نسب النجاح في مواد الفصل الثاني سنة رابعة 2011 تم اضافة نسبة الطرائق

تذكير بمساهمة فاتح الموضوع :

1- مادة ادب العالمي للدكتورة نور العربي : عدد المتقدمين : 861 عدد الناجحين : 204 عدد الراسبين : 657 نسبة النجاح : 23.6 بالمية
2- مادة الترجمة للدكتور ياسر ابراهيم : عدد المتقدمين : 875 عدد الناجحين : 467 عدد الراسبين : 408 نسبة النجاح : 53.3 بالمية
3- مادة طرائق التدريس للدكتور ناصر عبد الحميد : عدد المتقدمين : 1052 عدد الناجحين 234 عدد الراسبين 818 نسبة النجاح : 22.2 بالمية

و حياة الله يا جماعة صرت عم اخجل انزل عالكلية من هالمستحاثات اللي فيها من عميد لدكاترة لموظفين نفسية عن جد هزلت بكل ما تحمله الكلمة من معنى بس شو ما عملنا بعتقد ما رح يتغير شي لان عقولة ياسر العظمة جناب متل الطناب ما عندهم كبير الا الجمل

بالنسبة إلي أنا ما رح أسكت عندي 7 مواد وإذا كانت نتائجي ما بتسوى بدي روح شوف رئيس الجامعة لو كنت لوحدي مو فارقة معي

خبر سيئ عن مادة الطرائق في موظف تبع شؤون الطلاب سألو رفيقي عن المادة قللو انو شاف الدفاتر قبل ما يبلشوا يشتغلوا فيها الموظفين و انو اغلب العلامات اللي شافها يا 10 يا 15 و على زمتو نسبة النجاح خفيفة كتير لذلك الله يسترنا يا شباب و يا صبايا

عنجد تعذبنا كتير بهل الجامعة.ياجماعة صرت استحي سلم عن الناس لأنو اول مابيسألوك بعد كيفك,شو ما خلصت...صار معي امراض نفسية.اعتبروني واحد منكم بشي يلي بدكن تساو..

شو رأيكن نعمل صفحة بلفيسبوك.صفحةبأسم. ضد الدكاترا.خلص بقا بدي اتخرج ...عنجد رفقاتن كلن متخرجين من غير جامعات و عم يشتغلو....

صدق او لا تصدق يا رعاك الله نسبة النجاح بمادة الترجمة سنة رابعة في جامعة دمشق 97 بالمية و اللي ما مصدق يفوت على الموقع و ينزل ملف البي دي اف انا ما كنت حط الرابط لان قلت يمكن يكون اشهار لمنتدى اخر لذلك اعملوا بحث بالغوغل عالموقع و شوفوا يعني اغلب المواد نسب النجاح فيها عالية جدا باستثناء مادة وحدة يمكن بس بشكل عام انا ندمان على عدم انتقالي للشام مع انو كان بيصحلي لعمه شو طلعت حمار

في صفحة على الفيسبوك اسمها محاربة الفساد في جامعة تشرين ...

طلاب الطب عم يعترضو على عميد الكلية وعم يجمعو الف توقيع من اجل يحطو شخص تاني طبعا .. هن ذاكرين اسمو ...


ونحنا بكلية الادااااااااااااااااااااااااااااب متل التنابل ماعم نعمل شي وعم نردح هون بالموقع ...

جامعة دمشق مو خالية من الفساد يا جماعة ولكن يا اصدقائي على عللها احسن من تشرين بكتير ..

الاقترااااااااااااااااااااااااااااح كالتالي :

اعملو صفحة على الفيس بوك مابدها شي ... اسمها محاربة الفساد في كلية الاداب جامعة تشرين ..

اذا بتحبوا انا بعمل الصفحة بس المشكلة اني مشغولة بعرسي وفي الف قصة ..

ولكن اذا ماعحدا بدو يعمل الصفحة انا بعملهااااااااااااا ..ووئتها طلاب الطب مو احسن مننااااااااااااااااااا ..

واكيد لح يسمعوا صوتنا ...

خبروني شو رايكون ؟؟؟؟؟؟؟؟؟؟؟؟؟؟؟؟؟؟

اليوم نزلت المقارن و الامريكي بس ما صرلي احسب نسب النجاح لانو كان في زحمة و شوب انشالله بحسب النسب الاسبوع الجاي او لما يخلصوا كل المواد

تم اضافة نسبة النجاح في مادة الطرائق

بنت خالتي راسبة بطرائق التدريس حاططلا 47 ؟؟؟؟؟؟؟؟؟؟؟؟؟؟؟؟؟؟؟؟؟؟؟

ومن الالف وخمس طلاب منجح 234 ؟؟؟
نسبة النجاح 22.2 ..

لازم نتشكر دكتورة العالمي منجحة كم طالب زيادة هههههههههههه

يا اخي شو هاااااااااااااااااااد اذا ئلنا دكتور دكتورين ممكن يكونوا قاسيين وومابقلبون رحمة ..

بس الكل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لك تخنت اي والله تخنت ...

انا مو متفائلة بالفصل الجاية .. والله لح انجلط والله العظيم كتير خايفة..

الله لا يوفقون بجاه النبي محمد وهالايام الفضيلة يبعتلون كل واحد مصيبة اكبر منو ...

مشكور فوستس .. الله يخليلنا ياك ..

الله لا يوفقون كل ماطلعت الشمس وغابت ..

بالفعل مجزرة بالطرائق على العموم انشالله بيلاقوها بصحة ولادون بجاه كل مين الو جاه
لك كل الجامعات ساعدوا الطلاب بهالظروف الا تشرين نيقة عن الخليقة لا و قال شو طلعوا متقاتلين مشان سلالم التصحيح و ما بقى رح ينزلوا شي هيك سمعت مشان تكمل معنا
على العموم الدورة التالتة رح تكون فرصتهم الاخيرة يا بيعملوا نسب نجاح متل الناس يا اما في النا كلام تاني

هيك الحكي تمااااااااااااام فوستس ..