استقيل من الكتابة هاااااااام

استقيل من الكتابة وكأني سأهز العالم بقراري او بالأحرى انكم انتم ستتوقف حياتكم لاني استقلت من الكتابة
بداية أقول وللأسف ماعادت نفسي تتقبل اللاشيء وهذا اللاشيء هو تفاعلكم الشديد مع المواضيع الهامة
اقول ايضا وللأسف ما أجمل الارقام الكبيرة ولكن ان كان مفعولها صغير فهذا مؤسف جدا وما أقصده هو ان منتدانا جميل جدا بأرقام المشتركين فيه
ولكن السوأل هل هذا الرقم الكبير يعطي فعالية بحجمه؟ انا واثق كلا
ما أريد قوله نحن وكما يجب ان نكون فئة شبابية ذو فعالية ايجابية
انظروا مؤخرا الى مواضيع هذا المنتدا الجميل صدقا هذه ليست مواضيع
وانما انا اسميها لاشيء
فما همنا من السخرية من السياسات الاخرى وماهمنا غيرها من امثالها
هل احد منكم حاول ان يطرح مشروع نقاش دون ان يتلقا رد( شكرا, موضوع جميل.........الخ) وكأنما انا عندما اريد طرح موضوع في هذا المنتدا انتظر شخصا ما ليقول لي شكرا اوغيرها.
اريد ان اصادقكم القول عندما طرحت اكثر من موضوع فيهم من كان ذو جرأة ومنهم ماكان ذو عبرة
ولكن اكثر ما خيب امالي انه عندما اكتب موضوع وانشره فأكتشف ان نسبة المشاركين بالأراء لاتتجاوز 1% وهذه نسبة مخزية وجالبة للعار
اما بالنسبة للمشاركين فنصفهم من اعتاد على قول شكرا وغيرها
انظروا الى ارقام المشتركين في هذا المنتدا وانظروا الاعضاء الفاعلين به
قطعا لانستطيع المقارنة فالفرق شاسع.
اتمنى منكم ان تكونوا قد فهتم مقصدي وهكذا نستطيع انشاء منتدا يليق بنا
والى ذلك الوقت انا استقيل الكتابة وارجو الانتباه انا لا انتظر ردود خطية وانما فعلية وشكرا

ما بعرف ازا كوني عضو إداره المفروض سكر الموضوع واحذفو
بنظر اعضاء الإداره الباقيين
بس أنا بجد ما شايفه هالشي
أول شي رسالتك وصلت
وأنا معك بهالموضوع
الموقع كموقع جامعي بعيدا عن أي شي مالازم تكون مواضيعو هيك
وكتير أعضاء حكو هالشي قبل
أنا عندي منتدى لجامعتي ومنتدانا 80% تعليمي 20% ترفيهي
بجد كتير كنت بتمنى لو اقدر قدم شي يغني الجزء التعليمي بهالموقع بس ماني من الجامعه
حلو ننبسط ونضحك ونكون عيله وحده
والأحلى نقدم شي يفيد كل من زار منتدانا
بس انا مو معك بموضوع التفااعل
صح شي بيحبط بس تتعب ع شغله وما تلقى هالتفاعل بس هالشي ما لازم يخليك توقف عن عطائك
بنظري رد واحد اعطاني حقي يكفيييييني عن آلاف الردود
و5 اعضاء اعطو من قلبن بالنسبه الي بيغنوني عن 50 الف عضو
ملاحظه أخيره
بالنسبه لمواضيع النقاشات في كتير اعضاء بيواجهو صعوبه بترجمة رأين كتابةً وانا وحده منن
وشو ما كانت طبيعة ردن مشكورين ع محاولتن
ختامًا
انا بشوف موضوعك حرص ع تطور منتدانا للأفضل
لك مني كــل الشكر

اية

بدك ااطول بالك وانا بشوف نوقف شي يومين عن تنزيل مواضيع جديدة ونشوف يلي عنا

يا اخي و الله في معك شوية حق بس العلاج مو بهالطريقة يا ريمون

انا اول مين اشتكى من هالشغلة ببداياتي مع المنتدى بس ولا مرة وقفت عن تنزيل المواضيع لأن عدم التفاعل ما بيعني انو الموضوع مانو مهم بس للأسف عم بيصير بشكل دائم كترة بتنزيل المواضيع .

يعني مثلا انا لما بدخل بشوف موضوعين تلاتة نقاش , فما فيني اقعد ناقش تلت مواضيع مختلفين بنفس اللحظة هادا غير انو البعض ما عندهم الوقت الكافي لمعاينة كل المواضيع و حمشو نوه لهالشي .

بعتقد صار لازمنا قانون جديد يحدد عدد المواضيع اليومية لكل عضو

تحياتي

ريمون طرحت مشكلة هامة وشكراً لطرحك المميز

شهادتي مجروحة ولكني سأرد واقول انا معك

لاحظنا اختفاء العشرات من الاعضاء بشكل متقطع بعد ان كانو قد انجذبو للمنتدى والسبب كما ذكرت طبيعة المواضيع

يعني بتحس في تنافس بالاعضاء كل مين بدو يصير عندو ردود اكتر من التاني وهي المشكلة سبق وانعرضت وبتوقع صار مشكلة من وراها مع انو كان السبب غير.....

بقترح انو تحددو للاقسام اللي ما بتفيد المنتدى بشي عدد محدد من المواضيع باليوم الواحد

يعني والله كتير مرات بحب انكش مواضيع من الماضي بس مشان شيل المواضيع اللي بلا طعمة "طبعاً مع احترامي لكل الاعضاء" من قائمة اخر المواضيع واغلب الاعضاء الجدد حتى القدامى ما بيدورو بالاقسما بيشوفو شو في بقائمة اخر المواضيع

وطبعا ما رح اشمل قائمة اهم المواضيع لانو هالقائمة اجت بمحلا وهي صح 100%

حدا منكن جرب يفوت ع المواضيع التي لم يرد عليها؟؟؟؟؟؟؟؟؟؟؟

مجازر بحق الاعضاء في مواضيع بتعل عل وكل موضوع احلى من التاني وما حدا رد؟؟؟؟؟

يعني اتجاه الاعضاء للرد على مواضيع النكت والمواضيع التي لاتحتاج لجهد في الرد واضح جداً جداً جداً والسبب مجهول

حتى لو كنا مابنتأثر ازا ما اخد موضوع اشتغلنا عليه كتير اهتمام كبير بس بيخلي الواحد يحس بنوع من الاحباط وهاد الاحباط بيخلي الواحد يصير متلو متل غيرو يعني بيقول ليش بدي عزب حالي واكتب موضوع خليني افتحلي شي منتدى تاني وفي عندي نسخ ولصق!!!!!!!!!!!!!!

اعتذر على الاطالة

واتمنى تقبل رأيي بروح رياضية

لي عودة مرة اخرى

بالاول انا بحس ريمون كلامو طلع من حرقه قلب لانو كتير تعلق بالمنتى وحبو

وهو يمكن بحب يكون أحسن من هيك وانا معو

بس بالنسبه للنقاشات والردود أو عدمها فأنا مر عليي هيك بس كمان رجعت نزلت مواضيع

في مشكله عم نعاني منها هيي آلية وضع موضوع جديد

بجد في مواضيع حلوه بس كمان ممله

وفي شغله كى عنها روميو هيي انو في مواضيع بالنسبه لاخر المواضيع

عم تاخد محل مواضيع

يعني اذا انحط موضوع نقاش اليوم وغيب انا يوم مستحيل اجي لاقي اذا ما دورت عليه

وفعلا بالمواضيع التي لم يرد عليها فعلا في مواضيع حرام تضل بلا رد

ومن هون بشكرك ريمون

وبطلب من الاداره كل فتره اعاده للمواضيع التي لم تأخذ حقها

او حتى القديمه يمكن اعادة طرحها لتوافد مشاركين جدد دائما

وشكرا لكم

بالنهاية كلنا طلعنا بدنا مواضيع للنقاش ومواضيع مهمة وانا حكيت كمان كتير بهالموضوع
بس هالطريقة ما عجبتني ابدا
بالنهاية اللي بدو الناس تشتغل بطريقة معينة
لازم يبلش من نفسو
ولاحظتو انو الكل بدو يصير هيك شي
فالتتغير صدقوني مانو بشغلة تقنية التغيير بالأشخاص لازم يكون
كل واحد يشتغل ويحط مواضيع مهمة وهيك بيمشي الحال بصير الموقع كلو مواضيع رائعة
واللي عم ينزل موضوع مهم وما لاقى رد هاد شي عادي اذا كان بحب المنتدى كأنو الو
لازم يحسن فيه بطريقتو الخاصة حتى لو ماحدا رد على موضوعو بالنهاية في ناس رح تفوت وتشوف موضوع مهم بغض النظر عن الردود وهيك بتتحسن صورة المنتدى
تقبلو رأيي كمان

أخ ريمون أنا ما عمك أبداً لسبب صغير لأنو الواحد لما بدو ينزل موضوع ما بينتظر من حدا يقلو شكرا أو يعلق على موضوعو على قولة المتل اعمل خير وكب بالبحر
وانا كتير نزلت مواضيع وما شفت ردود وخاصة بما يفيد الطلاب
يعني إذا ما حدا رد بوقف الكتابة ( هادا مو حكي)
وبعدين يمكن الموضوع يلي عم نزلو أنا ولا أنت ولا أي واح مننا ما بيلائم الأعضاء أو بيكون عندن فكرة مسبقة عنو أو ما حبوه
فنحنا علينا كأعضاء في المنتدى أنو نزل مواضيع مهمة تعليمية وترفيهية يعني إذا منزل 10 مواضيع متنوعة إلا ما يطلع منن واحد مفيد مو أحسن ما نزل موضوع واحد ( ويلي بظن يلي عم بينزلو أنو مفيد وهام ) بس بيكون برأي غيرو ما الو أي أهمية

وبتمنى تتقبل رأيي بكل أخوية