حان وقت الواجب....هاااام جدا جدا...بتمنى من الجميع قراءة الموضوع و المشاركة

السلام عليكم ورحمة الله تعالى وبركاته
ــــــــــــــــــــــــــــــــــــــــ
أولاً هذا ما كتبت عما جرى .....
*******
ياسآئلين المزن عن قطراتها
ياكابتين الضيم لم تدروا الحصل؟
يا سارجين صهى المهور ضياغما
يا صانعين المجد في سيف الأمل
هبوا بسيف العدل ودرع النوى
هبوا بعدل الله للنصر الأجل
سدوا الشقاق بينكم وشقيقكم
وامحوا ضباب الغشم فالليل أفل
واسحقوا ما داخل الحصن فلو
هذا الدخيل سعى لمطلبه وصل
هذا الدخيل أضل من أعدائنا
متمكن من أمننا ومن الذلل
متمكن من ذلنا من كسرنا
متمكن من طهرنا ومن الحول
لا ترعوي عين الدخيل عننا
فهو الودود تارة وهو الأسل
ــــــــــــــــــــــــــ
وعن قناعة أقول :
ـــــــــــــــــــــــــــ
يا داخلا في عرضنا في طهرنا
يا صاحب الذلات لستَ من الدول

***********************************************
أخوتي ... أوجه لكم هذه الدعوة من القلب إلى القلب
و أتمنى أن تكونوا عند حسن ظني بكم ... بأن تقرأوا بقلوبكم ... لا بأعينكم

*************

قال : النبي الأكرم صلى الله عليه وسلم ...
" لو علم أهل البلاء ماهم فيه من الأجر , لتمنوا أن لا يزول البلاء "

ونحن في بلاء عظيم .. و فتنة أعظم .. و امتحان لنعمة كنا غافلين عنها ... كنا ننعم بها في الوقت الذي كان العالم أجمع بما فيه من أجناس وسياسات ..يحسدنا عليها
ألا وهي نعمة الأمن

أخوتي ... نحنا تحت ضغط العاطفة التي يكاد يتفجر في صدورنا على ما حلَّ ببلدي سوريا
وتحت وابل الانقسامات التي شتتت ضمائر من شذَّ عن الجماعة وطالب بحرية دون أن يحترم حرية غيره
وطالب باصلاحات هي حق له لكنه لم يعد يلقي لها بالا بعد أن وجد الشارع مأوى له
و الإذاعات المغرضة مسرحا لمسرحياته التي تنسج بسنارة لا يخفى صانعها على أحد...

يجب أن نتوقف قليلا

وأعزي ما آل إليه الوضع الراهن لانعدام الإدارة والمسؤولية من بعض الادارات والشخصيات التي ستحاسب فور انتهاء الأزمة بإذن الله
وإلى النفوس الضعيفة التي سلمت زمام عقولها و انتظرت الخير من دعات الشر

ومايدفعني إلى انتقاد هذه الشخصيات والادارات إلا :
أولا : حرصي على كلمة حق بدأتها في مقدمة الموضوع
ثانيا : علمي اليقيني بأن سيادة الرئيس لن يغفر لمن ساهم بتفجير الوضع ووصوله إلى هذا الحد أيّن كان هو ...

أخوتي ... لكم شيء يحز في نفسي كثيرا أريد قوله....

نحن في بلدنا كنا ولا زلنا نعيش سوياً ... تشاركيةً ... أمان واطمئنان ....
خلقنا وتربينا و كبرنا على حب الوطن ... والتضحية من أجله ...

أخلصنا في حب الوطن ... فارتفعت رآية الوطن فوق كل رآية

أحببنا بعضنا ... فأصبحنا مضرب مثل لكل من يريد الوحدة الدينية والطائفية و السياسية

أحببنا قائدنا ... فارتفعت هامة سوريا لتسحق كل من يحاول ايقاف تاريخ سوريا الذي لازلنا نكتبه مع قائدنا الدكتور بشار الأسد بالقلم والسيف وغصون الزيتون

كذلك كنا يا من تقرأ وتسمع وترى ...

أرأيتم ... ففي الحب نصنع المستحيل ... نجعل من الشوك ياسمينا ... ومن النار ماء ...
فالحب يجب أن يبقى يجمعنا

أيّن كانت طائفتك ... أيّن كان حزبك ... أيّن كان اتجاهك ...

فيجب علينا ونحن في هذا البلاء العظيم الذي ألم بنا قول كلمة حق ... تسجل في صفحتنا عند الملك المقتدر .. وتوضع في موازيننا إذا طاشت موازين الذين كفروا

وأبدؤها أنا ...
ــــــــــــــــــــــــــــــــــــــــــــــ

بسم الله الرحمن الرحيم

وبعد ....

كوني سوري مسلم أقول ..
"وادع إلى سبيل ربك بالحكمة والموعظة الحسنة"
"المسلم من سلم الناس من لسانه ويده "
"المسلم أخو المسلم .. لا يظلمه و لا يحرمه "
"سيفان ارتفعا في الإسلام ... كلاهما في النار..قالوا : القاتل في النار ,فما ذنب المقتول.. قال:لأنه كان حريصا على أن يُقتَل "

إلى الأخوة المسلمين من كل الطوائف..أشهد الله أنكم أخوة في الله .... وفي الدين ... وفي النبي ... وفي الوطن

وإلى الأخوة المسيحين ... أشهد الله أنكم أخوة في الله .. وأخوة في الوطن

من هذا التراب خلقنا سويا .. وعليه عشنا سويا ... وفيه سندفن سويا

لن أحقد على أحدكم ..
ولن أكون موضع الناقد لأي أحد منكم ...
مهما كانت طائفته

إلا إذا نسي طهر هذا التراب الذي يطأه بنعله .. هذا التراب الذي يجب أن نعزّ شفاهنا في تقبيله
إلا إذا نكر جميل أتاه ... و أحرق حضنا أمنّه و رباه
إلا إذا خان وطنه

بلادي وإن جارت علي عزيزة
وأهلي وإن ضنوا علي كراما
.............................
هذه كلمتي

و أتمنى من كل من سيمر من هنا ... من كل من يريد توجيه رسالة لأخيه في الوطن ... من كل شخص عرف عظمة الله و ما شرّع .وما قضى .. من كل من يغيظه رؤية دم أخيه يسيل ...من كل من تنبض في قلبه سوريا

أن يترك تعليقا يألّف بين قلوب أخوة جمعهم الحب و لن يفرقهم سوى الموت

أحييكم
وجميعاً لكم مني السلام
مقدمه:
سوري الجنسية .. عربي الهوية .. فلسطيني القضية

أخوكم

علاء العيد

سلمت يداااااااااااك ..

لقد كتبت فابدعت .. ووصلت رسالتك من قلبك الى قلوبنا جميعا ..

بارك الله فيك يا اخي ..

وانا بصراحة مالح عيد نفس حكيك يا صديقي ولكن ..

قال الرسول عليه افضل الصلاة والسلام :
" المسلم أخو المسلم لا يظلمه ولا يسلمه ومن كان في حاجة أخيه كان الله في حاجته ومن فرج عن مسلم كربة فرج الله عنه كربة من كربات يوم القيامة ومن ستر مسلما ستره الله يوم القيامة "

وحديث اخر ..
قال رسول الله صلى الله عليه واله وسلم(لايؤمن أحدكم حتى يحب لآخيه ما يحب لنفسه) ..

هاد هو الاسلام الصحيح .. مو انو نقتل وننهب ونسرق ونمثل بالجثث .. هاد مو اسلام هاد ارهاب ..

نحنا اخوة بالوطن وبالهوية وباللغة وبالهوا وبالمي وبالنبي لك نحنا اخوة عم نتقاسم حب اله واحد .. شلون يجو
يزرعو بقلبنا الخوف .. لك نحنا مو منخاف من بعض .. من خاف على بعض ..

شي اسمو طائفية لك عيب عيب نحكي فيه .. صرنا ب 2011 ولساتون عم يحاولو يرجعونا لورا ..

يا جماعة الشي الي عم نشوفو من تكبير كل يوم وهي بصراحة عم نحكي مشان شو ؟؟؟

انا ماعندي مشكلة بطلع وبقول الله اكبر للصبح بس مو الله واكبر على اخي من غير طائفة او غير مذهب او غير دين لا يا اخي .. الله اكبر على اسرائيل .. الله اكبر على اميركا ..

انا هون مالح اجي وقول اني عم بيع وطنيات بس يشهد عليي ربي .. كلكون اخوتي بعهد الله ..
وقلوبنا لازم تكون صافية .. على بعض ..

هي رسالتي ئلكون .. طول حياتنا عايشين حد بعض وايد وحدة ومافيو حدا بالدنية يفرقنا عن بعض او عن دولتنا او عن رئيسنا ..

انا بحكي باسم كل اهالي الشام الشرفاء .. نحنا مع السيد الرئيس للموت ..
وانتو يا اخوتي بتمنالكون السلام ..

السلام عليكم ورحمة الله ..

وصل صوتك أختي
وشكرا ع كلامك المؤثر
الله يجزيكي الخير
ولا يحرمنا أجر ما كتبتي

ناطرين البقية

هلا انا ماني بفصاحتكن بس حبيت قول كلمتي
نحنا كلنا بهالبلد اخوة وكل واحد بيستحق شي عم ياخدو
يعني مافي وظايف لطائفة معينة ولتانية لاء
صرنا نطلع من بيوتنا نطلع ورانا وقدامنا وننتبه ونسأل حالنا ياترى شو طائفة اللي جمبي وشوملة اللي
ورايي عيب يا جماعة والله عيب الدين لله والوطن للجميع
الله هو اللي بيحاسب
بس بتمنى على كل واحد سوري شريف بغض النظر عن معتقداتو السياسية انو مايخون التاني
لانو نحنا كلنا ولاد الوطن ولها الوطن وكلنا شرفاء تحت علمك يا سورية الحبيبة
لك انا بستغرب باللي عم يعتبر الجيش والشرطة والامن عدو الو
يعني ماعادت الشغلة بس طائفية
انا بعرف انو شبابنا واعي بس متل ما فلت مرة انو تفاحة خربانة بتخرب صندوق بس وقتا ما بذكر مين ردعليي وقلي اتفاءلي انا رح كون شوي متفائلة بوجود الشباب الواعي امثالكن
وسوري لاني طولت بس قلبي مليان

الله محييكي أختي
هيك مواقف مابدا فصاحة.... بدا صدق وقلب محب

الله يعطيكي العافية
ويحميكي يا رب
وصل صوتك أختي

"الدين لله والوطن للجميع"
أنا برفض وبنبذ بشدة كل شخص يقوم بتكفير الآخرين ....... كل أنسان يقوم بواجبه لربه والله بحاسب الجميع
الله سبحانه وتعالى أعطنا نعمة العقل لنفكر ونحكم على الأمور طيب ليش لتقودنا غريزتنا

أنا معكن قلباً وقالباً أصدقائي كلنا أخوة بعهد الله

الدين لله و الوطن للجميع

و على الجميع القبول بالاختلاف لأنه مفروض رغما عن انوفنا شئنا ام ابينا كيفكن فيا ؟؟؟ حان وقت الواجب....هاااام جدا جدا...بتمنى من الجميع قراءة الموضوع و المشاركة 905401

حان وقت الواجب....هاااام جدا جدا...بتمنى من الجميع قراءة الموضوع و المشاركة 905401

واحد واحد واحد الشعب السوري واحد

كل الشكر إلك أخي علاء

أكيد نحنا أخوة

اقتباس :: واحد واحد واحد الشعب السوري واحد

شكرا أبو النضل

كلام يستحق كل تقدير

هلا أخي

شكرا لمرورك اللطيف

نوررررررتنا

بالمختصر كلنا سوريا والوطن للجميع والدين لله ونحن اخوة دين وكلنا نبغى مرضاة الله عز وجل

أنا مع الرأي الآخر ان هو احترم رأيي وان لم يتعارض مع أساسيات وبديهيات يجب ان نتفق عليها

وهي حب الوطن والعيش المشترك

أنا أدعو للالتفاف حول الوطن وللتكتل ضد أعدائه

أدعو لننسى مشاكلنا الصغيره أمام الخطر الداهم

ادعو لنكون يد واحده تصفع كل من أراد بسوريه الحبيبه الشر

ادعو لنكون صخره صامده بوجه السيول الجارفه

ادعو للوعي وتحكيم العقل والمنطق

شكرا لك ولموضوعك

العفو وردة

شكرا لكلمتك الجميلة .... نورتي أختي

انت قلت بمقالتك انهم تشتتوا انا بعارض هالكلمة لان مافي حدا تشتت..تانيا اغلب هالمتظاهرين عم ينادوا بالطائفية مو بالاصلاح وطبعا مابيخفي ع حدا انهم قليلين كتير..تالتا وهيدا الاهم ماتخاف لان اذا اتأملت شوي باللي عم يصير رح تكتشف انو مو البشر اللي عم تحمي سوريا لأ اللي عم يحمي سوريا هوي الله والدليل انو كل الكون حاليا ضدها ومع هيك واقفة بشموخ وهي منتصرة..وبالنهاية بقول لهالمخربين:
بسم الله الرحمن الرحيم:"ومكروا ومكر الله والله خير الماكرين" صدق الله العظيم......فيا صديقي خليهم يحاولوا ليشبعوا اذا الله ماقدر يصير شي مارح يصير شي لو بيوقف مابس هالكون لأوسبع اكوان معه...........

alie كتب

اقتباس :: انت قلت بمقالتك انهم تشتتوا انا بعارض هالكلمة لان مافي حدا تشتت..

علاء العيد كتب

اقتباس :: وتحت وابل الانقسامات التي شتتت ضمائر من شذَّ عن الجماعة وطالب بحرية دون أن يحترم حرية غيره

أخي أنا حكيت ع تشتت الضمير ... وبظن مافي واحد فيه ضمير بيعمل هيك

اقتباس :: تانيا اغلب هالمتظاهرين عم ينادوا بالطائفية مو بالاصلاح وطبعا مابيخفي ع حدا انهم قليلين كتير

معك حق .. بس هدول من الشعب .. ويعني الشعب فيه خلل ولازم يتعالج بأحسن الوسائل مشان ما يستشري بمجتمعنا واقع لا تحمد عقباه

اقتباس :: رح تكتشف انو مو البشر اللي عم تحمي سوريا لأ اللي عم يحمي سوريا هوي الله والدليل انو كل الكون حاليا ضدها ومع هيك واقفة بشموخ وهي منتصرة

هاد الحكي لايخفى على أحد
ربنا سمعانا وشايف

وأخيرا شكرا كتير لمرورك الرائع وتعليقك الاروع

نووووورت أخي

» طلب هاااام من الإدارة
» هاااام نتائج الرابعة
» الــــيــــاســـميـــنـــة الزرقــــاء (هاااام جداً )
» هاااام " عملية طوق الأسد
» بدي قول شغلة بس بتمنى بلا زعل