قصة منتدانا الغالي + كلمة شكر

تذكير بمساهمة فاتح الموضوع :

بيوم من الأيام كنت متل كتير ناس عالنت عم احكي عالمسنجر

و مرة بقلي رفيقي طبعا عالنت

ما بعرفو شخصي انو عندو منتدى عملو عن جديد

ودعاني لزيارتو والمشاركة فيه

عجبني المنتدى

فقلي اعمل واحد اذا بدك قلتلو يا زلمي شو اعمل واحد شو الشغلة بطاطا ..

قلي اي بطاطا

وهيك لاقيت حالي قدام باب

اني اعمل منتدى بس ما عرفت عن شو بدي اعملو

ما كان عندي فكرة معينة

بعدين سألت حالي شو أكتر شي بتحب تشوفو بمنتداك

بعدين تذكرت جامعتنا و كيف انو كل الجامعات السورية

و الكليات في مواقع الها باستثناء كلية الآداب بتشرين

فقررت هيك

عملت الستايل والأقسام المفشكلة وصرت خبص فيه

بعدين قلت لرفقاتي عالنت عنو

وحدة منن اسمها بقائمة الأعضاء sawsan شاركتني بالمنتدى مع العلم انو هي ما من سوريا و لسا ما وصلت عالجامعة السنة الجاي انشالله

وجابت رفيقتها sweet nana وصرنا نشارك

بعدين قلت لرفيقي وطبعا هو متل أخي اللي هو Boss عن الموقع فعجبتو الفكرة وصار يشارك و يساعدنا وقال لرفيقتو بالجامعة واللي هي Rose وبعدين صرنا نشارك سوا بالموقع واتفقنا بعلبة الدردشة بالذات ... انو بعد شهر من تاريخ انشاء المنتدى اذا ما سجلو فيه عالم وعجبن للأعضاء رح احذفو..

بعدين صار يدخل زوار عالموقع بعد ما سجلتو بمحركات البحث

ومنن Nedalo واللي فيكن تقولو فات عالموقع كان مصفر ما فيه شي بيجذب ولا مواضيع حتى أنا استغربت كيف صار يشارك ويغار عالمنتدى و مصلحة المنتدى

وبعد نضالو اجت shaza اللي عجبها الموقع كمان ما عرفت ليش وصارت تساعدنا حتى انها بنفسها طبعت بالمكتبة دعايات ووزعتهن بالجامعة .

بعدين اجت نجوى .. واللي شاركت جدا بالمنتدى بس بعدين انقطعت اخبارها ما بعرف ليش .
وبعدها اجت RURU واللي من اول مشاركاتها بينت غيرتها على المنتدى وصارت تبهدلنا ليش ما عم نشارك ونحرك المنتدى وللصراحة حركت الجو كلو .. طبعا وما بننسى انو بكتير من الأوقات بتدخل من موبايلها مشان تتابع المنتدى أو من الكافي نت .

وبعدها اجا Dovan90 اللي دخل بقوة فظيعة عالمنتدى ومشاركاتو كانت متل المطر وغيرتو عالمنتدى وصلت لحد انو ما بتحمل شغلة من مشاركاتو غير بتلاقي بالملف مكتوب .. حصريا لموقع كلية الآداب في اللاذقية .. واللي انا صاحب المنتدى ما عملت هيك .

وبعدها وأخيرا اجا HMSHO اللي بلش مشاركة بالمنتدى بلا ما يسأل شو صاير و شوالقصة وصار يحب المنتدى متلنا وأكتر يمكن .

بعرف طولت عليكن

بس بعد هالموضوع صار فيكن تعرفو ليش حاطط أفضل عشر أعضاء في هذا المنتدى
انا ما حاطتها غير مشان انو الها قصة حلوة كتير وكيف كل واحد فيكن دخل عالمنتدى وعمل تغيير

طبعا القائمة لحالها بتتجدد حسب المشاركات

و الملاحظة الحلوة بهالموضوع : اني ما بعرف ولا واحد فيكن غير عالنت طبعا باستثناء Boss يعني الصراحة وبلا مبالغة غيرتكن عالموقع ما شفتها ب ولا موقع تاني
لهيك حبيت نزل هالموضوع كشكر لألكن و لجميع محبي المنتدى وانا واثق انو كل حدا رح يحب المنتدى رح يعمل قصة فيه ... لأنو غريب اللي عم يصير ..

طبعا وما رح انسى بالشكر مكتبة العلوم اللي ساعدتنا ونشرت موقعنا بالمحاضرات مجانا بالكامل بدون أي مقابل ولا حتى رمزي ومابعرف شو ... متل ما قالو البعض مصالح مشتركة.

وبتمنى من جميع اللي رح يسجلو بالموقع يشاركو لأنو الموقع هو موقع صداقة لطلاب الكلية ما في من وراه ولا هدف غير نفيد بعض وفيكن تعرفو هالشي من القصة اللي حكيتها .

انشالله ما كون نسيت شي على كل اذا نسيت رح عدل عالموضوع

اسف اني طولت بس قصتكن هي الحلوة

شكرا جميعاً

أحلا منتدى
أحلا شباب
أحلا صبايا
أحلا كليه
و أحلا سومر

والله بصراحة انا دخلت على المنتدى هيك عالتجلي كنت عم دور على العلامات وخطر ببالي سجل فيه هيك
بس وحياة الله هلق بحب كل عضو بهالمنتدى من كل قلبي
وشكرا كتييييييييييييييييييييييير سومر لانك جمعتنا كلنا بهيك منتدى ظريف

» يا جماعة وينكن اليوم عيد ميلاد الغالي "طايش"
» سجل حضورك باسم عضو من اعضاء منتدانا ^_^
» كل عام وأنت بخير نضال الغالي
» شو هالحلا يا منتدانا
» كل عام وأنت بمليون ألف خير الغالي علينا ..:: Nedalo ::..