التحرش الجنسي بالنساء اثناء العمل

يتحدث البعض عن انتشار حالة التحرش الجنسي بالنساء في اماكن سوريا بنسب مرتفعة بحيث
يعدها البعض ظاهرة تستوجب التوقف عندها ودراستها والبحث عن وسائل قانونية للحد منها..
ويؤكد البعض أن نسبة كبيرة من النساء العاملات في سوريا خاصة في القطاع الخاص سيكون عن حالات التحرش بهم من جانب زملائهم في العمل او من جانب مدرائهم وارباب اعمالهم بسبب
حاجتهم الماسة للعمل...
ويؤكدالبعض الاخر بقلة خطورةماسبق...وان القضية لاتعدو كونها حالات خاصة وان المرأة
ذات شخصية قوية وارادة صلبة قادرة على ان تحافظ على نفسها وان ترد اي يد قد تمتد على
جسدها بأي تصرف غير لائق مهما كانت حاجتها للعمل..
فمارأيكم..؟
هل تعتقدوا ان التحرش الجنسي بالنساء أثناءالعمل ظاهرة لابدمن علاجها.؟وكيف يمكن
التعامل معها.؟
أم إن هذا حديث عن قضية مبالغ به..؟

بعتقد انو شي مبالغ فيه قليلا

لانو متل ما اكد البعض الاخر انو المرأة هي يلي بتحافظ على نفسها اذا كان عندها شخصية قوية و ارادة

و بلدنا بالنسبة للدول الاخرى تكاد تكون نسبة هيك حالات معدومة

و قليل ما نسمع بهيك شي ببلدنا

مشكورة


nedalo

مشكور على مرورك بس لاتنسى بالدول الغربية بشكل مباح
اما عنا ما بالضرورة تشوف او تسمع
والتحرش الجنسي ان كان بالعمل ام بغيرعمل صار متداول كتيييييير بأيامنا ومن الطرفين سواء فتاة ام شاب..
مشكور نيضالوبس انت شب والمفروض يكون عندك معلومات اكتر من هيك بهالخصوص
ولاتفكرانو بموضوعي عم سيئ لسمعة بلدي بس هالموضوع و وغيرومن المواضيع الجنسيةالمحرمة صار متداول وين ما كان ...

مسا الخير نانا
منورة دائما بمواضيعك وردودك
الموضوع كتير لفت انتباهي
وانا معك تماما الموضوع صار موضة انا شخصيا شفت شوفات والعياز ب الله من الطرفين وانا شخصيا انحطيت بموقف تحرش من قبل بنت(هيي تحرشت!!!)للاسف ما عم ناخد من الغرب الا الشي الغلط وبالنسبة انو نحنا بسوريا ما بيغير شي الموضوع واحد وعنا مو احسن من عند غيرنا وما فينا نقول انو نا حالات التحرش قليلة بالعكس تماما فينا نقول ما عم نشوف بس هس موجودة
وحتى الخطوط الحمراء صارت للعرض يعني النت ما بيخبي شي وكل ممنوع مرغوب
آآآآآآآآآآآآآآآسف إذا طولت

شكرا كتير ع موضوعك حلو كتير وبالعكس انا برأي الشخصي انو هل الظاهرة منتشرة بس ما في حدا يحكي وخاصة انو البنت او المراة اذا حكت بتنفضح بمجتمعنا وانا بتوقع انو لازم اي بنت او حتى شب لما يصير هل الموقف معو ما يسكت لانو هل الظاهرة وغيرها عم تنتشر بسبب سكوتنا

ليش حاسس انكن فهمانين التحرش على انو تلطيشة او شب ماشي جنب بنت عم يطبقا !!!!!!!!!!!!

هيك شغلات اكيد موجودة عنا و كمان اكتر من غيرنا

بس بالنسبة للتحرش الجنسي يعني تحرش ببنت او شب بغير ارادتهم و هادا الشي قليل ما نشوفو عنايعني اكيد ببلدنا

في كتير كتير كتير علاقات عاطفية و جنسية بس ما بعرف اذا بتعتبرو انو الشب او البنت لما بيحاول واحد منهم يتحرش بالاخر جنسيا

فهادا ما بقا اسمو تحرش لانو الاثنين راضيين بهالشي و بحبو بعض


بس حالة تحرش جنسي بقصد ممارسة الجنس لفتاة داخل العمل و بدون رضاها قليل ما نسمع بهيك شي


بتمنى تفرقو مظبووط بين تحرش بدون رضا و بين بنت او شب مستعدين لهيك شي

نانو

اقتباس :

اما عنا ما بالضرورة تشوف او تسمع

كيف قدرتي تكشفي هالسر لكن ؟؟؟؟؟؟؟؟؟؟؟؟؟؟

اقتباس :

مشكور نيضالوبس انت شب والمفروض يكون عندك معلومات اكتر من هيك بهالخصوص

معلوماتي بهالموضوع كتيييييييييير كبيرة
بس العتب على المجتمع الي بيشوف شب و بنت مع بعض بيقول في شي بيناتن معناها

تقبلو الرأي الاخر برحابة صدر

و ارجو ان تكون ردودكم مدروسة و موزونة و مرتكزة على اسس واقعية

nedalo

أصدقائي الأعزاء :
اذا التحرش بمعنى التلطيش ... فهو أمرعادي ومانو شي جديد و ما بلاقي في مشكلة عظيمة بالعكس أنا بحس معظم البنات بينزعجوا اذا كانوا مظبطين حالن وما حدا عبرهن...
واذا كان التحرش يعني مضايقة الفتاة أو المرأة من قبل مديرها بحكم سيطرته على مورد رزقها ... هون بنصح الفتاة انو تترك الشغل لأنو الله الرزاق والمسبب والفعال في هذا الكون. وهو كفيل انو يعوضها بشغل أحسن من شغلها السابق. و ع كفالتي...
أما اذا كان التحرش بمعنى التحرش الجنسي الفعلي واللي ممكن يوصل للاغتصاب , واذا كان هادا اللي عم تستحوا تقولوا ( لأنو ولاء قالت عبارة: اذا حكت بتنفضح ) فأعتقد انو المرأة كمان قادرة تدافع عن حالها وتتطلع بأقل الخسائر.
يعني ما حدا بيقدر يجبر حدا على شي الا بحالات و ظروف نادرة وانا هون ما عم قول انو الشباب بريئين
والسبب برأيي بكل هالظواهر هو بعدنا عن الدين وبقصد بالدين الأخلاق الحميدة والحشمة والعادات الحسنة ... يعني ما تجي وحدة طالعة ونسيانة نص تيابها وتقول ليش هادا لطشني وليش هداك اعتدى علي....

احلى اسماعيل و الله


هادا الكلام المظبوط و الموزون


تحياتي الك

Nedalo

وبالنهاية الموضوع بيتوقف عند المرأة وصدها لا هالموضوع غير اللهم اذا حصل اغتصاب غصب عنها
بس موضوع الجنس عند الشب والبنت كتير دارج وحتى ولو ما بيحبو بعض وهاد الشي ما بيتخبى وبحط الحق نسبة أعلى على المرأة والمسبب الاكبر الشب
وين الدين وين الشرف
بعتقد عند كتير من الناس صار الدين والشرف عادات وتقاليد بالية
مشكورين جميعا على مروركم وبالنهاية كل شخص عندو رأي بيعبر فيه عن شخصيتو
ويانيضالو بالنسبة لا هالسر ما اكشفتووياريت لاتلغم سؤالك بإشارات استفهام مشان مايفهم الواحد سؤالك غلط
بأيامنا هيدي في شي اسمو معرفة بديهية
وأكيد ما قصدت مجتمعنا لمايشوف بنت وشب قاعدين مع بعض يعني في شي بينهم اي شو قلب مجتمعنا مجتمع ختياري دقة قديمة
شكرا ولاء على مرورك
شكرا اسماعيل جوابك واضح كتيييير
واكيد مليو ن شكر لا نيضالو الغالي وانا بحترم رأيك

شكرا نانو

وبالنهاية متل ما قلتي كل واحد رأيو بيعبر عن شخصيتو

و ما بعرف بشو قصدتي معرفة بديهية

و مارح اقلب الموضوع لسجال و انا بحترم رأيك كتير

و مواضيعك مميزة دائماو مشكورة وصراحة انا بفضل دائما هيك نمط من المواضيع يلي فيها نقاش صريح

لانو هي المواضيع هيي يلي بتفيد بحياتنا

و انا بقبل اي رأي مغاير لرأيي لانو هيك الكل بيعبر عن نفسو رغم اختلافنا بس هادا هوي جوهر جمال حياتنا


ناطرين جديدك نانو





nedalo

ولا يهمك وانا كتتتتتتتتير احترمت رأيك
وكيف بدنا نصير أصدقاء نت إذا ما اتعرفنا على بعض عن طريق طرح مواضيع والجدال فيها
نيضالو الغالي نيضالو الغالي
نيضال اسم على مسمى
وانا ناطرة جديدك