مندسون يستغلون تجمع عدد من المواطنين في درعا ويحدثون شغبا ويلحقون أضرارا بالممتلكات العامة والخاصة

18 آذار , 2011

درعا-بانياس-سانا

خلال تجمع عدد من المواطنين في محافظة درعا البلد بالقرب من الجامع العمري بعد ظهر اليوم الجمعة استغل بعض المندسين هذا الموقف وعمدوا إلى إحداث الفوضى والشغب ملحقين أضراراً بالممتلكات العامة والخاصة وقاموا بتحطيم وحرق عدد من السيارات والمحلات العامة ما استدعى تدخل عناصر حفظ الأمن حرصا على سلامة المواطنين والممتلكات فاعتدى عليهم مثيرو الشغب ثم تفرقوا.

وتزامن ذلك مع تجمع آخر في بلدة بانياس الذي انتهى دون أي حوادث تذكر.




ســـــــــــــــــــــــــــــــــــــــوريا الله حــــــــــــــــــــــــــــــــاميـــــــــــــــــــها

سوريا الله حاميها
وهدول اسمهون مندسين يعني مخربين

وبلدنا أقوى منهن
شكرا حمشو عالمعلومات منور بمشاركتك

الله حاميها

اضيف ايضا

بمدينة حمص في منطقة جامع خالد بن الوليد تظاهر حوالي عشرين شخص و ايضا انفض التظاهر بدون احداث

و هادا اللي ناقصنا مجموعات من الحثالة المأجورة بدها تثير فتن

سوريا اكبر من الجميع و نحنا مع الاسد الغالي للموت

سورية الحبيبة .........حسدوكي

ائصدك نضال بكل سورية طيب بس الله , سورية , حرية وبس

هههههه لا عنجد ردودك كتير بتضحك

طيب وهي الله سوريا بشار و بس

بعدين بكل سوريا ( بكل محافظة كم سخيف و تافه عم يطرح شي شبيه باللي عم تطرحيه سارة البشعة )

طيب يا سيدي أنا بشعة بس أنا بحب سورية تكون أحلى

ليش هلق مانها عاجبتك ؟؟؟؟

طيب وضحي موقفك نشان نرد بطريقة حضارية غير الطريقة تبع الله سوريا حرية وبس متل اذا عم تقولي ما بدك سيادة الرئيس

إذا سمحت نضال أنا ما ذكرت الرئيس بشار الأسد وأنا مع كل واحد بيحاول يعمل لتطوير سورية بس أنا ئصدي الاصلاحات الدستورية وإلغاء قانون الطوارئ وعلى فكرة قانون الطوارئ نحن أول دولة عربية حطينها على زمن أمين الحافظ يعني من ستين سنة ومستحيل يتم الغاءه ومكافحة الفساد والبطالة يلي نحنا منعني أنا وانت وغيرنا تكون أحلامنا القادمة بس نطلع من سورية طبعا إذا لقينا عمل بالخارج وبعدين هاد الشعار يلي بتنادي فيي ( الله , سورية , بشار وبس ) وكأن دولتنا ملكية واحنا اسم دولتنا الجمهورية العربية السورية

يعني انتي بس منشان شغلة شعار عم تأيدي التظاهر ؟؟؟

إذا هيك فهمت متل ما بدك

والله كلامك عم يقول انك مانك ضد سيادة الرئيس و بنفس الوقت عم تأيدي التظاهر اللي شفناه اليوم و كان كلو تخريب و مطالبة باسقاط النظام فاعتمدو شو بدكن نشان نعرف

بعدين شغلة الاصلاحات جارية من عام 2000 و ما بعتقد فيكي تنتقلي من مرحلة عدم حرية لمرحلة حرية فجأة و خصوصي عنا بالبلد لأن بعدين الناس بتاكل بعضا باسم الحرية و هادا يلي مانكن عم تحاولو تفهموه , كتير هلق حلوة تشعل البلد و تتوقف الاشغال و الاعمال , عم تحكي عن العمل , بهالاسلوب ما رح بقا يضل شي اسمو عمل

و برجع و بكرر هالشعارات تبع التظاهر و مدري شو اصحابها الاساسيين بالخارج و عم يحركو ادوات جوا البلد و البعض عم ينساق و ينخدع بهالخزعبلات و عدد اللي عم يطلعو ما بيجي شي قدام الشعب السوري بالكامل و ما معقولة يتم السماح لهالقلة بالعبث بأمن الوطن .

ولااااااااااااااد


سارة نحنا لما منقول الله سوريا بشار وبس منكون منعني الحرية لأنو لولا سيادة الرئيس بشار ما في حرية
وبدي افهم كيف طلعت معك شغلة الملكية هي شو دخلا بهيك شعارات؟؟؟؟؟؟؟؟؟؟؟
تاني شي هدول ما عم يعملوا لتطوير سورية هدول عم يحاولوا يزعزعوا أمن سورية بس سورية وشعبا وقائدا أكبر من هيك
تالت شي كان فيهن بيتصرفوا بطرق أكتر حضارية وواعية لو عندن مطالب حقيقية عادلة موبيلجؤوا للشغب والتخريب واستغلال التجمعات البشرية

الحرية اللي عم تحكي عنا موموجودة ببلد تاني متل ما موجودة عنا بس بدك ناس واعية تقدر هالشي
شغلة الفساد والبطالة موجودة عند غيرنا أكتر من عنا ولا نحنا مو شاطرين غير بتمجيد الغريب وبلاد برا


إذا بضل احكي من هلق لبكرى ما بخلص متل ما قال حمشو القافلة تسير والكلاب تنبح
الله سوريا بشار وبسسسسسسسسسسسسسسسس

شكرا ايوش

برأيي عيب علينا نكون لعبه بايد المعارضين

لو بدنا هالشي كان لازم يصير بلا ما حدا يقلنا مو نكون روبوت

سوريا بلد مثقف وما لازم نكون منساقين بهالبساطه ورا مين ما كان

بعشق ترابك سوريا

شكرا وردة