شو أخبار المقارن ؟؟؟

مرحبا شباب و صبايا ..

طمنونا كيف عملتوا اليوم .. ؟؟؟ :?: :?: :?: :?:

بربكون شفتولي احلى واظرف من هيك اسئلة ؟؟ انا ما شفت ...

بالنسبة الي : المقاطع ما عرفت ولا واحد منون ..و الموضوع خبصنا بقا على الله ...

لك صحي شو مشان قال الاخ بدو رأينا و نقارنو مع القانون الحديث و مدري شو ؟؟؟ شو شكلو نسيان انو عم يحط اسئلة مقارن مو انشاء؟؟ :*693*:



شكلو هالفحص ما رح يعدي على خير ...

انا عن حالي مع انو بعرف مو فاتحتا للمادة طلعت ئدمت وكتبتلو جريدة من 3 صفحات شي من الشرق وشي من الغرب بس لعزبو شوي ويعل ئلبو نتفة بتصحيح الدفتر شو بس هو يشتغل فينا!!!
موفئين كلكن :*1091*:

بشورة .. هلق من كل عقلك رح يعذب حالو و يدور شو كاتبة يعني .. خلص حاجة اول كلمتين .. ما عجبو .. دغري رسوب و عالورقة اللي بعدا .. ما تخافي بيطلعولنا روحنا و لا بتنهزلون شعرة .. :*687*:

بكل الاحوال موفقة ...

هههههه معك حئ بس يكفيني شرف المحاولة رورو :*332*:

الله يخلصنا من هالسنة على خير وندوء طعم التخرج بئااااا

والله يا رورو هل دكتور ما بيعرف الله وين حاطه...طيب إذا بده يتشاطر علينا
يروح يشوف حاله كيف شارح هل مقطع...هاد السؤال بالمحاضرة رقم 10
لولا شغلت القانون الحديث كنت مبدع اليوم...بس بضل في أمل

أنا عندي سؤال:
ما هو الفرق بين الطالب الدارس والطالب يلي ما درس حرف من المادة؟؟؟؟؟
الفرق أنو واحد قضى كل وقته بالدراسة والتاني قضى وقته تسلايه
والشبه : أنو الأثنين ما بيعرفه يجاوبه على أسئلة المادة
هزلــــــــــت
على فكرة أنا ملاحظ أن الدكاتره عم تكون أسئلتن من آخر محاضرتين
ولك صار فينا متل منتخب سورية أول مادة ربحناها...بس البقية خسائر من العيار الثقيل
بتمنى التوفيق للجميع

لك ااااااااااااااااااااااااااااااااااااااااااااخخخخخخخخخخخخخخ ... يا علاااااااء ااااااااااااااخ ... والله معك حق 100%

يعني بتحس دارسين او لا متل بعضها ..و الله يستر من اللغة .... كيف التحضير ؟؟

اللغة كنت بفترة العطلة محضر تقريبا فيها قسم منيح....بس بقي عندي آخر أربع محاضرات
وعفكرة مبينين كتير مهمين.....يلا نشاء الله خير....اللغة أحسن شي فيها أنها واضحة
وما فيها لغط.....بس بدها كتير تركيز.....ولو نحنا قدها... وما بنعجز عن شي
خليكي متفألة وعقولتك كوووووول

انا بالنسبة الي انا وعم اكتب ماخليت دعوة مادعيتها عليه هههههههههه
اذا مات لاتئولو بسببي لاني حطيت شروط لموتو خارقة وفوق الطبيعية
يعني وين التعاطف التاريخي يلي كان بتاني محاضرة مابدنا ياه يتعاطف تاريخيا بس
فيه يتعاطف انسانيا مع طلاب عم يموتو حاليا ؟؟؟
وبالنسبة للراي ههههههههههههههه حطيتلو شي خمس اسطر رايي ههههههههههه
تخيلو بكرة شيل المادة بسبب رايي الفذ

مع ذلك بصراحة مافي شي ينزعل عليه غير سهر الليالي والنفسيات التعبانة وروحنا يلي عم تطلع
لننجح بالمادة ..
والاول والاخير اتكالنا على الله سبحانه وتعالى ..

رشروشة .. روحي من تمك لبواب السما الهي ... و انشالله بكون موتو خارق للطبيعة .. و بتصير قصتو بالتاريخ ..

الصراحة انا ما عرفت ولا مقطع وحتى السؤال الأخير خبصت فيه وما عرفت
100% ما بنجح فيها
ما بعرف شو لازم نعمل منشيل مادتين من حساباتنا مشان ندرس البقية بسبب هالبرنامج الزفت
بعدين بتطلع الأسئلة فضائية وياريت ما شلنا شي من حساباتنا
على كل حال موفقين جميعاً باللغة انا لساتني بالمحاضرة السادسة المادة بدها تركيز
انشالله تكون الأسئلة أرضية
سلام

والله ما بعرف خي سومر شو بدي قلك.....المواد كلها بدون استثناء صعبة
درسنا منيح وتعبنى كتير....بس الأسئلة كانت صعبة ومو واضحة
صدقني يلي درس ويلي ما درس نفس الشي....خسارة على شبابنا
يلي عم ضيع بسبب وجود هيك دكاترة وهيك جامعات
كل مواد الرابعة ما بتفيدنا بمجال الحياة العملية....وهي
عبارة عن عقبات مشان تأخر نجاحنا............

أنا كمان لسى بالمحاضرة السادسة وفيوزتي طقو...الله يصبرنا

لك شبااااااااااااااااااااااااااب
شو الحل انا عم ادرس اللغة لك بس عم انسى عم انسى ..
ياربي دخيلك ساعدنا ..

الحل أنك تضلي تدرسي وأنا واثق بس تشوفي الأسئلة
لح تتذكري كل شي درستي