هل ينسى الانسان من تسبب بجرحه

هناك مواقف سعيدة تمر علينا تبهج القلب وتسقيه من شهدها فكلما نتذكرها ترتسم البسمة
على شفاهنا البريئة
وهناك مواقف حزينة تمرعلينا مثل الليل المظلم الموحش فكلما نتذكرها يعتصر قلبنا حزنا
بسببها وتدمع اعيننا من ذكراهاوذكرياتها
فالمواقف الحزينة كثيرة ومتنوعة في هذه الحياة تمر علينا على حسب واقع الانسان المؤلم
ومن بينها انكسار القلب او تحطم الفؤاداذا كان من اعز واقرب الناس على قلبك

سؤالي
هل هو مع مرور الزمن سوف ننسى هذاالجرح والالم والحزن
هل اذا جاء اليك هذا الشخص وطلب السماح منك هل ستسامحه

جوابي:
الزمن لا يستطيع مداواة الجروح العميقة........
إذا جاء وطلب السماح طبعاً, فهذا هو الدواء الوحيد........

تقبلي تحياتي ...

شكرا على مرورك يا لذيذ يارايق

انا برأيي الزمن بيقدر يخلي الحجر يلين فكيف قلب الانسان ؟؟؟
انا من جهتي بسامح لأني بحب المسامحة ولأنو بعتبرها دواء وراحة نفسية وحتى جسدية إلي قبل ما تكون للشخص اللي جرحني ...
يعني أسامح ... فأنسى ... فأرتاح...
وشكرا يا صاحبة ال babyface

شكرا على مرورك يااسماعيل
وصراحة حبيت صراحتك وجوابك على راس لسانك وهيك الرجال يابلا

اذا جرحني اكيد بسامحو و ما بحمل بقلبي ابدا

بس بنساه بنفس الوقت لانو بما انو جرحني فمعناتو انو ما بيعرف قيمتي ابدا


شكرا عالموضوع الحلو


nedalo

انا برأيي
مجرد ما يعتزر الشخص ويطلب المسامحة فهاد تكفير عن غلطو وهاد دليل فوزك ونجاحك
لانو الاعتزار مو بهالبساطة اذا كان الشخص جد يعرف قيمتو وكرامتو
انا برأيي المسامحة أحسن وأفضل بكتير
لحتى الشخص الغلطان مايكرر غلطو جكارة
ويصير احسن سواء معك او مع غيرك
ولو خليك رايق وارتاح ولاتخلي ليلي جرحك محل لتفكير
ولا شووووووووووووووووووووووووو

بصراحة اللي جرحك انساه ......
واذا طلب السماح سامحو.....لانو المسامح كريم
بس دير بالك منو ............لانو
اللي بيجرح مرة بيجرح تاني مرة

تقبلو مروري

انو الواحد ينسى اكيد حينسى مع مرور الوقت بس هالوقت حيكون كتيييير طويل وكتييير صعب ومنشان الاعتذار صحيح انو مابيرجع شي ولا بيداوي لجراح بس بيخليك تعرف انو الشخص اعترف بغلطو وهاد شي بيخليك تشعر باحساس حلو اما لمسامحة فاكيد لازم نسامح ونشكرو كمان لانو كل تجربة خصوصا القاسية بتخلينا نتعلم ونقوى وهاد بيساعدنا بحايتنا ......... هاد غير الحزن ببعض الاوقات حلو

و الله حسب تجربتي الشخصية ...صعب كتير اني سامح هاد اذا ما كان مستحيل حتى لو تم الاعتذار ...احسن شي انو الواحد ينسى .. يشيل هالشخص من حياتو نهائيا و ينساه و يتابع حياتو ..
طبعا هاد اذا كان الجرح كبير و الظلم اكبر اما اذا شي خلاف بسيط او صار جرح بلحظة غضب فاكيد ما في احلى من تصفاية القلوب..
و شكرا نانو عالموضوع الحلو ..

بالنسبة للموضوع يلي عبتحكوا انا برأي هيدا الشي بيرجع لطبيعة الشخص نفسه ولطبيعة الموقف يعني اذا انا حكت عن حالي في هناك مواقف ما بحسن انساها سواء كانت مواقف بتجرح ولا لا هلق بذات الوقت في مواقف لمجرد انك طلعت انتهت بواقته

شخصيا ما بعتقد أنو الإنسان ممكن ينسى حدا جرحو وشكرا الك