تصحيح عبارة"الف مبروك"

تصفحتُ موضوع "علاء" "تصحيح قول (إن شاء الله)" تذكرتُ المذيع السوري محمد ذو الغنى وثقافته وفقهه للغة العربية....

في برنامجه المتميز "هديتك بأيدك" يجود علينا بملاحظات عن الأخطاء الشائعة التي نقع فيها....

ففي احدى حلقات البرنامج ذكر بأنه من الغلط "عندما نبارك لأحدهم" أن نقول "ألف مبروك"

فـــ مبروك معناها مكان جلوس الجمل....

فتصبح عندها الف جمل مبروك عليك...

وكما نعلم "الحلبيين" يعبرون عن كلمة أجلس بكلمة "بروك" وهي أيضا تدل على الجلوس....

وهذا احد الاخطاء الشائعة التي نقع فيها ضمن حديثنا اليومي...

التعبير الصحيح هو "ألف مبارك"

لكم مني فائق المودة والأحترام........

تحياتي إلك أبو الروم على نشاطك وحيويتك
فعلا نحنا كتير منوقع بأخطاء بس بدنا
همة طلاب الأدب العربي للتصويب

ميرسي رميو متألق دايما

شكرآ روميو على عالمعلومة
بس بهالحالة يالطيف شو علينا ديون
من وين بدنا نجيبلهم كل هالجمال

يعطيك العافيه
روميوو
وييييييييييييي شو بقولا انا
بس ان شاء الله لما باركلكم بنجاحكم رح صححا
كـــــــــل الشكر

صحيح كلامك مية بالمية ..
ومثال على ذلك رجعتني بذاكرتي 4 سنين وئت كنت بكلوريا ههههههههه
اشترى استاذ العربي بالمدرسة سيارة جديدة ..
وانا عئولتكون حشرية ومعلائي كبير ..
ئلتلو استاذ الف مبروك وينو حلوان السيارة هههههههههههههه
وياريتني مائلتلو انبحت عليي هههههههههههههههههه
وطلعو عيونو من وجهو هيك يعني
وئلي رشاااااااااا لا تقولي يا بنتي الف مبروك ..
المبروك هو الجمل عندما يبرك ههههههههه
قولي الف مبارك مبارك وليس مبروك ..
ههههههههههههههههه انا انصدمت وئلتلو خلص استاذ الف مبارك بس لاتقلي انو مافي باللغة العربية
تفسير كلمة حلوان
ئلي لا بكرة بجبلك معي شوكولا هههههههه مو مشان شي لاني شطورة انااا هو هيك ئلي ..

صحي اسفة على الاطالة بس هي تصديقا لحكيك روميو ..
مشكور صديقي ..

ههههههههههههه
ملعوبة رشا
مشكور روميو معلومة كتير ظريفة

مشكورين جميعا عالمرور

رشا بتصور الحلوان كان بيستاهل بهدلة صغيرة

نورتو احلى شباب وصبايا

اه يا انت يا روميو شكرا الك ومعلومة مفيدة بس هالكلمة اخدنها بالعادة وصار صعب تغيرها

صح ديانا كتير كلمات اخدناها بالعادة مع انها غلط لهيك سموها الأخطاء الشائعة وهي وحدة منن

شكراً لمرورك الراقي

ولي خلينا عمبروك احسن حاكم بلاشي مبارك موحالل عن زيق البشر :*740*: طبعا عم امزح وشكرا للفت النظر