العنف الاسري ضد الاطفال

بماان هناك الغالبية من الاباء والامهات لايزالون يتعاملون مع تربية ابنائهم بمبدأ-العصا-وليس
بالضرورة ان تكون العصا من الخيزران,إذيمكن ان تكون عينا حمراء ...
او لساناقاسيا...اوجبهةمقطبة ....او صدراضيقا...
حتى إذاما اتجه الابناء خارج هذا الخط هروبامن هذه العصا فإنهم اماإلى صاحب غر جاهل مثلهم
فتكون الحصيلة ضياعا ..واما إلى طريق الواسع الذي لايدري المرء إلى أي المسارب والدروب
فيه يأخذهم وتبقى الأحاديث والكتابات بمافيها من القول المطلق والمقنن وبما تحمله من الأراء
المختصة أوتلك المنبثقة عن تجربة رهن التنظير....
ماهوالحل في القضاء على هذه الجريمة...؟
ماهي أسباب هذه الظاهرة...؟
مادور القضاء اتجاه هذه الظاهرة...؟
مادور الدين في هذه الظاهرة...؟

والله بستغرب من الناس اللي بيتبعو هيك اسلوب مع اولادن ......ممكن يستخدمو الضرب بس ضرب عادي يعني ضرب محب عقولة جدي بدك كف على نقرتك اما اذا وصلت لدرجة انو يضيع الولد ويتسبب بدمارو فهادا جنون وبدو معالجة
مشكورة على موضوعك تقبلي مروري

شكرا على مرورك coldfire

هلق حسب خبرتي بالحياة لحدهلق تعلمتللي كم شغلة بهالخصوص

اولا الولد ما بينعطى وجه مع اني بحب يكون عندي ولاد

و تعليم الطفل يبدأ منذ السنة الاولى من عمره لانو حسب دراسة امريكية انو الطفل يبدأ باكتساب المهارات و تعلم الاشياء منذ السنة الاولى في حياته و هذه دراسة علمية

انطلاقا من هالفكرة لما الواحد بيدقق عالاشياء البسيطة ليعلمها لأولادو بيكون افضل و احسن


بس لما الولد بيطلع عالحياة بالمجتمع قد يكون فيه كتير منغصات متل الرفقة السيئة او الوسائل الترفيهية كافة من انترنت و تلفزيون و مقاهي و غيرا و غيراتا و هون تكمن الخطورة بأنو اذا ما كان في اساس تربية سليمة بيصير الضياع يلي حكيتي عنو


بس بمرحلة الابتدائي و الاعدادي المفروض برأيي القسوة عالولد او البنت بكتير امور لانو في شغلات قد يؤدي غض النظر عنها الى مصائب بعدين


و هادا رأيي الشخصي

تقبلي مروري و مشكورة عالموضوع اللافت

nedalo

نانا منوووووووووووووووورة
انا شخصيا ضد الضرب100%
السبب في استخدامو الجهل وعدم استخدام العقل
والصلح سيد الاحكام
ولي بيبلش صح بيضل صح
ويلي بيبلش بغلط رح ينتهي بغلط
يعني انا مثلا اهلي كانو ضد فكرة الاركيلة بس لما شافو اني انا مصر ما مانعو مع ابداء عدم الرغبة وتركولي حرية الاختيار
انا بشوف اذا الاهل بلشو صح مع ولدن ما في شي ممكن يأثر عليه....اذا في ثقة وصراحة وهوي حاب يسمع الصح ويميزو
بالنسبة للدين
انا بعرف كمسلم(علماني)انو دينا دين يسر مو عسر
مشكوووووووووووووووووووووووورة

مشكور يا hmshoعلى مرورك انت و نيضالوومشكورين على هالاراء الملفتة

أنا بعتقد انو هالشي صاير قليل شوي لأنو هالجيل الجديد شاقق الأرض وطالع , يعني حتى احترام الأبناء لأهلهم تغيرت أشكاله وأساليبه , يعني ما عاد شفنا هداك الأب اللي لما بيدخل عالبيت كل أولاده بيتخبوا بغرفهم ( وهون ما عم قول من باب الخوف لآ من باب الاحترام ).
وحتى الأب اللي عندو كذا ولد بتلاحظي انو عم يعامل الصغير اللي هو من هادا الجيل بطريقة تربية مختلفة تماماً عن أخواته الكبار .... يعني الزمن تغير وبعتقد حالات العنف الأسري مع الأولاد هي حالات فردية وليست منتشرة والحمد لله .. بعدين بصراحة صاير ما في أكتر من حالات العقم عند شباب وصبايا هالأيام لهيك صايرين بس يجيبوا ولد بيشوفوا وما بصدقوا....

انامعك بكل كلمة حكيتها يا اسماعيل بس يا ترى الولدبهاد الجيل بينزل من بطن امو ما عندو احترام لا اهلو
بعدين جملة (الله يجيرنامن الجيل هاد)هيي رح تخربلنا بيوتنا اي شو يعني بدنا نوصل لا جيل بدل ما يقول ابن الشهر (كغ) رح يقول لا امو ولي حمارة رضعيني
هاد ما حكي
انا بقصدمن موضوعي الاهل واسلوب التعامل مع الطفل والحق عم يجي عالاهل سواء بالدلال
اوالقسوة
لان بحكم معرفتي في كتير من الاهالي عم يوصلو ابنائهم لطريق الانحراف سواء الاجرامي او الجنسي ....الخ من الانحرافات وهادالشي
مشكور على مرورك وعلى رأيك

أنا أبدا ما قلت انو الولد بيخلق ما عندو احترام لأهلو ... بس قصدت انو طريقة الإحترام وأسلوبه تغيروا يعني اذا بدك بتعبير شبابي وبسيط صار الوضع سبور و كول أكتر وفي أريحية بالتعامل أكتر ... وصار عدد كبير من الاباء والأمهات بيتعاملوا مع اولادهم على قاعدة انو المسايرة والصداقة مع المراقبة من بعيد لبعيد هي أفضل الطرق للتعامل مع هالجيل اللي على فكرة انا ابدا ماني ضده بالعكس ولكن أؤمن انو له خصوصية وطريقة تربية مختلفة عن سابقه وهادا شي طبيعي...
اللي بهمني ركز عليه انو قصة العنف الأسري هي حالات فردية فردية فردية وليست شائعة...