منور المنتدى برجعتك
برأيي الناس يلي بدها اصلاح فعلي ما بقا طلعت تتظاهر و عفكرة اذا منرجع بالذاكرة كم شهر لورا منشوف انو نحنا بالمنتدى هون كنا كتير ننتقد ممارسات حكومية من فساد و غيرو و كنا نحكي كتير عنو من خلال مواضيعنا و هالشي بيحطنا بخانة المطالبين بالاصلاح ولكن التظاهر و غيروا وصل لحد لا يطاق من الاستفشار و اللامبالاة بالآخر و ما في اي مبرر للأعمال التخريبية يلي صارت لهيك من غير الممكن القبول بهؤلاء اللي بيسموا حالهم معارضة كطرف آخر , و لا سيما انن عم يدعوا لاستمرار التظاهر و حرق الفواتير و الاضراب و غيرها و طبعا انا جمعت بين معارضة الداخل و الخارج لأنن وجهين لعملة واحدة , صح انو سيادة الرئيس قال التظاهر حق و لكن اللي عم نشوفو اليوم صار موضة و باب رزق للبعض و تنفيس عن حقد و كره للبعض الآخر و هالشي غير مقبول .
يوميا عم نسمع بعض الشراذم التي لا تزيد اعدادهم عن 30 شخص بيطلعو بنصاص الليالي باحدى الحارات القريبة وبيكبرو و بيهتفو هتافات طائفية و شتائم و غيرا و غيراتا و الامن لا عم يقرب عليهن و لا عم يحكيهن و بس يخلصو بيرجعو عبيوتن و كأنو ما صار شي و عفكرة الأمن عم يسكر حارتهم حماية الهن و يمنع المؤيدين من الدخول لحارتهم خوفا من اندلاع حرب بين الطرفين .
وبيجي بعد كل هالشي كم سخيف و مأجور من المعارضة بيقول لازم يوقف الحل الامني !!!!!
طيب لما بيكون عندك ناس مسلحة مشحونة بالتطرف و التكفير عم تخرب و تقتل , كيف ممكن تجابه هالسفلة الا بالقوة ؟؟؟؟؟
من يومين احدى قريباتي كانت مسافرة عالشام مع اما و ابن خالتا بسيارة خاصة , اول طرطوس عالطريق العام طلعلهن 4 مجهولين اوقفوهن , و لما وقفوا طلع 5 آخرين من ورا الشجر اللي عجنب الطريق و طلبو الهويات و نزلو السائق من السيارة , شاءت القدرة الالهية انو تمر سيارة دورية عالطريق الخالي تماما من السيارات , فما كان من المجهولين الا تركهم بعد ما اخدوا الهوية تبع الشب , طبعا بيتبين بعدين و بعد اللحاق بسيارة الدورية و اخبارهم باللي صار و القاء القبض عالمجهولين ال9 بأنهن من المسلحين الهاربين من الجسر و الله سترهن من اللي كان ممكن يساووه هالسفلة الجبناء .
فبتمنى من مغلقي العقول اللي ما عم يقتنعوا بوجود سفلة مسلحين شيئين :
1- اما يكونوا مطلعين اكتر و يدوروا عالخبر بكل مكان و يسمعوا القصص اللي عم تصير كل فترة من الناس و حتى القصص اللي صارت بالجسر من قبل المسلحين ممكن اهل الجسر الشرفاء نفسن يرووها
2- و اما ما بقا يتساخفو و يكونو مرتهنين لمواقف معارضة مأجورة بالدولار لأن بجد قمة بالوضاعة و الغباء انو تاخد موقف قائم على سماع ما يتناقله بعض المغرضين بدون علم حقيقي بواقعية ما يحدث عالارض .
شكرا ريمون
