...ما كان بدي قدم النقد

شفت كيف علاء .. ليش النق يا زلمة ؟؟

و بالنسبة للقرار انا كمان اليوم سمعت فيه .. وقدمها ما بتعرف شو بصير .. و لك النقد بالذات انا بعتب على كل مين بقول ما بدو يقدمها .. لك اكتبلوا شو ما كان يا زلمة .. ما شرط تنجح بس عالقليلة بتكون جربت ..و ما بتعرف الحظ ..

و مرة تانية بالتوفيق ..

أنا النقد درست فيها تقريبا سبع محاضرات....بس الوقت كان قصير...وماني خايف منها
بس حبيت أجلها....منشان أدرس المقارن.....حسابات مدربين

لعما لهل الحكي والله خرب كل برنامجي لكن
متأكدين من هالقرار 100% ولا بس حكي

و الله يا سومر انا سمعت سمع .. و ما قريت شي بعيني لحتى اكدلك او لا ..بس انا هيك سمعت ..بس بكرا منتأكد ..منسأل شي حدا من شؤون الطلبة .. او الامتحانات . ..

بالنسبة للنثر الحمد لله الاسئلة كتير حلوة وكتبت منيح بس انشالا تنجح ....

بالنسبة للقرار انا اليوم سالت شؤون الطلاب ومركز الامتحانات و أكدو انو ما في هيك قرار ابدا لحد الان ..... اشاعة ......

رورو علاء سومر بتمنالكم التوفيق والله يساعدنا جميعا لانو فعلا شي لايحتمل ......

انشالله موفقة فرح ..و انشالله بتعملي بالكل منيح ..

و بالنسبة للقرار ما في دخان من دون نار .. بكرا على وقت تقديم الاستثنائية بطلعوا القرار ..