إنذار لمن يدعي المعارضة الوطنية

القصة ومافيها إنو في كم واحد اللي عاملين حالهم معارضة مجتمعين مع هذا الأمريكي اللي ما بتسمى واللي إجا إمبارح عالشام
أنا بتحدى اللي عاملين حالهم معارضة بتحداهم يحكوا للشعب السوري شو دار بالإجتماع
على كل حال اللي صار بالإجتماع ما بدو ذكاء كثير لحتى ينعرف
هولاء قدموا أوراق اعتماد لحتى يصيروا موظفين عند الأمريكي مقابل الحصول على دعم مادي وسياسي
أنا أقول لهم أنو إذا مفكرين تعملوا سوريا مثل العراق ولبنان اللي بعض السياسيين في البلدين بتراكضو مثل (الكلاب)على أبواب السفارات الأمريكية والغربية للحصول على رضا المندوب السامي
إذا مفكرين يعملوا هيك بتكونوا غلطانين
وإذا مفكرين أنو الشعب السوري راح يستقبلكم بالورود كمان بتكونوا غلطانين
نتمنى أنو هذه الظاهرة ما تكرر وإلا راح يكون مصيركم في حاويات الزبالة
لأ وكلو كوم وهذا الأمريكي كوم ثاني إمبارح طلع بمقابلة على التلفزيون السوري وبكل (براءة)أبدى حرص أمريكا على حقوق وحرية الشعب السوري ولما سألته " ريم حداد " عن سياسة أمريكا ذات المعايير المزدوجة صار يلف ويدور بكل وقاحة

هلق يمكن صرنا نفهم ليش ما كان مسموح يصير عنا معارضة من اساسو

برأيي يرجعوهن لهالمتفهمنين عالسجون لأن كانت حياتنا احلى بكتير بلاهم

سبحان الله
بكل الدول في شي اسمو معارضة وطنية بتسعى لتطوير البلد
الا عنا لا تمت للمعارضة بصلة هدول خونة ومتآمرين وبـــــــــــــــــس

القافلة تسير والكلاب تنبح
....