عن جد تعودت عليكم

هيدي مانا مساهمة جديدة ... هيدي اعتبروها رسالة خاصة لكل واحد فيكن

حقيقةً انا ما صرلي شهر منضم لأسرة الموقع , بس عن جد تعلقت فيه بسرعة خاصة هلق بأيام الإمتحانات اللي عادة بكون فيها ما بتحكّى .

وكل يوم بس بدي أعمل استراحة ما بشوف حالي غير فتحت عالموقع لحتى شوف شو صاير ... وشارككم بكل شي جديد , لك حتى ما

عاد فتحت ع كتير مواقع تانية كنت زورها كل يوم , يمكن لأنو عم حس انو هون عم نتبادل بالإضافة للتسلية شغلات تانية كتيرة مفيدة .

وصدقوني ومن القلب : تعودت عليكم واحد واحد و وحدة وحدة وصرت حس اني بعرفكم من زمان ... سومر , نضال , دوفان , رورو

روز, حمشو , لوليا ... وأكيد كل الأعضاء المميزين.

تحية للكل وبشكركم فردا فرداً .....

خيي اسماعيل هادا شعوري كمان و انا متل ما عم يصير معك عم يصير معي و بعتقد مع الجميع كمان


و نحنا كلنا مع بعض منشكل هادا الجو الرائع من النقاش
و المزح و التسلية و امور كتيرة صعب نحصل عليهابحياتنا اليومية بدون اصدقاء مثقفين و متفهمين و واعيين متل الشباب و الصبايا يلي بضم صوتي لصوتك و بتشكرهم بدون استثناء


مشكور اسماعيل

بالفعل وأنا بضم صوت عميرعد رعد كمان لأن فعلا اتعلقت كتير فيكن.
مشكور اسماعيلوف

مظبوط هاد الحكي انا صايرة بجن اذا مر يو يومين ما فتحت عالمنتدى لشوف شو صاير ...فعلا احلى جو .. و احلى اعضاء .... سلامي و تحياتي للجميع ..

عنجد انا بحياتي ما شاركت بأي منتدى بس حسيت في شي مميز كتير وتعودت باليوم افتح ع المنتدى كذا مرة
احلى عالم واحلى اعضاء انتو عنجد مميزين سلام كبير ومشكورين من كل قلبي ودائما بالتوفيق

انا زعلت يا اسماعيل شكلك نسيتني :*531*
انا مسافرة مع اهلي على مصرشهر كامل برجع عالشهر السابع اذا خففت مواصلتي للمنتداناالغالي اعذروني يا احلى اخوات واصدقاء لا تفكروا اني نسيانتكون
واذا صرلي اتواصل معكون من هنيك ما رح قصر لان اغلى موقع عليي هوا منتدانا الغالي
سلامي للجميع ورح اشتاق الكم كككككتير
ووصيتي الكم ماحد يزعل من حد

نانو بدنا نشتقلك

تروحي و ترجعي بالسلامة

شكرا نيضالو الغالي وانا بالاكتر عنجد كتتتتتتير رح استفقدلكون واستفقد اللاذقية حبيبة قلبي

كوني أكيدة .. مهما تكوني بعيدة ... بعدك أشواقي بقلبي عم تزيدي

تروحي وترجعي بالسلامة

سامحيني صديقتنا الغالية نانو بس انا ذكرت البعض على سبيل المثال لا الحصر ...

تروحي و ترجعي بالسلامة نانو .....مين رح يكتبلنا شعر بغيابك ؟؟؟؟؟

شكرارورو واسماعيل والجميع على اهتمامكم رح اشتقلكون كتتتتتير
وانا بشكر سومر على اختيارو الي مشرفة على قسم علم الاجتماع وانشالله كون عند حسن ظنكم جميعا

أكيد نانو .. وبيلبقلك

يا جماعه ماتركتولي شي احكيه
انا كتير اتعلقت بالموقع ويمكن الشبب بهالشي انو كلياتنا تقريبا من اعمار بعض
وعايشين نفس التجارب بحياتنا اليوميه بجامعاتنا بكل شي
انا كتير بحبكون بجد وصار الكون مطرح مميز بقلبي
شكرا للكللل شباب وصبايا

اي ونسيت قول ل نانو
تروحي وترجعي بالسلامه رح نشتاق لمواضيعك الحلوة

شكرا روز الحلوةوانا بالاكتر يا عمري

لك تسلمولي صبايا شو مهضومين ...

و شكراً روز عالكلام الحلو اللي قلتيه وأكيد الك بقلبنا كل المحبة و الاحترام

خلص حاجة بقا رح تبكونا . .. شو وين رايحة هي ليكا مصر لحشة حجر ... ما هيك نانو ؟؟ بعدين نانو ما رح تتركنا و رح تفتح تحكينا من مصر ..ما هيك ؟؟ :?: :?: :!:

ونحنا اتعودنا ع حضورك الملفت بكل المواضيع
احلى اسماعيل

أحلى حمشو ... بالمناسبة أنا قلتلك انو الصورة اللي حاطتها حلوة ما هيك

مشكوووووووووووووووووووووووووووووور