(رامي مخلوف) قصة تستحق أن ُتـروى ...

بات "رامي مخلوف" شخصية إشكالية جداً في سورية، لدرجة أنّ الحديث
عنه يُثار في كل مناسبة، ويبدو أنّ السوريين لم يعرفوا يوماً خلال السنوات
العشر الأخيرة شخصاً غير "مخلوف" ارتبط وجوده بشكل عميق هكذا باقتصادهم كما
فعلها الأخير.

هكذا يلقبه السوريون "رامي"، رامي فقط،( مو أنا ها ههههه) يترافق دوماً
اسم "رامي مخلوف" بسيل من الإشاعات لم نعرف حتى اللحظة مدى صحتها، غير أنّ
اللافت للنظر أنّ الحديث عن مخلوف في الآونة الأخيرة أصبح في المحافل
الدولية والصحف الأجنبية أكثر من أي شخصية اقتصادية عربية أخرى، وصف البعض
ذلك بحملة تشويه تطال الرجل السوري، حيث كشفت مصادر أنّ حملة كبيرة تشنّ
ضده مؤخراً هدفها تشويه سمعة مخلوف أمام الرأي العام، والجديد في الأمر ،
بحسب تلك المصادر، أنّ رامي مخلوف لا يملك شركة سيرياتيل كما هو راسخ في
أذهان السوريين، إنما حصته فيها لا تتجاوز 40%فقط من أسهم الشركة ,وضعها
مؤخرا بتصرف الجمعيات الخيرية واهالي الشهداء ، والباقي تعتبر مجرد محفظة
استثمارية".

وأوردت المصادر المقربة من مخلوف أنه استطاع سحب كافة
أمواله من الأسواق الخارجية بعد صدور قانون الحجز عليها من قبل الدول
الاوروبية و الولايات المتحدة الأمريكية، وهي اصلا لم تكن مبالغ كبيرة حيث
ان اغلب استثماراته داخلية ، ، جاء ذلك في وقت شيع فيه عن قيامه ببيع برجين
في دبي في سبيل إنقاذ الليرة السورية.

وبقي الرجل السوري رامي تحت
الضوء طيلة الفترة الماضية، تلاحقه الشائعة تلو الأخرى، وأحياناً الإساءة
إثر الإساءة، فالمؤكد أنّ الرجل استطاع بطريقة من الطرق إنقاذ الليرة
مؤخراً، من خلال ضخه لأموال طائلة، فمن المعروف بان السوق الموازية في
سورية قوية جدا وقد نشط المتآمرون على الليرة بين مساء الخميس وصباح الاحد
في الاسبوع الثاني من ايار الماضي، وكان من المفترض ان تنهار الليرة في
السوق السوداء دون ان يستطيع البنك المركزي التدخل لانه في تلك الاثناء
يكون خارج الدوام الرسمي ومن هنا اهمية تدخل رامي مخلوف وقيادته لجيش سورية
المالي المؤلف من حلفاء له في عالم المال والاعمال.

مصدر كبير في
عالم المال السوري اكد لـ(داماس بوست) ان رامي مخلوف انقذ الليرة من تلك
الازمة والتي استمرت يومين كاملين واثناء العطلة الاسبوعية ، واما ما تردد
مؤخرا في الاعلام ونقلا عن مصادر مجهولة من ان مخلوف لم يكون له دور في هذا
الامر فهو جزء من حملة مصممة بتأن ومدروسة وسخرت لها اوساط خارجية
الامكانيات اللازمة امنيا ومخابراتيا وماليا واعلاميا ، على سبيل المثال ما
نشرته صحيفة الاخبار اللبنانية نهار السبت الماضي بقلم معمر عطوي بخصوص
رامي مخلوف لم يكن الا الرد المعادي على قراره بالخروج من التجارة والتوجه
الى الاعمال الخيرية ولم يكن صدفة ابدا ان يحوي مقال عطوي العديد من
الاكاذيب التي ثبتت عدم صحتها بالوثائق والوقائع ومعلومات عطوي مدسوسة عليه
من اوساط خدام التي نشرت مواقعه الاخبارية الممولة من الاميركيين ومن تيار
الحريري تلك الاكاذيب منذ سنوات وخاصة تلك الاسطورة عن سيارات المرسيدس
ووكالتها التي يمتلك اعلاميون سوريون وثائق تؤكد بان آل سنقر خسروا وكالتها
في سورية بقرار من الشركة الام في المانية ومخلوف لم يكن لا دور ولا يد في
ذلك وهو اصلا لا يملك اي اعمال في مجال السيارات وعلى ذلك قس كمية
الاكاذيب في مقال عطوي وصحيفة الاخبار التي علمت مصادرنا بان رامي مخلوف
كلف القسم القانوني في مككتبه برفع دعوى ضدها وضد كاتب المقال ومن يقف خلفه
.

أطراف عدّة تؤكد أنّ حملة تشويه اسم وسمعة الرجل سوف
تصعد ردا على ضربته القوية لخصومه بخروجه من عالم الاعمال وتلك الحملة
تجهّز الآن، إذ تؤكد مصادر أنّ هناك سعي كبير من قبل رجال أعمال خليجين
وسوريين لهم ارتباطات بجهات معادية لسورية لضرب الليرة كما حدث في لبنان
1993.

قصة رامي مخلوف تستحق أن تروى كما يقول احد كبار المستثمرين
الكويتيين، يقول حرفياً عن رامي: "معظم المجالات التي دخلنا بها للاستثمار
بحسب اختيارات رامي مخلوف كانت مجالات تحتاجها سورية بشدة ولو لم يبادر
رامي لما لتورطنا نحن المستثمرين العرب في مشاريع التطوير تلك لاننا كنا
نخاف من الحصار المفروض عليها دوليا ولا يزال ولان الفساد والبيروقراطية
كانتا تصيبان بالاحباط ومشاركة رامي مخلوف شجعتنا على تخطي تلك العقبات،
ولولاه ولولا مبادراته وامثاله من رجال الاعمال في القطاع الخاص لبقيت
سوريا متأخرة وقت طويل عن ركب الحداثة، ويتساءل الاقتصادي الكويتي: "هل نسي
السوريون كيف كنا نذهب إلى شتورا لشراء ما لا يتوفر في الأسواق السورية،
فجاءت فكرة دخولنا في استثمارات السوق الحرة لتأمين فرصة شراء أي شيء
يحتاجه المرء في البلد".

داماس بوست قامت بتحقيق مفصل حول ما ورد في
مقال معمر عطوي

(الاخبار عدد السبت 18\06\2011) وتبين لنا بان كل
المعلومات الواردة فيها تتطابق مع ما يردده منذ سنوات موقع سورية الحرة
المملوك لجهاد عبد الحليم خدام والذي يشرف عليه ويموله رجل اعمال سوري مقيم
في لبنان ممول من الاميركيين ومن تيار المستقبل اسمه محمد سنقر (احد ابناء
عمر سنقر) ومما جاء في المقال :

الحديث عنّ رخصة شركة سيرياتل وما
لا يتجاهله كثيرون ان الرخصة لم تكن معروضة على الشعب السوري بل على
الشركات العالمية وقد ربحتها شركة مصرية هي اوراسكوم وشارك في رأسمالها
الاصلي (اربعمئة وخمسين مليون دولار ) مستثمرون سوريون منهم رامي مخلوف
ولكن بعد البدء في تشغيل المنشأة اكتشف الجانب السوري ان اوراسكوم بقيادة
المصري نجيب ساويروس تشارك في مشاريع تجارية في اسرائيل وان من شركائها
زوجة ايهود باراك التي لا تزال من شركاء نجيب ساويوروس في اعمال تجارية في
اسرائيل وفي مصر ، واما موضوع السوق الحرة فهي اصلا مشروع استثماري مشترك
بين اشقاء مخلوف وبين كويتيين (ناصر الخرافي) والكويتيون كانوا يملكون اسهم
الاغلبية واصبحوا يملكون الشركة كلها الآن وانا موضوع شركة غوتا الذي زعم
معمر عطوي انها ملك لمخلوف فهذه معلومات تبين ان الصحافي اللبناني تعرض
للتضليل وهو لم يقم بعمله جيدا ولم يفي واجبه الاعلامي حقه بغوتا هي شركة
ملك للدولة وليس ملكا للقطاع الخاص واما عن مزاعم معمر عطوي بان مخلوف وكيل
شركات سجائر (وهل في الامر عيب ) فهو ايضا يعكس جهله بالواقع القانوني
السوري فوكالات السجائر في سورية هي حصرا بيد الريجي وهي ملك الدولة .

الامر
الاكثر اثارة للسخرية والاكثر إظهارا للبعد عن الموضوعية هو ما زعمه معمر
عطوي من ان رامي مخلوف تسبب في هجرة المستثمرين من سورية (تكشف المستندات
ان مخلوف ادخل الى سورية عشرات المليارات من اموال الخليجيين التي
استثمروها في سورية بضمانة اسم رامي مخلوف التجاري وهو شريك لسبعين رجل
اعمال سوري من اكبر الاسماء السورية في عالم الاستثمار وهو ايضا مشغل لاكثر
من ستين الف مواطن حصلوا على افضل الرواتب في تاريخ القطاع الخاص في
سورية) .

الغريب ان الحديث عن شركة سيرياتل لا يماثله حديث مثله عن
اصحاب شركة " ام تي ان " الشركة الاخرى التي تحتكر مع سيرياتل قطاع
الاتصالات الخليوية في سورية ، علما ان ام تي ان هي شركة جنوب افريقية
يشارك فيها لبنانيون وسعوديون فهل المطلوب تمليك سيرياتل لشركة اجنبية حتى
يرتاح معمر عطوي ومن يقفون خلف المقالات المماثلة لمقاله ؟

من
الواضح ان الحملة على رامي مخلوف هي بسبب قرابته للرئيس والا فلماذا تحييد
اصحاب ام تي ان عن الانتقاد ؟ ولماذا لا يسأل الاعلاميون والمتظاهرون من
لأين ك هذا لأبناء المسؤولين السابقين من اصبحوا بين ليلة وضحاها
مليارديرية ؟ وبعضهم للأسف اوقف العمل بمشاريعه وطرد موظفيه فور وقوع
الازمة الحالية .

يتابع المصدر الكبير في قطاع المال السوري فيقول :

استطاع
رامي مخلوف أن يعطي ضمانة للمستثمرين العرب والمغتربين السوريين بان
أموالهم لن تضيع في هواء البيروقراطية كما حصل مع كثيرين ومنهم شركة
إماراتية تخلت عن مشاريعها في سوريا بعد أن بلغ ما تقاضاه كل من رئيس
البلدية ومختار الناحية ربع الميزانية المرصودة لبناء مدينة سكنية نموذجية،
علماً أنّ كلاماً كثيراً وصف ذلك بالمحسوبية، يقول خبير اقتصادي رفض الكشف
عن اسمه: "لا شيء يمشي في سوريا بلا رشوة الأمر الذي يخيف الاستثمارات
الخارجية الكبيرة ورامي بمحسوبيته وعلاقاته مع السيد الرئيس بدد تلك
المخاوف".

وسؤال يطرحه الاقتصادي الكويتي: لماذا يسكت رامي
والخليجيين على التشهير بهم وبسمعتهم وبالشركة في وقت تقوم حرب إعلامية
كبيرة ضد سوريا وقيادتها بالاستناد إلى الأكاذيب والإشاعات التي تتناول
مخلوف؟

يخفي مخلوف وراء مظهره الوسيم والأنيق بحسب رجال أعمال
مقربين منه، شخصية مقاوم شرس يفهم تماماً ويعرف بثقة أنّ بلاده في خطر
الوقوع في قبضة الرأسماليين القتلة الراغبين في السيطرة على سوريا من خلال
المال والأعمال، لهذا حين احتاج الامر لوقفة مع الذات من قبله لم يتوانى عن
التضحية بحلم اي رجل اعمال بحجمه أذ اعلن خروجه من التجارة والتفرغ لفعل
الخير وهذا يثبت بطلان كل الاكاذيب التي قيلت عنه ، فكيف يكون مثلا ممولا
للنظام ثم يتخلى ذاك النظام عن امواله لصالح فقراء البلد ؟ وكيف يكون فاسدا
وهو يقدم كل املاكه العقارية لاقامة ضواحي للفقراء والمحتاجين بسعر الكلفة
؟ (يعني كلفة البناء فقط)

ويضيف المصدر بأنّ الشاب مخلوف تعود
أصوله المالية والمؤسساتية إلى مجموعة محافظ استثمارية يبلغ عدد الجهات
السورية التي تشارك فيها السبعين وهم من كبار الرأسماليين الوطنيين
الشاميين والحلبيين ومن كافة المناطق السورية وتأسست تلك المحافظ وفقاً
لرؤية نضالية ووطنية لا يغيب عنها هدف الربح الحلال ولكن دون الغفلة عن
كونها سلاحاً في وجه الغزو الاقتصادي الخارجي.

ويتساءل
المصدر: "هل ستكون سوريا مثل غانا وماليزيا وبلدان كثيرة، سيطرت عليها
مجموعات اقتصادية دولية وشخصيات خليجية مرتبطة وبدؤوا بنهب ثروة البلاد ؟

المصدر
يتابع : رامي مخلوف، بحسب أصدقائه الاقتصاديين، لا يحب الدعاية عن نفسه
ولا يحب الظهور الإعلامي ما جعل الإشاعات تدور حوله بكثرة، ومن يتعرف على
رامي مخلوف عن قرب سيصاب بالذهول، لأنّ الرجل من أتقى الناس ومن أكثرهم
خوفاً من الله وأكثرهم حرصاً على البلد ومساهمة في مساعدة الفقراء
والمساكين وبصمت شديد وكل المؤسسات الخيرية خاصة والدمشقية عامة الإسلامية
والمسيحية لو تعلن عن حجم الأموال التي تبرعت لها موظفون يمثلون رامي مخلوف
وشركاته. واما قربه من الرئيس فهو عامل نفسي طمأن المستثمرين الخارجيين
ولكنه لا يجد طريقه للصرف في دوائر الدولة لانه يعمل تحت سقف القانون وهذه
سيرياتل دليل على ذلك فهي اكبر دافع ضرائب في سورية وربما رامي مخلوف هو
رجل الاعمال الوحيد الذي يدفع سنويا ودون تلاعب ضريبة على دخله الشخصي وبكل
شفافية فقربه من الرئيس دافع للالتزام بالقانون لا لخرقه ومن يعرفون
الرئيس الاسد يعرفون بانه رجل مؤسسات والمقربون منه لا يجرؤون عن استخدام
اسمه في اي تعاملات خاصة وكذلك رامي مخلوف – بحسب مصادر عليا في سيرياتل –
فهو يرفض رفضا باتا استخدام اسمه لانجاز معاملات الشركة ولدى الشركة العديد
من القضايا العالقة في دوائر الحكومة منذ سنوات طويلة دون ان تستطيع حلها .

ويتابع
المصدر : لرامي مخلوف في "شام القابضة" ما يقارب السبعين شريكاً بعضها
جهات ومؤسسات وتضم العشرات من رجال الأعمال السوريين فهل سمعتم بإشاعة
واحدة عنهم مع أنهم مستفيدون بنسبة سبعين إلى واحد من كل الاستثمارات التي
يديرها رامي مخلوف ؟ اذا الامر لا يتعلق باعماله بل به كقريب للرئيس وربما
لهذا السبب خرج من عالم الاعمال حتى لا تستخدم تلك القرابة للاساءة للسيد
الرئيس

يشار إلى أنّ اسم مخلوف وضع مؤخراً على قائمة وزارة الخارجية
الأميركية السوداء وتضم كبار المقاومين في الوطن العربي(نصر الله ومشعل)
ومن غير الممكن أن يكون رامي مخلوف على علاقة طيبة بالولايات المتحدة، كما
تقول المصادر.

والآن تحوّل مخلوف إلى العمل الخيري، كما بينّ في
مؤتمر صحفي عقده أواخر الشهر الماضي، قال فيه أنه ترك العمل في الشأن
الاقتصادي، ليغلق بهذا النبأ صفحة أكثر الشخصيات الاقتصادية السورية
إشكالية وأكثرها غموضاً. مصادر مخلوف تقول لا غموض بعد اليوم فقد فسر البعض
صمت الرجل وتعاليه غموضا فعاثوا بسمعته تقطيعا واساءة ورجل الاعمال شيء
ورجل فعل الخير شيء آخر ، الاول مشغول باعماله والثاني يشكل الاعلام جزءا
اساسيا من عمله المبني على التواصل مع الناس وهل هناك طريقة للتواصل مع
الناس اسرع من الاعلام.

ما جبت شي جديد رامي
هاي الامور منعرفها
بس يلي ما منعرفو شو سبب منع شركة فودافون المصرية وزين السعودية من فتح فرع الها بسوريا؟؟؟؟!!!!
علما ان تعرفة المكالمات و العروض المقدمة من هاتين الشركتين افضل بكثير من سيرياتيل و M T N

وليش بواخر السكر مادخلت ع مينى اللاذقية من شي سنة ونص في الوقت يلي السكر صار عنا ب 90؟؟؟؟!!!

ليش المواد الاساسية يلي من منتجات سوريا ما عم نحصل عليها غير بالويل
.....

.....

.....

وكل الاسئلة لما تنطرح ؟؟؟ يكون الجواب :السوق الحرة مفروغ من أمرها محدا يناقش!!!
ولما نسأل بايد مين السوق؟؟/مصطلح حلبي للتعبير عن سيد السوق و مدبر الصفقات/؟؟؟!!!
يكون الجواب واحد !!!
....
/ رامي/؟؟؟؟؟؟؟؟؟؟؟؟

هلق مصادري مجهولة متل مصادر يلي نقلت ما كتبت

بس بتمنى من رامي ومن غيرو ما ينسو انو لحم كتافهن من خير هالبلد

وايد وحدة ما بتصفق ... يعني لازم من التجار الكبار و رجال الاعمال كلن
يبادرو مبادرة رامي
مشان يردو الجميل يلي قدمتو البلد لامثالهن

مشكور ابو الريم

ليك نحنا ما بدنا لا فودافون ولا زين ولا قطر ولا بطيخ .....

الدولة عم تستورد السكر بتعرف بقديش ( بـ 45 ل.س ) للكيلو
وعم تعطيه للمواطن بـ 10 ليرات ع بطاقات التموين
فـ شي طبيعي يكون سعر اليلو الحر 55 ليرة متل مو مسعرتو الدولة

بحياتو السكر ما وصل للـ 90 عنا بـ 60 ووين مكان

في شغلة تانية بحب قلك ياها
بعض تجار حماة عمم يمولوا المخربين فشي طبيعي يزيدوا سعر المواد منشان يغطوا شوي من المصروف

شكرا لمرورك وانشالله تكون فهمت عليي

علاء

منيح يلي ما دخلت فودافون و زين و غيرها لأن كانت خربت البلد بهالأحداث و رجعنا لأيام السيف و الترس نقتل ببعض

شغلة البواخر و السفن ما بعرف من وين هالمعلومات يلي المفروض اهل اللادقية يسمعو فيها مو اهل حماه !!!!!!

و شغلة الخليوي : نتيجة الضغط عالخزينة بالدولة , اتجهوا لقطاع الاتصالات اللي هو الأكبر ربحا , و ما فينهن يسدو العجز الناتج عن الفساد اللي سببو كل واحد فينا , الا باستغلال الاتصالات لتغطي جزء كبير من العجز و هكذا ( طبعا اكيد لازم تكون الاسعار رخيصة و متل مثيلاتها بالدول التانية , بس في حسابات اكبر مننا بهالموضوع )

فهمت عليك أخي رامي

منشان السكر
الله يجزي الدولة عنا كل خير عم توفرلنا اياه ب10 ليرات بالوقت انا عم جيبو من المحل ب70 ليرة وهاد يلي بخليني اتدايق

و مشان تجار حماه انا معك رامي
بس والله مو الكل
انا نزلت ع حماه وشفت بعيني

نضالو
يمكن معك حق منشان الشركات الغير سورية انو يمكن تلعب دور سلبي بهل الاوضاع
بس لازم الشركات الوطنية تخفف حمل عنا شوي
وخصوصا انو الناس ماعاد تحسن بدون جوال وانترنت
وانا براي الاسعار غالية كتير بسوريا ع عبرة الخدمات المقدمة من قبل هالشركات

ومنشان رامي مخلوف
انا ماغلطت بحقو
انا نقلت شيء معروف بين الناس و التجار

مشكورين نضالو و ابو الريم

موضوع حلو كتير بس ما قدرت كفيه قراءة لانو و من دون زعل و مع احترامي لرأيك ابو الريم رح انفلج من هالحكي يعني واحد متل رامي المرائي و امثالو هو اللي وصل البلد لهون و انا متأكدة انو كلكون من قبل هالاحداث بتسبوه لانو حرامي و نصاب و أغلب صاحبي الاموال و رجال الاعمال حرامية و لولا هيك ما وصلو لهل غنى بعدين رامي مجبور ينقذ الليرة السورية و بلدو لانو اغلب مصالحو هون و اذا مشكشك بالحكي انا رح قلك شو بيملك رامي مخلوف من اموال و عقارات طائلة شو عالم بتموت من الجوع و عالم مرفهة؟

ووقت بيتبرع بالاموال للفقراء هيدا من كيسي و كيسك و كيس هالفقراء

بتمنى ما تزعل بس هيدا الرأي و الرأي الآخر

و انا كتير بحترم رأيك

أنا بحترم أراء الجميع وما عندي مشكلة مع حدا:

بالنسبة لشركات الأتصال بعتقد الدولةما بتسمح لشركات تانية تدخل مشان ما تسرق data وما تكون شركات تنصت وتجسس وهي الفكرة بدها شرح كتير بس بعتقد الفكرة واضحة للكل وبعتقد هي الشركات ممكن تعطي مكالمات مجانية إذا سمحولها لأن يلي رح تحصل عليه كبير كتير

بالنسبة للسكر وغيره وغيرته ........ إذا في مشكلة لاحظوا إن الدولة كانت تعطي المازوت للمواطنين بـــ 15 وكان كمان لتر المي بـــ 15 وهاد ما كان بده غير تعبئه فمعقول 2 متل بعض ...
كمان مشان السكر ما حدا ينسى إن في أزمة عالمية عم تساهم برفع الأسعار وحصار أقتصادي مفروض علينا من 2000 وكمان التجار بسورية قسم كبير منن بهمه ربحه فبيسحب المواد الأستهلاكية من الأسواق لرفع أسعارها والدولة ما فيها تعمل شي لأن التجار هن الأقتصاد السوري والبعض عم يسحب المواد منشان العالم تحتج

بالنسبة لرامي أنا ما بعرفه ولا بحياتي شفته بس بعتقد كان فيه يسحب أمواله ويطلع برا متل كتير من التجار بس الزلمي وضع أمواله بالبنوك السورية وهي نقطة إيجابية بصفحة الزلمي ..... وكمان الزملي طرح جزء من أملاكه للأكتتاب لحساب جمعيات خيرية ومين من التجار السورين قام بهاد الشي

Anna bashour

بتمنى منك تطلعي وتتعرفي اكتر ع رامي مخلوف بعدين جاوبي واحكمي

anna
ما بدي انقل الموضوع لسجال و دفاع و هجوم
رامي مخلوف عندو اخطاء متل غيرو بس تعو لنعد شو فاد البلد :
رامي مخلوف خلق فرص عمل لكتير من الشباب السوري من خلال السبراتل
رامي مخلوف ساعد آلاف العائلات الفقيرة عإجراء عمليات جراحية و علاجية مكلفة جدا عنفقة ما يسمى بجمعية البستان الخيرية
رامي مخلوف حمى الاقتصاد السوري و ما زال من التدخل الخارجي و من السقوط والانهيار بوقت الأزمة ولو كان في نوع من الاحتكار

هلق انا شخصيا صح الي مآخذي عالزلمي بس طلع افضل من كل رجال اعمال البلد بهالأزمة و غير مقبول ابدا التهجم عليه بهالألفاظ من نصب و مدري شو لأن الرأي الآخر بيفقد احقيتو بطرح الرأي لما بيصير همو الاهانة
بإمكاننا ننتقد نقد موضوعي بلا اهانات
انا واحد من كتيرين كنت انتقد بشدة عدم السماح بدخول شركات اتصالات منافسة بس هلق بعد هالأزمة عرفت ليش

بقا ما بيحقلي حمل رامي و غيرو مسؤولية عدم فهمي لأمور ما كنت عم اقبل اتفهمها

يعني بعد كل هالكلام في شي واحد بيخلينا نزيد تفكيرنا أكتر وأكتر
ليش رامي مخلوف؟؟
في عنا مئات رجال الأعمال بحجم رامي مخلوف ليش ما حدا قرب عليهن ؟؟
ليش سيريتل وليش مو ام تي ان؟؟؟؟
الشغلة واضحة من هالاستهداف الكبير لشخصية رامي مخلوف

بدي اسأل سؤال حدا يعطيني اسم رجل أعمال سوري واحد جابت سيرتو القنوات الفضائية هالفترة
كلنا شفنا المؤتمر اللي عملو رامي مخلوف وكيف كانت عشرات القنوات الفضائية عم تنقلو
ياترى ليش ؟؟ليش كل هالتركيز عليه
ليش اختارتو وكالة أمريكية لتعمل معو لقاء صحفي حول الأوضاع هالفترة من بين كل رجال الأعمال التانيين لييييييييييش؟؟

يعني برغم أنو عنا مآخذ عليه بس خلينا نفكر أكتر يعني اللي عملوا الاستاذ رامي ما في رجل أعمال غيرو قدمو
بدي احكي عن منطقتي بس آلاف العائلات عم تاخد اعانات من جمعية البستان الخيرية آلاف العمليات الجراحية المكلفة عم تنعمل على حساب رامي مخلوف
فرص العمل باحسن الرواتب ووووووو
هاد على صعيد المواطن

ومابدنا نحكي على صعيد الدولة والاقتصاد الوطني كفيتوا ووفيتوا

بس بدي اسأل آنا
ساويتي رامي مخلوف نصاب وما بعرف شو وانت أصلا ما ضيعتي من وقتك دقيقتين حتى تكملي المقال
ياترى أحكامك وآرائك من وين اذا انت ما مستعدة تقرأي مقال عنو
طيب هوي مجبور ينقذ الليرة وغيروا ما كلفوا نفسن بانقاذا بالعكس عملوا على اضعافا

ما في انسان كامل وكل انسان عندو سلبيات وايجابيات
وبعتقد سلبيات رامي مخلوف ضئيلة أمام الايجابيات

شكرا أبو الريم وماتواخذني كترت حكي

شكرا لمرورك جوى
رح قلك ليش اخناروا رامي مخلوف بالذات
لأنو بيكون اين خالو للسيد الرئيس بشار الأسد
وهني بدن المقربين منو

ومنشان رد الزميلة آنا
انا بعتقد انو ما بتعرفوا لرامي مخلوف ولا بعمرا سمعت فيه قبل هالأحداث
بس شافت الجزيرة وغيرها حكت عنو قام طلع بنظرها نصاب

بحب قلكن شغلة انو الجزيرة عطت واحد 60 ألف دولار منشان يجبلها معلومات عن رامي مخلوف وصفقاتو قال منشان تعمل عنو تقرير
قام جبلها معلومات عن رامي وصفقاتو ومناقصاتو
هون الجزيرة تخوزقت ليش؟
لأنو ما في شي ضدو لرامي مخلوف وكل مناقصاتو نظامية مية بالمية

شو مبين عنكن احتديتو؟ متل ما انا احترمت رأيكم من المفروض تحترمو رأيي و بعتقد انو ان كانت الجزيرة او الدنيا او غيرا من الاعلام في شي صح و في شي كذب انا ماني ناطرة الجزيرة حتى تعلمني ع رامي مخلوف اللي اشهر من النار ع علم شهرتو بالنصب و الاحتيال عكل حال صار معروف كل واحد بيخالف الرأي صار من اتباع ومشاهديي الجزيرة هه وصار في مثل معروف اذا حبيت تفتح مشروع اول سؤال بينسأل (مشروعك مخلوف او مخالف؟) يعني ان كان المشروع بدون مشاركة رامي مخلوف اصبح مخالف ... حاج حاج تعملو الاسود ابيض اذا عنجد منحب بلدنا لازم نكافح الفساد مو نشجعو و نغطي عنو

جوى: ساويتي رامي مخلوف نصاب وما بعرف شو وانت أصلا ما ضيعتي من وقتك دقيقتين حتى تكملي المقال
ياترى أحكامك وآرائك من وين اذا انت ما مستعدة تقرأي مقال عنو......

ماني مضطراي ضييع دقيقة من وقتي ع واحد بعرف مينو و بيعرف الكل مينو .......

و بالنسبة لاعمالو الخيرية و لأنقاذوا لليرة السورية هيدا اقل من واجبو بعدين هو هيك عم ينقذ حالو كمان هه.

عكل احوال انا ماعم حاول اقنعكم هيدا رأيكم اللي بحترمو كتير و هيدا رأيي اللي لازم تحترموه هيدي هيي الديمقراطية

بالنــهاية......مو حرام سوريا الاسد يصير فيها هيك عأيدو ايد امثالو

تم تعديل المشاركة من قبل nedalo

أن أونة لا احتدينا ولا شي (رامي مخلوف) قصة تستحق أن ُتـروى ... 617373

بس بعتقد عيب عوحدة بتدعي الثقافة و الوعي تحط سمايل ضحك و( شو احتديتو؟) هادا اسمو مسخرة مو نقاش و هادا خرق لقوانين منتدانا هي احترام الآراء مو المسخرة عليها

و أمر تاني بالنسبة للشي يلي كاتبتيه عن رامي مخلوف و اللي عدلتو انا , بحب قللك هادا تقرير انتي بذاتك حكيتي فيه انو تقرير امريكي صادر من الأمريكان يلي عم يدعمو المسلحين بسوريا لهيك التقرير كاذب و مفبرك

و نسيت قلك انو نحنا هون الرأي بدون الرأي الآخر

و بما انك عم تتمسخري بأول كلامك ف رح قلك بنهاية كلامي

سلومي يحمومي funny

انت عم تقول اني عم اتمسخر وهيدا بيخالف قوانين المنتدى و عيب عليي اني مثقفة و وااعية احكي هيك بس انا مو قصدي المسخرة ابدا و لو لاحظت من حكي اللي قبلي بتشوف كمان في مسخرة بس انت بكلامك سلومي يا حمومي كمان عم تتمسخر مع انك مثقف وواعي و خالفت قوانين المنتدى بالنهاية نحنا زملاء بالمنتدى عادي عادي انا بقبل الرأي و الرأي الأخر

أخت آنا نحنا منحترم أراء الأخرين بس لو سمحتي فيكي تجبيلنا أثبات رسمي بعيد عن التقارير الأعلامية وشو نشر على النت وغيره إذا بتجيبي إثبات موثق عن ضلوع رامي مخلوف بأعمال مخالفة للقانون وفساد فأكيد كلنا رح نقتنع معك بس إذا كان كلامك كله مبني على أتهامات وسمعت وخبرني واح ....... فبتوقع حجتك ضعيفة

نحنا منحترم رأيك بس رجاء بدنا حجة منطقية
تفضلي

طولووووووووووووووووووووووووووووووووو
بالكككككككككككككككككككككككككككككككككككككككككككككككككككككككككككككن
يا
شبااااااااااااااااااااااااااااااااااااااااااااااب ويا
صبايااااااااااااااااااااااااااااااااااااااااااااااااااااا

anna

اقتباس :: انت عم تقول اني عم اتمسخر وهيدا بيخالف قوانين المنتدى و عيب عليي اني مثقفة و وااعية احكي هيك بس انا مو قصدي المسخرة ابدا و لو لاحظت من حكي اللي قبلي بتشوف كمان في مسخرة بس انت بكلامك سلومي يا حمومي كمان عم تتمسخر مع انك مثقف وواعي و خالفت قوانين المنتدى بالنهاية نحنا زملاء بالمنتدى عادي عادي انا بقبل الرأي و الرأي الأخر

هلق بزمتك كاتبة شو مبين احتديتو و حاطة سمايل فقعان من الضحك و بتقولي ما قصدك المسخرة ؟؟؟

بعدين انا قلت جملتي اللي اعتبرتيها مسخرة بعد كلامك مو قبلو

و شغلة مهمة :

بطريقة هالرد هادا , نحنا منتقبل الرأي الآخر و منحطو عراسنا من فوق لما بيخلى من اي مسخرة او اي اهانة لحدا

و كمان شغلة مهمة ( لعما طلع في كتير شغلات مهمة ) :

مو بالضرورة نكون موافقين عأداء اي شخص بالدولة ولكن بتمنى من الجميع لما ننتقد , ننتقد بموضوعية و بكلام قائم على وقائع لمسناها مو على تقارير ما منعرف صدقيتها .

ولوووووووووووووووووو
بدي اسألك آنا لما بتحطي بعد كل جملة هالـ (هه) شو معناتا؟؟؟

وكمان بدي اسألك كيف بتفوضي نفسك تحكي باسم كل الناس

يعني بداية قلتي أنا متأكدة أنو كلكن كنتو تقولوا عنو نصاب وحرامي بتسبوه
أنا عن نفسي ما بقبل هالكلام لأنو شو ماكان ما بتوصل معنا لدرجة المسبة واالشتم والاتهام بدون دليل
ووجهة نظرك مافيكي بتتعمميها علينا
رجعتي قلتي واحد مبين مينو للكل -كيف توضح معك أنو الكل بينظر الو نفس نظرتك ؟؟؟
وبتقولي مانك مستعدة تضيعي دقيقة من وقتك عواحد معروف مينو
طيب قديش ضيعتي من وقتك عقراءة التقارير اللي بتتهم رامي بالنصب
بعدين اذا ما بتضيعي وقت كيف بدك تعرفي الحقيقة ووين الصح من الكذب
يعني انت بتعرفيه شخصيا حتى تملكي عنو معلومات تغنيك عن قراءة أي مقال آخر
وشغلة حرام يصير بسوريا هيك عأيدو وايد أمثالو بظن لو قرأتي شوية من الموضوع كنتي شفتي شو صار بسوريا عأيدو
من تشجيع الاستثمارات ودعم المشاريع بالبلد

نحنا ما طلعنا عن اطار الاحترام ومنتقبل أكيد الرأي الآخر بس انت اللي عم تحاولي تغطي الآراء الأخرى برأيك

بالنهاية أنا بحترمك وبتقبل رأيك بس برأيي خلينا نبعد عن شتم واهانة ناس مو متأكدين من صحة اللي منسمعو عنهن

آنا
عندي كلمتين بس
جيبي وثائق تثبت انو رامي مخلوف نصاب ( متل ما عم تقولي )
وتعي ورجينا ياهن

بحسك متل ما بعرف شو اسمو ( معارض ) قال حرقوا مركز سيريتيل لأنو صاحب الشركة مسؤول وإلو علاقة
بس ما عرفنا مسؤول عن شو وإلو علاقة بشو

اقتباس :: و بالنسبة لاعمالو الخيرية و لأنقاذوا لليرة السورية هيدا اقل من واجبو بعدين هو هيك عم ينقذ حالو كمان هه.

يا ستي لو ما عم شي ما كان حدا قايلو يا محلا الكحل بعينك لانو هو من قبل مكفي ووموفي بعدين معلش هو اول رجل اعمال باللادقية وبسوريا بادر بدعم الليرة طيب ليش حتى ننسالو اياها وندور بس لحتى نطلعلو شي سيء

اقتباس :: مو حرام سوريا الاسد يصير فيها هيك عأيدو ايد امثالو

يعني حكيتي حكيتي وراجعة لتستفزي

شو هي عايدو؟
وشو هي عايدو امثالو؟؟؟؟؟؟؟؟؟؟؟؟؟؟؟؟؟

بالله مين امثالو يلي قاصدة فيا

انا بطلب من الإدارة انو اي رد فيه مسخرة لأي عضو بتمنى ينحذف حتى لو كنت انا كاتبو

وما في داعي نضيع حكي ع الفاضي هالحكي مو انا كاتبو هالحكي كاتبتو صحف
ولازم نشكروا هوي وأمثالو لأنن ساعدو هالبلد
واللي مو عاجبو هالحكي فيه ما يرد
" ما عم خصص هالحكي للكل "
وشكرا

يا جماعة الموضوع صغير و ما لازم نوقف عندو لأن اللي عم يصير بالبلد اكبر من الجميع ، كل شخص الو اخطاؤو يعني مثلا كلنا عانينا بموضوع غلاء اسعار المكالمات الخلوية بس هالغلاء الو اسباب اكبر من رامي مخلوف بذاتو ، و الزلمي عمل شي كتير حلو بمساعدة الاقتصاد سواء من مالنا ولا من مالو و هادا الشي اللي ما عملو كتير من رجال الأعمال التانيين لا وبل في منهم سحب اموالو ليضر بالاقتصاد ، فما في مجال للمقارنة بينن و بينو

الرجاء الالتزام بالردود الموضوعية المقنعة البعيدة عن الانفعال ، واذا بيرجع النقاش عقلاني و منطقي بين الجميع فيه حجة الاقناع بيكون افضل النا وللموقع وللبلد
اي رد يخرج عن نطاق الموضوعية بعد مشاركتي هي سيحذف

هيك الحكي السليم

» رامي مخلوف: لن أتخلى عن وعودي..
» الترجمة الدقيقة لحديثه إلى مجلة نيويورك تايمز : رامي مخلوف: الإسرائيليون هم أول من سيدفع ثمن آلامنا
» قال إنه لن يكون عبئاً على سوريا ورئيسها .. رامي مخلوف يفجر مفاجأة من العيار الثقيل ويعتزل " البزنس" !!
» رامي الإعتصامي
» كلمات تستحق الصمت