حقيقة مهمة يجب أن ندركها

في البداية أضم صوتي إلى الذين يشكرون الدول التي وقفت معنا في هذه المحنة بس في شغلة لازم احكيها بصراحة
في السياسة –يا أصدقائي- ما في شي ببلاش ولا حدا يفكر أنو هاي الدول واقفة معنا (لسواد عيوننا) أو لأنها تدرك حقيقة مايجري على الأرض
أعداؤنا يدركون تماما مايجري بس جوهر القضية أنو كل واحد بشوف
الحقيقة من منظار مصلحته
أنا عم احكي هالكلام حتى ماحدا يتفاجئ بيوم من الأيام ويسمع بالأخبار أنو هاي الدول غيرت مواقفها وعلى فكرة أسهل شي بالسياسة تغيير المواقف لأنو المبررات جاهزة وموجودة وتحت الطلب واحتمال كبير يجي هذا اليوم
وأقرب مثال موقف (تركيا) اللي عم تلعب على الحبلين
وبالنهاية أقول الرهان الحقيقي لا يجب أن يكون على أي دولة بالعالم
الرهان الحقيقي لازم يكون علينا إحنا أبناء سوريا ومثل مابقول المثل
(ما بحك جلدك غير ظفرك)

وعاشت سوريا حرة قوية مستقلة

أخي أكرم كلامك صح

بس العالم بيعرف انو السياسة بحر

وما حدا بيحصل على شي بدون مقابل

يعني من دون ما يخسر

كلامك كلو بيطلع من بعد ما نخلص من هالأزمة لأنو صحيح 100 بالمية

بس في شغلة بدي قلك ياها سمعتها بالأخبار

ليش رئيس الوزراء التركي بدو يعمل زيارة لسورية قال لترميم العلاقة بين البلدين ؟!؟!؟!؟؟!؟!؟!؟؟؟؟؟!؟!؟!؟!؟

وليش صحيفة الصنداي تايمز قالت مجموعات اسلامية تهاجم الأمن ؟؟؟؟؟؟؟؟؟؟؟؟؟؟؟!؟!؟!؟!!؟؟!؟

هي كلها مقدمات للي بدو يحصل

الله يتمم الأوضاع على خير

وتقبل مروري أخي أكرم

بالتأكيد لا يجب علينا المراهنة على اي من مواقف الدول التي وقفت معنا , على سبيل المثال روسيا و التي استقبلت امس وفدا للمعارضة المدعومة من امريكا و الممثلة بالذي يسمى رضوان زيادة

اللعبة السياسية تقودها المصالح و هي ما يجعل البعض يقف معنا في ظل هذه الأحداث

و بالنسبة لتركيا فهي فعلا لعبت على الحبلين فمن جهة كانت تدعم الحركة التكفيرية المسلحة في جسر الشغور و من جهة اخرى كانت تقول انها تترك النظام السوري ليحل هذه المسائل بدون تدخل خارجي .

و بالنسبة للصنداي تايمز و الكثير من وكالات الأنباء كانت تعرف الحقيقة بوجود جماعات تكفيرية مسلحة قامت بمجازر بحق الأمن في جسر الشغور و لكنها كانت تمارس نوع من التعمية و تشويه الحقائق محاولة منها في دعم مخطط المؤامرة التي كانوا يسعون لتنفيذها , و الآن و بعد ان ايقنوا انهم ابعد و اضعف من ان يستطيعوا زرع الفتنة في سوريا و تدميرها , عادوا ليلمعوا صورتهم و يحافظو على ما تبقى من شرفهم المهني في نقل الأحداث ان وجد .

سوريا بخير

انا مع ابو النضل بكل كلمة