ما بعد النتائج...!

مرحبا اصدقائي

اعتقد أن نتائجنا قد صدرت كلها تقريبا

بداية مبروووك لكل الناجحين وحظ أوفر للراسبين وبالتوفيق للجميع

هنا بعض الأسئلة أتمنى أن نناقشها سوية

1-كيف كانت نتائجك بشكل عام؟

2- هل كنت تتوقعها؟وهل أنت راض عنها؟

3-كيف تعاملت مع مدة الامتحان القصيرة نوعا ما؟

4-هل أحسست أنك ظلمت من قبل بعض الدكاترة أم أنك كنت المسؤول الوحيد عن نتائجك؟وبرأيك ما هو السبب في أن البعض
يلقي باللوم على الدكاترة؟هل حقا أنهم يظلمون؟أم أننا اعتدنا القاء اللوم على غيرنا حتىمن دون أن يستند ادعائنا على أسس؟

5-ما رأيك في تأخر مواعيد صدور النتائج وفي المشاكل الكثيرة التي تحدث مع بعض الطلاب
بشأن نتائجهم وتكرار مراجعاتهم لشعبة الامتحان؟وما هو سبب ذلك ؟وما الحل؟

6-ماذا تحب أن تضيف؟

1-كيف كانت نتائجك بشكل عام؟

منيحين

2- هل كنت تتوقعها؟وهل أنت راض عنها؟

اي كنت متوقعه وما استغربت شي


3-كيف تعاملت مع مدة الامتحان القصيرة نوعا ما؟

اهترت أعصابي وحسيت حالي قرص مضغوط

4- هل أحسست أنك ظلمت من قبل بعض الدكاترة أم أنك كنت المسؤول الوحيد عن نتائجك؟وبرأيك ما هو السبب في أن البعض
يلقي باللوم على الدكاترة؟هل حقا أنهم يظلمون؟أم أننا اعتدنا القاء اللوم على غيرنا حتىمن دون أن يستند ادعائنا على أسس؟

مو ظلم بمعنى ظلم بس فيكي تقولي علامات ما بترعفي وين راحت

مراجعة شعبة الامتحان برأيي ما حدا براجعها الا اللي فعلا مظلوم يعني اللي بيعرف انو رح يحمل ماده ليش يستغرب

ونحنا عنا عادة القاء اللوم على الغير اي فعلا

5 - ما رأيك في تأخر مواعيد صدور النتائج وفي المشاكل الكثيرة التي تحدث مع بعض الطلاب
بشأن نتائجهم وتكرار مراجعاتهم لشعبة الامتحان؟وما هو سبب ذلك ؟وما الحل؟

فعلا تأخرت كتير مع انو الدكاتره سلموهم من قبل وخلوا الطلاب متوترين مشاكل الطلاب

والحل فالج لا تعالج


6 - ماذا تحب أن تضيف؟

الغلط بالعلامات شي ممكن مافي داعي كل دكتور يعتبرها جريمه اذا واحد حب يتأكد

الدكتور حتى لو اكتشف غلط بالتصحيح ما بعدل لاعلامه

الدخول على شعبة الامتحان بطولة برأيي

شكرا كتير على موضوعك

1 - كان عندي مادتين و رسبت فيهن
2 - ما كنت متوقع هيك ابدا و ماني راضي
3 - انا ما كتير تأثرت بقصر فترة الامتحان لان ما عندي غير مادتين
4 - هلق في تقصير من قبلنا نحنا بس الظلم موجود من قبل الدكاترة و الدليل نسب النجاح السخيفة بمعظم المواد
5 - لازم يصير ثورة تغيير لكل موظفين الامتحانات في جميع الكليات لانو الاوضاع سيئة جدا و يجب اتمتة المواد للتغلب على اي محاولة غش لان التصحيح سيتم عن طريق الكمبيوتر و النتائج ستعلن بعد يوم او يومين من نهاية الامتحان
6 - بحب ضيف انو حسبي الله و نعم الوكيل
و شكرا الك على طرح هيك موضوع تفاعلي

جوى كتب:

1-كيف كانت نتائجك بشكل عام؟

عادي .. يعني نص نص

2- هل كنت تتوقعها؟وهل أنت راض عنها؟

اة كنت متوقعة هالنتائج .. راضية بنسبة 50%

3-كيف تعاملت مع مدة الامتحان القصيرة نوعا ما؟

هلكت .. وتعبت أعصابي .. واركض اركض و ما لحق .. لهيك اخر ما دتين ما درستون منيح لأنو ضجــــت

4-هل أحسست أنك ظلمت من قبل بعض الدكاترة أم أنك كنت المسؤول الوحيد عن نتائجك؟وبرأيك ما هو السبب في أن البعض
يلقي باللوم على الدكاترة؟هل حقا أنهم يظلمون؟أم أننا اعتدنا القاء اللوم على غيرنا حتىمن دون أن يستند ادعائنا على أسس؟

هلق كنتائج لا ما حسيت انو انظلمت .. بس الظلم صار قبل النتائج .. الظلم صار بالاسئلة التعجيزية اللي اجت و بخص بالذكر الكلاسيكي و اللغة ... لهيك كان اولا الحق عالدكاترة و ثم الحق عالوقت .. يعني المدة ما كانت كافية لدراسة مواد ضخمة .. و بعدين ما بيمنع كمان انو نحن اهملنا شوي دراسة كم مادة اثناء الفصل ..
اما بالنسبة لانو البعض بيلقي اللوم عالدكاترة ... هلق اكيييد في كتييير عالم بينظلموا ... و في كتيييير وراق ما بتصحح و هاد الشي كلنا منعرفو .... بس كمان في طلاب اما ما بيعرفوا حالون شو كاتبين .. او في احيانا علامات بتروح ..الطالب ما بيعرف على شو .. بس بكون الدكتور معو حق .. يعني ما فينا نقول الحق عالدكتور مية بالمية و لا الحق عالطالب مية بالمية ....

5-ما رأيك في تأخر مواعيد صدور النتائج وفي المشاكل الكثيرة التي تحدث مع بعض الطلاب
بشأن نتائجهم وتكرار مراجعاتهم لشعبة الامتحان؟وما هو سبب ذلك ؟وما الحل؟

انا بشوف انو عنا بالكلية التاخير شي طبيعي .. يعني : أعداد هائلة .. موظفين مطنشين ... لهيك انا ما بشوف الحق عالدكاترة .. لأنو دائما بسمع انو الدكتور سلم المادة و بعد شهر لتطلع التيجة ..لهيك الحق مية بالمية عموظفين الامتحانات .... الحل متل ما اتفضل دكتور فوستس .. اتمتة المواد .. و هيك لا مجال للظلم و لا مجال للتاخير

6-ماذا تحب أن تضيف؟
ولا شي ... غير اني اشكرك جوى على طرحك للموضوع ..

-كيف كانت نتائجك بشكل عام؟
يعني ماعجبتني بصراحة

2- هل كنت تتوقعها؟وهل أنت راض عنها؟
لا كنت متوقعة احسن منها لاني درست وتعبت وبعرف شو كاتبة بالامتحان

3-كيف تعاملت مع مدة الامتحان القصيرة نوعا ما؟
تعبت كتير كتير كتير .. لانو ما الحئ نام .. 4-هل أحسست أنك ظلمت من قبل بعض الدكاترة أم أنك كنت المسؤول الوحيد عن نتائجك؟وبرأيك ما هو السبب في أن البعض
يلقي باللوم على الدكاترة؟هل حقا أنهم يظلمون؟أم أننا اعتدنا القاء اللوم على غيرنا حتىمن دون أن يستند ادعائنا على أسس؟

ليكي وحياة النبي هي تجربة شخصية بمادة اللغة اختر الاجابة الصحيحة معي نصها صح .. وسؤال الموضوع كاتبتو حرف حرف ..
والسؤال التالت مجاوبة على تعريفين صح ..
معي حلقة بحث 16 والنتيجة بالنهاية كانت 23 ؟؟؟؟؟ عاطيني 7 علامات يا عيب الشوم ؟؟ على شو ؟؟

انا بنت بعرف حالي درست وتعبت وسهرت ومائصرت وبمادة الكلاسيكي الشي نفسه سؤال ال 50 علامة كلو صح
وسؤال الاتمتة معي منهون كم وحدة صح ..
ومع ذلك رسبت ..

5-ما رأيك في تأخر مواعيد صدور النتائج وفي المشاكل الكثيرة التي تحدث مع بعض الطلاب
بشأن نتائجهم وتكرار مراجعاتهم لشعبة الامتحان؟وما هو سبب ذلك ؟وما الحل؟

ليكي هي تقصير من الموظفين انا بحياة عمري ما شفت هيك جامعة بالدنية ..
انا سافرت على الخليج وعشت هنيك 5 سنين ورحت على مصر سنتين ..
الشي يلي شفتو عنا هون ما شفتو بمطرح تاني ..
النتائج بالقطارة .. طبعا وانا صايرة معي كتير مشاكل من هيك نوع ..
سبب ذلك نحناا لو منحكي ومنسمع صوتنا ماعملو فينا هيك ..6-ماذا تحب أن تضيف؟
بحب ضيف اول كلمة حسبنا الله ونعم الوكيل ..
تاني كلمة في موت وفي قيامة وكل دكتور ظلمني بعلامة وحدة الله لا يوفئو والله لا يسامحو .

ريشة خانوم كتب:

معي حلقة بحث 16 والنتيجة بالنهاية كانت 23 ؟؟؟؟؟ عاطيني 7 علامات يا عيب الشوم ؟؟ على شو ؟؟

بس رشروشة معلومة صغيرة .. الدكتور ما عاطيك 7 علامات .. علاماتك هي 23 .. لأنو اذا اخدت دون ال30 ما بضيفو علامة حلقة البحث ... يعني بالمختصر اذا بدك تضيفي علامة حلقة البحث بتصير 39 ...بس هنن بالامتحانات ما بضيفوها لأنو النتيجة واحدة راسبة راسبة .. هاد طبعا اذا اخدة بالفحص دون التلاتين ..

تاني كلمة في موت وفي قيامة وكل دكتور ظلمني بعلامة وحدة الله لا يوفئو والله لا يسامحو .[/color]
اة و اللـــــــه

انا الحمد الله كان عندي 6 مواد شلتن كلن بس كان عندي مادة68 وماتبقى بال70 و80و90
راض جدا بالنسبة للمدة كتير انضغطت بس ما حسيت حالي نظلمت وانشا الله الف مبروك للناجحين وحظ احسن للبقية

مبروك حمشو ..

ههههههههههههه رورو ليكي عكافة الاحوال انا صححت الاسئلة عند استاذ ومن المحاضرات ..
لهيك محروئ ئلبي ..
خطيبي مل من كتر مااعم نئ على المادة ههههههههههه لابئا تجيبو سيرة النتائج بترتفع حرارتي ..

أنا الحمد لله كانوا علاماتي كتير مناح وشلتون كلهون
عندي مادتين 98 و 97 ومادتين 87 و 84 والباقي بالسبعينات
ألف مبروك لكل أعضاء المنتدى انشالله عقبال الأعلى للجميع

وردة تشرين

أول شي مبروك نتائجك وانشاءالله بتتخرجي السنة بمعدل كويس
الكلام اللي حكيتي كلام منطقي جدا
شكرا ع مشاركتك وبالتوفيق انشاءالله

د.فوستوس
أول شي بسيطة طول بالك انشاءالله بتعوضن بالدورة التكميلية وبتتخرج بمعدل كويس
باينتك مزعوج كتير يلا ما بعد الضيق الا الفرج
بالنسبة للموظفين فعلا متل ما قلت لازم يصير
بالنسبة للأتمتة هيي صح أفضل مشان الظلم وأوفر للوقت بس ما بعرف أنا ما بحبذ الأتمتة للآداب
شكرا للمشاركة واعطاء الرأي وموفق انشاءالله

رورو
مبروك اللي مرفعتين وانشاءاله بتعوضي البقية بالدورة التكميلية وبتتخرجي بمعدل كويس
انشاءالله هالفصل رح يكون افضل من ناحية الوقت
يمكن متل ما قلتي الحق ع الدكاترة والطلاب بنفس الوقت
انشاءالله الأمور بتتحسن وشكرا للمشاركة وموفقة انشاءالله

رشا
باينتك مزعوجة لآخر درجة طولي بالك انشاءالله بتعوضي المواد ع التكميلية وبيكون الفصل التاني احسن وبتتخرجي بمعدل كويس
انشاءالله بتتحسن الأمور وبيخف الظلم بالتصحيح
شكرا عالمشاركة وبالتوفيق انشاءالله

حمشو
ألف مبروك علاماتك كويسة انشاءالله بتكون الفصل الجاي أفضل بكتييير
وبتتابع ع هالنحو والله لا يضيعلك تعب
شكرا ع المشارك وموفق انشاءالله

قمر
ما شاءالله علاماتك ممتازة ألف مبروك
وانشاءالله بتكون الفصل الجاي احسن وبتتابعي هيك كل السنين
الله يوفقك وشكرا عالمشاركة

الله يعين كلمين خذلتو النتائج وعني بجاوب عهالاسئلة بعد حزيران
الله يجير

بالنسبة إلي نجحت بكل موادي يلي قدمتن
بس ماني راضي على المعدل لأني درست وبستحق أكتر من هيك
بس ما بعرف إذا لما بشوف غيري راسب لازم قول أنا أحسن من غيري
فترة الأمتحان كانت سيئة جدا وقصيرة وسببت ضغط للطلاب بشكل عام
بتمنى تصير الجامعة فعلا جامعة