سنة أول مسرح

انشالله تكون امتحناتكم تمام شباب بنات حدى خرج يساعدني بمادة المسرح في نقطة ما فهمتها كيف بدي اربط المقطع بالحبكة طبعن بسؤال التعليق

هلا انامافهمت كتير عليك يا صديقي ولكن ..

يعني عن تجربة عم ئلك .. بسؤال التعليق ..
بتكتب الحدث اول شي يعني من خلال وين الشخصيات مثلا عن شو عم يحكو مثلا .. هيك الحبكة بتصير
وبعدين بتدخل بانو شو الموضوع يعني بكون الدكتور ئايللكون انو المسرحية بتحكي عن كذا وكذا وكذا مثلا ,,
انت بتشوف هالمقطع لاي موضوع تابع وبتحكي عنو ..

هلأ هيك بشكل عام .. اذا مائدرت فيدك هلا ياريت توضح السؤال ,,

واهلا وسهلا فيك معنا

الصراحة ما فهمت طلبك

عن جد شكرن لمحولتكن مساعدتي بس انا بعتقد انو ما رح يقدر يفهم السؤال إلإ طالب سنة اولى كان عم يدوام هلا كاتبين بالمحاضرات انو لازم نتقيد بثلاث نقاط لما نعقل عالمقطع 1 -نربط المقطع بالحبكة هي ما فهمتها 2- نحكي عن التناقض بين الشخصيات 3-نحكي عن الايروني هلا السؤال كيف بدي اربط المقطع بالحبكة

ليك انا طالبة سنة رابعة وبدي ئلك شي انو يا صديقي سؤال المقطع بكل السنين نفس الشي ..
وبظن فهمت انا شو بدو الدكتور ..

1- وئت ئلت تربط المقطع بالحبكة :
يعني انو هاد المقطع جاية من الصفحة مثلا 3 اي ؟؟؟
اذا انت شو تساوي ؟؟ بتحكي شو صاير بهاد المقطع يعني شو صاير قبلو و بعدو فهمت عليي شلون ؟؟
هيك يعني تربط المقطع بالحبكة ..

والباقي سهل سؤال الشخصيات بيجي لحالو .. مو ضمن المقطع .

ضل عندك الموضوع يلي هو irony .. كمان بكون بنفس المقطع دليل انو هي الجملة او هاد الحدث فيه سخرية .. وهكذا ..

انشالله كون ئدرت وصلك الفكرة .. بس انا يمكن متاكدة تماما انو هاد هو المطلوب ..

لا تسألني خالص بهل مادة اكل همها

صباح الخير لكل الزملاء الآدابيين عموماً والأدب الإنكليزي خصوصاً والسنة الأولى أخص شي !!!!

صديقي ما تاكل هم المسرح كتير لأني شفت أنو كل الطلاب عم تعاني من هالمادة بس خليني ريح بالك وبال كل الطلاب اللي خايفين من مادة المسرح !!!

أول شي سؤال التعليق أنا بعتبرو السؤال المنقذ دائماً .... ليش ؟؟؟ لأنو عليه تقريباً 80 علامة يعني إذا بتجاوبو لوحدو تكون ضمنت المادة بمعدل .....

هلئ نحكي شوي عنو !!! بالنسبة للشخصيات >> الدكتور قال للطلاب أنو ما رح تكونوا مطالبين بذكر أسماء الشخصيات اللي عم تتحاور لأنون رح يكونوا موجودين بالأصل .

ثانياً : مشان الحبكة وربط المقطع بالحبكة >> لا تغرك الألفاظ كتير وتقول يا ربي دخيلك ربط وحبكة وتضيق الدنيا بعينك القصة وما فيها أنو تشرح الموقف أنو ليش صار وشو الي وصلون لهالشي وشو رح يصير ..... ألخ

ثالثاً : بالنسبة لل Irony كلنا بنعرف أنو المسرحة كلها Irony ب Irony يعني الملك أوديب كان ضحية الIrony بكل سطر من المسرحية وبعتقد هذا الشي واضح إذا كنت قرأت المسرحية من قبل(( على الأقل بالعربي ))

بتكتب ليش في Irony بالمقطع >>> مثلاً أجاك نص بيحكي عن الملك أوديب لما بلش يهدد ويتوعد بقاتل الملك وأنو بدو يعاقب المذنب وينزل فيه أقصى العقوبات ...... وهو بالأساس كان القاتل بس ما كان يعرف هالشي ... هون مثلاً طالعنا الIrony بهذا المقطع ..

والشي اللي بريحك أكتر أنو فيك تكتب أفكار من عندك يعني مانك ملزم بشي محدد لتكتبو ... أبدع من عندك عسا الله أن تعجب أفكارك الدكتور وتنجح المادة بمعدل كويس ...

بعتقد أنو الشرح مفصل بطريقة لازم تكون بسيطة بحيث توضحلك الفكرة بشكل كامل وأي استفسار بإمكانك تسأل وإن شاء الله رح نكون عند حسن الظن ..

على فكرة : أنا جمعت دراسات ولخصتها تقريباً ب17 صفحة وعملتون كتاب إلكتروني PDF بس في عندي مشكة بال Upload فما عم أقدر أرفعون عالمنتدى ....

وبالتوفيق ألك ولكل الطلاب ....