الزنى يوما ما سيصبح حلال للبشر!!!

سوألي لكم جميعا
هل ولو مجرد فكرة عابرة اشتهيتم ممارسة الجنس؟
جوابكم سيكون نعم وان كنتم لن تجهروا بقولها لانه وبكل بساطة النفس أمارة بالسوء ولكن بكل تأكيد ليست فعالة.
والان السوأل الاهم: اذا سنحت لكم الفرصة كي تمارسوا الجنس هل ستقومون بفعلها؟
بكل تأكيد منكم من سيقول أعوذ بالله او قطعا لا ومنكم من سيقول ياريت او نعم
وبكل تأكيد من رفض هذه الفكرة سيكون السبب في ذلك ليس اجتماعي وانما ديني وهذا الصحيح بغض النظر عن طائفته لان كل الاديان حاربت الزنى ولم ولن تشجعه
عندما بدأت بقول الزنى سيصبح يوما ما حلال للبشر انما قصدي حلال بالنسبة للبشر لأنه وكالعادة البعض سيقوم ببعض الفتاوى ومنها اذكر (...مرة ولاتشتهي بالمرة) واخرى تقول(اضربلك....وتوب) وكأنما من يقول ذلك سيفكر بالتوبة واخرى تقول(...اخت هالحياة كل شي فيا رايح) وغيرهم كثير
انا اتكلم بصفتنا فئة شبابية ونحن نعلم لادولة ولامجتمع يستطيع ان يقوم من دون هذه الفئة الشبابية ولكن علينا ان نكون مثال يقتدي الاخرين بنا
ولكن مانراه وللأسف هو العكس تماما ودعونا لانكون بعيدين جدا
خير مثال هنا جامعة تشرين حيث سنويا يتواجد من مقاطع الفديو الاباحية للطلاب بشكل هائل وهذه بحق ازمة كبيرة لان عيوننا عندما تتألف مع هذا المنظر فضولنا سيدفعنا لتجربتها وهكذا يمكن ان نصل لدرجة فساد كبيرة يعني اذا شخص ما سألك
( يارجل|يابنت ليش عم تزني) فالجواب الدفاعي المعتاد سيكون( كل العالم هيك وماحدا احسن من حدا)
ما أريد قوله دعوننا ننمي ايماننا بالله ونحارب هذه الظاهرة السافلة
وشكرا لكم

شكرا على طرحك للموضوع الجرئ بس الانسان الواعي ما بقول كل العالم هيك لان بطلع على خيرة الناس وبيقتدي فيهم مو العكس


وبرأي للأهل دور كبير في ابعاد الشباب عن هذا الطريق من خلال فتح هذه المواضيع قبل الوصول للمرحلة الجامعية حتى يترسخ في أعماقنا وأذهاننا ونكون على قناعة تامة بأنه حرام وعلينا مقاومة هذا الحرام مهما يكن


والانسان الجيد يبحث عن الجيدين

والانسان السئ يبحث عن رفاق السوء



مع كل الاحترام

شكرا شام وابو الريم لرأيكم المنطقي جدا
بس اصعب شي بالحيلة انو الانسان يتحدا حالو
والموقف المهم وقت نتعرض لهك موقف شو بيكون رد فعلنا

تنويه ياجماعة هاد الموضوع مو مجرد شلف كلمات
هي مشكلة عم نواجهها ويتمنا من الكل يعطي اقتراحات ليش النسان ممكن يعمل هيك

مشكلة عصرية بالفعل
بس مع احترامي الك sinator ReMoN
كان فيك تنقللنا الموضوع بصورة احسن وارتب من هيك
يعني موضوعك جريء صح بس نحن بموقع تعليمي وشبابي
يعني بدنا نكون صريحين بس شوي بعيدين عن هالجرئة

ومشكور على الموضوع وطرحك المميز
وانا بضم صوتي لصوت الاخت شام

انجل عسى ان تكرهو شيئا فهو خير لكم
بما انو نحنا الفئة الشباية لازم نواجه مو نتخبى
وبعدين هاد موضوع اكتر شبابية وانا نزلتو بموقع تعليمي لانو منتشر بينا كتير
وغير هك لان في منا عالم عندا نصائح حلوة
مشكورة

شكرا يا أحلى اخت ايووووووش
جزيل الشكر والاحترام الك مشكورة

اخت ملاك طريقة طرح الموضوع من قبل روميو عادية جدا.. بس لأن مجتمعنا دائما كان يصور الجنس على انو غول او وحش ممنوع التكلم فيه ..فانخلقت اجيال لا تجرؤ انو تحكي بهالموضوع بشكل علني..
بس رأيي هو:
ما المشكله بالجنس.. فالجنس حاجة بشرية ضرورية وأي شخص بحاجة للقيام بها بغض النظر عن جنسه..
بس المشكله هيي مشروعية ممارسته.. بكلام آخر الجنس مهم بين أي زوجين للحفاظ على علاقتهم واستمرارها, ولكن الجنس الغير مشروع (بدون عقد شرعي) هو المشكله..
انا اضطريت لاستخدام هالمقدمه لحدد المشكله اللي بيقصدها روميو..
أنا ما حقلك يا روميو اني اشتهيت الجنس.. بس رح قلك وبجرأه انو كتير بحب اشترك مع الشخص اللي بحبو بالروح والجسد .. وبدي قلك شغلة كتييييير مهمه بالنسبة للفرصه اللي ممكن الشخص يحصل عليها للممارسة, أنا هلأ بقلك الله لا يحطني بهيك موقف لأني الصراحه ما بضمن حالي (عذرا منكم يا شباب).. بس سيدنا يوسف عليه السلام كاد لولا رحمة من الله أن يقوم بهالمعصية.. فنحن بشر.. بس المهم انو ما نروح لارتكاب هالفعل بإدينا ورجلينا..
ومتل ما الكل بيعرف .. أكتر ثلاث أمور مسيطره على هالعالم هي: المال والسلطة والجنس .. فهاد موضوع كبير كتير وبدو كتير نقاش..
أنا رح ذكر الأخوه الأعضاء انو الزواج هو الحل الوحيد للتخلص من 70% من هالظاهره.. بس هون رح يطلع عنا مشكله تانية ألا وهي الوضع الاقتصادي الذي يحتم على كثير من الشباب التأخر بالزواج.. وبالتالي اللجوء إلى الطرق الرخيصة والسريعه لقضاء حاجاته الجنسية.. طبعا أنا ما عم برر هالشي.. بس نحن لازم نعالج الأسباب وليس النتائج.. بقصد انو الوضع الاقتصادي هو سبب من أسباب انتشار هالظاهرة..
انا اسف كتير عصراحتي بس أنا ما متعود قول إلا الصح وبتمنى يكون كلامي مفيد ومنطقي
شكرا روميو

شكراااا ابو الجود كلام رائع
هههههههههههههههههه
بس هاد انا ريمون مو روميو

الاخ العزيز majdibrahim

شكرا على رأيك بس دائما منتهم يلي حوالينا بالفساد والظواهر يلي عم نشوفها

أنا معك بأنو يمكن الزواج يتأخر بس هيدابسبب الظروف الاقتصادية
بس ماني معك انو اذا توفر المال الانسان ينعصم عن الخطألان يلي بيروح بهالطريق بدو مصاري متل ما شايفين

ورغم هالطريق الرخيص الا انه بدو عملة وما في شي ببلاش
اذا المصاري والفقر والغنى ما الهن علاقة

المشكلة نحنا مجتمع متل ما قلت منخاف من طرح هيك مواضيع مشان هيك بعض الاشخاص يلي بينحطو بهيك موقف ممكن يضعفو
لكن يلي عندو ثقافة كافية وبظن ماعاد في حدا غشيم هالايام بعيدا عن الحلال والحرام الامراض والفيروسات يلي ممكن يجنيها الاشخاص من هالطريق كافية لنبعد عنو

يتمنى ما يكون راي زعجك

عفوا ريمون.. ان قريت أول حرف بس .. لهيك فكرتك روميو.. منيح اللي ما فكرتك رش روشه..ههههههههههه
تحية لرشا ولروميو ولإلك ريمون

شكرا ابو الجود ولايهمك بس بتمنا ترد ع shamشو رأيك

شكرا الك ريمون على طرحك المميز القوي كتير بالنسبة الي أكيد النفس امارة بالسوء والكل بتصور رأيه متل ما ذكرت شام بس أنا تحكي بنقطة كتير هامة ان انتو الشباب عبيتكونوا نوعين بسبب هي القصة نوع خجول ونوع طحيش وجريئ بتصور هالشي غلط أكتر ومراسي

بلا موأخزة منك سارة بفهم منك انك عم تتهجمي برأيك عالشباب او انا غلطان
بتمنا تفهميني

لا انت غلطان

بالعكس شام رأيك ما زعجني وهوي اصلا ما بيتعارض مع رأيي
انا قلت انو الحل هو الزواج.. وقلت انو الزواج بحل 70 بالمية من هالظاهرة.. وقلت انو سوء الأحوال الاقتصادية هيي اللي بتأخر هالزواج وبالتالي اللجوء للجنس الغير شرعي.. يعني أخت شام الوضع الاقتصادي سبب من الأسباب وليس كل الأسباب..
وصح متل ما قلتي انو هالطريق الغير شرعي مكلف ماديا ببعض الأحيان .. بس في كتير علاقات عم تصير بدون ما ينصرف قرش واحد يعني المال مانو ضروري للقيام بهالشي..
وبرجع وبقول هيك موضوع بدو كتييييير نقاش وأخد ورد.. ومنتمنى يكون في هيك مواضيع بتمس صلب مجتمعنا..
بس معلومه مجانيه للعموم.. هل تعلمون أن السعودية يحدث فيها من الانحلال الأخلاقي ما لا يحدث في كثير من دول العالم.. السؤال لماذا؟.. هالسؤال رح ارجع اطرحو كموضوع مستقل شو رأيك
مية هلا شام

جد بتمنا يكون رأيك واضح وصريح
واشرحيلي قصدك لانك انت بتتحملي مسو}لية مساهمتك
ولازم توضحي رأيك مشكورة

جذبني عنوان موضوعك
وتساؤلك الذي طرحته أجبرني ان اكمل القرائة الى آخر سطر
سأبتعد قليلا عن الموضوع لأخبرك بشيء أعاني منه عندما ننقاش مواضيع تطورنا
وكيف ان الجميع سبقنا ونحن مازلنا نحاول صعود سلالم التطور
ويكون الافتخار الوحيد بأننا نحمل دينا ونعيش في مجتمعات لا تنتشر فيها الرذيله
مشكلتنا الحقيقيه
اننا نفعل وبكل ثقة نقول لا نفعل
الزنى ليس بالضرورة ان يكون بصورته التي نعرفها جميعا
فالمصيبة الأعظم ان تكون كما ذكرت صورا وافلاما وهوسا وادمانا
الزواج احد الحلول
ولكن هناك ازواج تزني
برأيي الحل يكمن بداخل كل فرد منا
وانا أساند دعوتك بأن فينا بذرةً تكره هذا الشيء فلننميها
لـــــــك مني كــــل الشكر

شكرا خالص من القلب الك مشاعل
بتشكرك عرأيك القوي ومساندتك

يا احبائي انا تعبت اليوم ولازم نام
بكرا اكيد رح رد عليكم بس بتشكركم من كل قلبي لمساهمتكم بهالموضوع المهم

آيـــــة كتب:

بالفعل النفس امارة بالسوء
ولهيك امر الرسول بالزواج المبكر لو كان هناك قدرة مادية
وإن لم يكن فعليك بالصلاة

بالنسبة الي صحيح هو راي اية .. وموضوعك ريمون حسب مافهمت هو عبارة عن دعوة لوقف هي الظاهرة .. ومشكور عليه !!

ولكن بالنسبة لطلبه الجامعات يا صديقي مافيك انت تجي وتئول هاد صح وهاد غلط معهون ..
لانو الي بدو يعمل شي بيعملو لانو مقتنع فيه !! عرفت حسب القناعة !!
كل شخص يحاسب في النهاية على اختياراته !!
كلنا منعرف انو الزنى حرام !!! ومابجوز .. ومتل مائالت اية وئت مابكون للفرد قدرة مالية على الزواج ..عليه بالصلاة !!

ولكن .. التربية والعفة الها دور اساسي وكبير في شخصية الفرد ..
احيانا بتشوف كتير عالم مامعها تتجوز ومع ذلك ابتعدت عن هاد الطريق ..

سبب انتشار هذه الظاهرة برايي والسبب الاول هو البعد عن الدين ..
وتلاها بقية الاسباب من اقتصادية ونفسية واجتماعية حتى !!!

في الاسلام قد حرم الله سبحانه وتعالى الزنى ..بقوله :
(ولا تقربوا الزنى إنه كان فاحشة وساء سبيلاً).

هاد شي مشين وخطأ ومافيه اي كائن بالدنية يبرر ليه انو قام بهيك تصرف هيك برايي مهما كان السبب !!

مودتي ..

عزيزي ريمون : موضوعك فاق الروعة طرحاً وفكرةً ......

ذكر قبلاً ان طرحك مشين ولايجوز التلفظ بهكذا ملافظ!!!!!!! ولكنني اؤيدك في طرحك لأننا كما ذكرت جيل شاب ويجب علينا الطرح بالاسلوب المفهوم حتى ولو وصل لمرحلة العيب والممنوع

هذهِ الظاهرة "للأسف" منتشرة لدى شريحة الجيل الشاب خصوصاً وعامة الناس عموماً

وهي لا تدل على التربية الفاسدة ولا نستطيع لوم الاهل لانه في النهاية الاسباب بعيدة كل البعد عن التربية المنزلية للفرد...

التعرض الفاجئ للحضارة الغربية وتقمص سلبياتها دون الاخذ بعين الاعتبار الايجابيات " في اعتقادي" هو السبب الرئيسي لهذه الظاهرة...

سأتحدث بعيداً عن الدين....ولكن من نظرة أخلاقية....عندما تقودنا شهواتنا ونصبح غير قادرين على كبتها او أشباعها بعيداً عن أذية أحد نكون بذلك قد مثلنا ابشع الجرائم في حق البشرية الا وهي الزنى .... وكل من خولته نفسه للزنى فهو بذلك مجرم بحق نفسه وغيره لانه ومن دون علمه اذى الطرف الاخر اجتماعياً وهذا منافي كلياً للاخلاق...

وبرأيي الذكور يساهمون بالقدر الاكبر بأغواء الاناث ولا اقصد ان اللوم وحده يقع على االذكور ولكن كنسبة هم الاغلبية.....

آسف للأطالة...هذه وجهة نظر شخصية وليس بالضرورة ان تكون صحيحة.

مودتي واحترامي...

بالنسبة الك رشا

اقتباس :

ولكن .. التربية والعفة الها دور اساسي وكبير في شخصية الفرد ..
احيانا بتشوف كتير عالم مامعها تتجوز ومع ذلك ابتعدت عن هاد الطريق .

بصراحة رايك جميل ولكن هي الجملة حسيتا عم تناقد فكرتك
لان كتير من الاحيان بنشوف الاخ والاخ بنفس البيت بيكونو نفس التربية
بس مختلفين كتير يعني واحد كويس و واحد لا
اما بالنسبة للقناعة هاد حكي صحيح الانسان شومقتنع بيعمل
اما بالنسبة للمادة انا بعتبرا واحد بيستخدمها كمبرر وغير مقبول
لان بهالحالة بتصير متلها متل اي فتوى تانية بس جد شكرا رشروش
لرأيك ولمرورك وأنا بتقبل رأيك برحابة
مودتي