موضوع مهم جدا جدا

يا جماعة قسما بالله هالشي اللي عم يصير بالكلية ما بقى مقبول ابدا
نسب نجاح سخيفة
عم يحشروا 400 طالب بقاعة بتساع 250
اخطاء بشعبة الامتحانات و ترك اسماء بدون علامات و هالشي مو بس بالكلاسيكي كمان بالسنة التالتة في كم اسم كانو فاضيين
يعني معقول جامعة طويلة عريضة تكون الاوضاع فيها بهالدرجة من سوء الادارة و التنظيم و حياة الله شعبة الامتحانات بكليتنا عبارة عن خرابة و الموظفين ما عم يشتغلو و انا ما بستبعد انهن يكونوا عم يحطوا العلامات على كيفن
لك حتى الدكاترة ما عم يساعدونا ابدا خدوا على سبيل المثال ناصر عبد الحميد بيجي عالمحاضرة هيك مدري كيف بيضل مشمئز و يا ريت لو بيفهمنا شي لك عالقليلة ينزل كتاب للمادة
معقول نخلي هالناس تتحكم بمستقبلنا ؟؟؟
ما بعرف شو رأيكن لازم نسوي ؟؟
بس اي شي لازم نسويه لازم نكون فيه كتار كتير ما بينفع نكون 4 او 5 اشخاص لازم نكون بالميات و بتمنى تكونوا فهمتوا عليي
و اللي عم يقول انو انا نزلت الموضوع بس لاني رسبت باللغة بكرا شوفوا نسبة النجاح بمادة اللغة العظيمة بعدين احكموا عليي

dr.faustus انا معك

فوستوس انا معك قلبا وقالبا

فينا كمان نبعت لجريدة الثورة لاني شفت ملحق عن الشباب و الجامعة عم يعرضوا فيه مشاكل من هادا النوع حدا بيعرف كيف بدنا نوصللن الحكي ؟؟؟

ما عندي فكرة

طنش تعش تنتعش

حكيكون صحيح يا شباب ..

بس بدي ئول شغلة بركي تحططو علينا ؟؟؟
وئتها اذا في احتمال نتخرج بصير التخرح حلم ..

ومن الناحية التقنية لنحكي بشكل موضوعي الحق علينا نحنا ما منعرف نحط مسؤولين متل العالم والخلق
بالهيئة ,, مو حدا سائل علينا بنوب .
الموظفين مو بس بالامتحانات عم يأبدعو الله يقويهون ... شو نسيتو وئت نسجل شو يعملو فينا ؟؟؟

انتو لازم تدورو على المسؤول برأيي .. ووئت بدكون تحكو مع حدا لازم يكون على قدر من الأهمية يسمعنا ..
ويحس فينا ..

بالنسبة للدكاترة مافي تعاطف أبدا .. يعني وضع ما بينسكت عليه ..

بس فكرو انتو منيح ئبل ماتعترضو .. النتيجة يلي بدكون توصلولا بعدين ..
وحطو نسبة ئديه مطالبكون بدها تنسمع ؟؟؟؟ ونسبة ئديه بدهون ليغيرو ..

هاد برأيي وانا معكم قلبا وقالبا ..

انا معكم ودقت قبل من هالكاس يعني انت دكتور فوستس عم تحكي شي صحيح صار معي شخصيا مرتين مرة بدراسة النص كمادة ومرة بالمسرح حلقة بحث وفقعت ما حدا رد عليي الا دكتور اسمو نجيب غزاوي شافني عم ابكي زعل عليي وقلي اكتب اعتراض لرئيس الكلية بس انا ما كنت بملك وقت وسافرت وضل الحال على ما هو ورسبت بالمسرح

هههه ريشة خانوم حياتي انت ليكني تزوجت وعندي ولدين وبنتي رح تروح عالمدرسة ولازم اتخرج من ايمت ومافي شي بالجامعة تغير الا الاسماء والمناصب لاتتفاءلي حبيبتي والنسبة من عندي بكل امانة واحد بالمية يعني بخجل قول صفر وخليت للمعجزة مطرح هههه