تفاصيل أسباب إقالة محافظ حماه

يوم ( الثلاثاء 21.6.2011 ) نزل المواطنين من مختلف مدن وأرياف
محافظة حماه للقيام بمسيرة تأييد للإصلاحات التي أعلنها السيد الرئيس بشار
الأسد حماه الله .

وبما أن مدينة حماه تعيش حاله من
العصيان المدني والخروج على الدولة والقانون منذ أكثر من شهرين فقد قام بعض
المسؤولين في مدينة مصياف بالاتصال بمحافظ حماه قبل نزول المواطنين إلى
المدينة وسألوه : ( هل نسمح للناس بالذهاب إلى مدينة حماه للمشاركه في
المسيرة وهل الوضع الأمني يسمح بذلك فأجابهم المحافظ أرسلوهم فهنالك ثلاثة
أطواق أمنيه ونحن سنهتم بسلامتهم ) .

فما كان من الناس إلا أن نزلوا
إلى مدينة حماه مطمئنين وراضين ( مرضيين ) فإذا بهم يتعرضون إلى كمين غادر
من قبل المتظاهرين ,والغريب بالأمر هو أن المحافظ أجبر ( بطريقته ) سيارات
مصياف على النزول إلى مكان بعيد عن مركز التظاهر وفي حي من أشد أحياء
المدينة تشددا وكرهاً للنظام ( وهو ما يسمى بحي الحاضر ) .

وعندما
وصلوا وترجل المواطنون من الميكروباصات التي تقلهم , استقبلهم السكان (
الحمويون ) بالأرز والورود وما أن مشوا بضع عشرات من الأمتار متجهين إلى
مكان التجمع حتى انهال عليهم ( المتظاهرون ) بالحجاره وقناني ( الثلج )
المؤذي من الأسطح والشرفات – وحاصر الحمويون الناس في مبنى الدفاع المدني
وكسروا وأحرقوا وكادت المجزرة أن تقع لولا تدخل ( الجيش ) الذي قام بإخراج
النساء والرجال وتأمين عودتهم إلى مدينة مصياف مهانين مذهولين من هول ماحدث
ومصابين بجروح خطيره ومنهم من هو بالمشفى حتى هذه اللحظة .

ومن شدة
الغضب الذي شعرنا بها فقد خرجت مدينة مصياف وقراها عن بكرة أبيها في
مظاهره تهتف بحياة الرئيس ومحبته ومندده بالمحافظ وقائد شرطة حماه ومطالبين
بإسقاط المحافظ ( المتآمر حسب وصفهم ) وقائد الشرطة .

وكادت
المظاهرة أن تتحول إلى اعتصام مفتوح بل لقد تحولت إلى اعتصام لولا تدخل
البعض اللذين دعوا إلى فض الاعتصام لأن المطالب قد وصلت إلى القياده
السياسيه ومن هذه المطالب ( إقالة المحافظ – إقالة قائد الشرطه – نقل تمثال
الخالد حافظ الأسد الذي كان في حماه وجعله يتوسط مدينة مصياف – إتباع مدن
الريف الحموي إلى محافظات أخرى أو تشكيل محافظه في إحدى المدن ( سلميه أو
مصياف أو السقيلبيه ) بحيث لا يضطر المواطن إلى النزول إلى حماه التي أصبحت
منذ أشهر كأنها الجحيم بالنسبة للمواطن الريفي )

الناس في مصياف
يتساءلون لماذا لم تبدأ حالة العصيان في حماه إلا عندما تولى السلطة هذا
المحافظ ولماذا يعتبر هذا المحافظ سكان مدينة حماه هم مواطنون من الدرجة
الأولى وغيرهم ( رعاع ) ولماذا تجبرنا الدولة على ارتياد هذه المدينة (
حماه ) من خلال حصر الخدمات فيها , فيهان المواطن ويشعر بالذل من قبل زعران
هذه المدينة وأسوأ ما حصل هو ما قاموا به تجاه الطلاب اللذين أجبروا على
تقديم فحوصهم في هذه المدينة ( سترون كم هي نسبة الرسوب بين طلابنا )

أخي رامي

حماه مو متل المدن التانية
وانا وانت منعرف هالشي

يعني المحافظ ومسؤولين مصياف مع احترامي الهن
عديمين الاحترام للقتلى يلي سقطو بحماه ويلي عددهن فاق 80 قتيل بيوم واحد
بأكد ع كلمة قتيل
ويلي انقتل ابنو او اخوه لسا ما روق وهدي وضعو النفسي

فمن الاجدى انو كان ما تصير مسيرة بحماه فقط
او المسيرة تكون بمصياف و القرى دون المدينة
تفاديا للشي يلي صار ويلي كان متوقع حدوثو

بس الظاهر انعدام المسؤولية بساوي كلشي

وبالنسبة للمحافظ؟؟!!!

المحافظ متل ما بتعرف يعين بقرار جمهوري
يعني يلي بيتحمل مسؤلية الاختيار هو من قدم السيفي لسيادة الرئيس عن هاد الزلمي

ومتل ما بحماه زعران
في رجال بتخاف الله
وبتهمها سوريا كتير ....
والواجب حاليا استيعاب الوضع بحماه بحكمة ناس مسؤولة ... مو ناس بدها تثبت حسها الوطني بتوقيت غلط

تقبل مروري

منشان المحافظ ( اللي ما فيه ضمير الله بذاتو ما بيحطلو ضمير )

السيد الرئيس اعتبر اللي قتلو شهداء

وحماه واهالي حماه على عيني وراسي
بس حرام تضل المحلات مسكرة والدوائر الرسمية كمان

ايوااااااااااااا

بما انو ارتفعت الخطوط الحمر خلوني احكي الصراحة و الحقيقة

اول شي هدول اللي عم تحكي عنن يا علاء انقتلو و مدري شو , فيك تحط مقابلهم رجال الأمن اللي سقطو بالجسر و عددهم 120 و لسا في منهن مفقودين لحد الآن و ضيف فوقن التمثيل بالجثث , فشو رأيك يطلع اهل الشهداء اللي استشهدو بالجسر فورة دم و يقوصو عهالعالم بشي محل !!!!! هي مانا حجة صديقي انو والله انقتل 80 لهيك معذورين !!!!!!!!!!!!!!!!

تانيا كل واحد فهمان عامل حالو مثقف و بيفهم بأمور السياسة ( طبعا الشغلة مو شغلة مطالب و انت بتعرف هالشي ) نزل عالشارع و كان بيعرف انو فيه مسلحين , و لما بدو يكون في مسلحين بين المتظاهرين و يقوصو عالجيش و الامن شو الطريقة اللي بتحب تطبقها حضرتك للسيطرة عالموقف ؟؟؟؟؟ يوقف الجيش و الأمن و يتقتل بالشارع متل ما صار عنا باللادقية اول الأحداث ( طبعا شوف عيني ) ؟؟؟؟

و شغلة مسؤولية تعيين المحافظ : يا عيني عليك حطيت ايدك عالجرح السوري اللي هوي احزر شو ؟
جرحنا ( الفساد منا و فينا ) قبل ما يطالبو بتغيير النظام يبدؤو بتغيير حالهن .

بتمنى شغلة , لما حدا بدو يجكي عمقتل متظاهرين بيعرفو بوجود مسلحين بينهن , ما ينسى ابدا اللي استشهدو من الجيش و الأمن لحد الآن

و برجع و بقول لهالتتر اللي عم يحملو السلاح , ما تفكرو سكوتنا عن شهدائنا خوفا منكن او رضوخا لمطالبكم , سكوتنا هو احترام و تقدير لسيد هذا الوطن و كل واحد فينا حقن بقلبو لحتى شبع بهال4 شهور فما في داعي كل واحد يطلع و يحكي و يبكي و يرثي و يبرر التخريب بفورة الدم لأن كلنا هيك بس الفرق الوحيد انو في ناس بتحب الوطن عن حق و حقيق و بدها الأمن و الأمان و في ناس غايتها الفتنة و تخريب البلد

والله يا نضالو عم تحكي صح

وبعتقد اللي عندو مطالب ما في داعي يطلع يوم الجمعة يتظاهر لأنو بيعرف في مسلحين

يروح لأي جهة رسمية بتلبيلو مطالبو
واللي صار بالجسر شغلة طائفية بحتة وبعتقد الكل بيعرفها
وهنّي بدن يعيدوا الكرّة بحماة ( بس فشروا )

لك اصلا مو زاعجني شي غير انو بيطلعو بايام الجمعة
بجد هدول بيقصدوا يعملو فتنة طائفية

لك والله ملينا وتعبنا من هالوضع
يارب ترجع الامن والاستقرار لكل البلاد العربية
وتحمي القائد السوري والشعب السوري يارب
وتقضي على المخربين ويلي بيزرع الفتن
ونرجع متل الاول كلنا روح وقلب واحد

الله يسمع منك آية

يعني وقت انا بدي اطلع مظاهرة ونادي متل الهبلة (سلمية سلمية)وانا بعرف انو يلي مشيان حدي معو سلاح واكيد مارح يقعد يتفرج عليه وبدو يستخدمو
انا شو بكون موقع اعرابي بالجملة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في ناس انقتلت بالغلط برصاصة طايشة او للاسف كانو بموقع اطلاق النار بالصدفة وهي سمعناها كتييييير باللادقية وهي بتصير والف رحمة تنزل عليهن

بس انا اذا حدا من اهلي صار معو هيك بجن وبقوم بقتل يمين وشمال وانا بالاصل مابعرف كيف مات ومين قتلو بس فورا برميها بضهر الجيش او الامن

هاد ما سبب مقنع لهيك تصرف غبي

بعدين شو هالحقد هاد بس لانو ناس خايفة على بلدا هيك بصير فيا

اي بدنا نطلع مسيرات مؤيدة لانو بلدنا هلق بأمس الحاجة النا وهلق هي على كف عفريت بعدين سوريا بيلبقلا كتيييييييييييييييييييييييييير

ممكن ناس عم تقول مسيرات التأييد استفزازية بس لأ هي ما هيك

شو بتقولو عن المظاهرات يلي شبعااااااااااااااااااااااااانة طائفية وبنتيجتا راح ضحايا كتير وبسببا شوفو بلدنا كيف صارت شوفو الامان وين راح

بالنهاية الرحمة تنزل على كل شهيد شريف مين ماكان يكون ويلي انقتل وبنيتو خراب الديار وهد البلد الله لا يردو

ما منقول غير الله يسترنا

نورتي لولي

ابو الريم مشكور ع سعة صدرك

نضال
الفساد دائما منسمع فيع .. وع طول عايشين معو ... أنا يلي بدي افهمو
شو يلي بخلي النا تبيع ضميرها ودمها بشوية فلوس

ومشان شهداء جسر الشغور
معك كل الحق نضال .. الله يرحمهن و يتقبل شهادتهن
بس هداك الجسر .. وهاي حماه
وبأكدلك انو بحماه مافي متل يلي بالجسر
بس شو بايدك ع يلي مسكر داناتو للحق و معمي عيونو عن الحقيقة

الدولة لازم تستوعب فورة حماه .. و تراعي خصوصيتا ...
بدعيك تنزل ع حماه وتشوف الوضع فيها
غياب امني تام
ولا في جيش ولا في شرطة

والوضع هادئ حاليا

بس يلي وصل الازمة لهون بحماه هو شخصيات أمنية عديمة المسؤولية
يلي صار بحماه ما بيشبه يلي صار بأي محافظة تانية

وانا لساتني ع موقفي الرافض للمظاهرات و المندد بالتخريب

لسا بيقلي خصوصية
طيب حركة الاخوان اللي كانت بحماه من زمان اندعمت من بعض الحارات و شي طبيعي استخدام العنف مع اللي استخدمو القتل و الترهيب بحق الناس بهداك الوقت ولاحظ اللي صار بحمص من كم يوم و أكيد سمعت فيه هو تكرار لنفس الحركة التكفيرية و في حارات بحمص عم تحمي التكفيريين القتلة ، فبكرا اذا انقتل كم داعم للارهاب بتجي تقلي خصوصية ؟

لا خصوصية لمن يستبيح دماء الناس و يشارك في الفتنة

بسم الله الرحمن الرحيم
"إن الذين فتنوا المؤمنين والمؤمنات ثم لم يتوبوا ..فلهم عذاب جهنم ولهم عذاب الحريق "

أخي نضال أنا معك بكل كلمة قلتها
بس انا قصدت بلخصوصية مو حركة الأخوان !!!!!
قصدت 86 قتيل بيوم واحد .. بغض النظر كيف قتلو ؟!! وليش؟؟!!

بترجاك تفهمني بس هلمرة
أنا ماني مع التمرد ولاني مع العنف

بس ماكانت المسيرة لازمة بحماه
والمسؤولين ع علم مسبق بلشي يلي ممكن يصير قبل ماتنزل المسيرة ع الشارع
ولحتى نتفادى هلموضوع ومانزيدو سوء

انا كل همي ما يصير شي نندم عليه بعدين

مشكور نضالو
بتمنى تتفهم الشي يلي عم يخليني اكتب هيك عن بلدي حماه

طيب اوكي معناتو يا غالي كمان اللادقية الها خصوصية لأن اندبح 120 بالجسر و تلت رباعن من اللادقية

بعدين هي الآية الكريمة اشرحلي ياها بزمتك : شو قصدك يعني اللي بيقتل لازم نتركو يقتل و يدبح عكيف كيوفو حتى الله يحاسبو ؟؟؟

يا علاء يا علاء

هالاربع شهور سوريا كلها خصوصية يعني ما فينا نميز حدا عن حدا بهالموضوع لأن الكل داق المر بهالفترة

» إقالة إدارية
» خطة إلقاء القبض على المسلحين في حماه ؟؟؟؟
» صور من مدينتي حماه
» خبر عاااااااااجل من حماه ؟؟؟؟؟
» السفير الأمريكي في حماه