ترجمة أتمتة....!

ياجماعة الإنكليزي حدامنكن بيخطرلو إنو ممكن تجي أسئلة مادة الترجمة أتمتة!
ولوه ترجمة هي مانا منهجية ولامدري شو

اليوم قدمت إمتحان الترجمة وانصدمت أنو الأسئلة أتمتة ماتوقعت أبدا
شو رأيكن؟


وللي قدموا المادة لاحظتوا أنو مجموع العلامات بس 96

كيف انصدمتي
ما هو قايل انو اتمتة!!!!!!!!!!!!!!!!!!!!!!!

هلق هوي قال أنو ممكن تجي أتمتة بس ماتخيلت أنو عنجد ممكن يجيبا هيك
يعني كيف زبطت هي معو والله مو معقولة هي ترجمة هي

حياتي لا هو قايل انو كلها اتمتة
هلق صحيح هي اتمتة بس كمان الواحد بشغل عقلو فيها يعني الفارق بسيط
بعدين معلش انشالله خير

شكرا لولي عرأيك وانشاءالله خير
هوي كتبنامنيح بس بصراحة شغلة الأتمتة كلا عبعضا ما بتعجبني
خصوصا بهيك مواد

و الله نحن على دورنا تمنينا و دعينا كتيير انو يجيب اتمتة بس ما ظبطت معنا .. فتتهنوا بهالنعمة .. ما عرفت شو اعتراضك على انو اتمتة جوى .. هيك اسهل و اسرع مشان الوقت ..و اضمن للعلامات . ما هيك ؟؟

وموفقين انشالله ..

رورو
انا بحسو لياسر ابراهيم بدو الطالب هو اللي يشتغل على حالو
يعني ما هو يعطي كلمات ومصطلحات والطالب يحفظها وصلى الله وبارك
لا هو بدو الطالب هو يركض ورا المعلومة لاني بهي الطريقة رح ترسخ بذهنو اكتر بكتييييييييير
على كلن موفقة حياتي وحكيك فيو منطق بس كل دكتور بفضل طريقة معينة

رورو
لوليتا
كلامكن على عيني وأنا بحترم رأيكن

لوليتا أنا معك الدكتور ياسر رائع
أنا ما قصدت أنو الأسئلة تجي حفظ ونحنا نحفظ المحاضرات بصم
بس أنا برأيي أنو نموذج ترجمة نصوص وسؤال نظري أنسب لهالمادة
والنصوص أكيد ما رح تكون جاهزة عنا بالمحاضرات ونحنا باصمينها
أنا بعتقد أنو هالطريقة كمان فيها تشغيل مخ أكتر وبتطور لغتنا قواعديا وإملائيا

بالنهاية كل واحد إلو رأي وطريقة تزيحو
وأنابحترم جميع الآراء

المهم انت كيف كانت موادك انشاءالله كلها تمام

والله هيك هيك
بس بالمجمل منيح

موفقة حياتي

نيالكن أسئلة أتمته وما عجبتكن...نحنا قضينا عمرنا نحلم بالأتمته
نشاء الله موفقين

هههههههههههههه
بتعرف انو الدكتور بجيب خمس احتمالات لكل سؤال وكل الاحتمالات صح وانت لازم تختار الاصح
وبتعرف انو الغلط بيلغي الصح
لسا نيالنا
ما حدا رضيان بنعمتو
بالتوفيق للكل

نعم بعرف الطريقة كيف بتم وبكره كتير طريقة الغلط بيلغي الصح
بس بضل أفضل من طريقة الترجمة صحيحة بس في أصح
أنا بمادة الترجمة دائما بترجم نص وسؤال نظري...وبيخلص الوقت
لما بلش بأول جملة بالسؤال التاني

معك حق الوقت كتير قليل
انا متلك شغلة انو الغلط بيلغي الصح بكرها كتيييييييييير
بس انا بحب الاتمتة بحس انو فيا تشغيل مخ كتير
يعني صحيح بعد ما اطلع بحس حالي دايخة
بس بحبا