نتائجك , هل هي تقييم حقيقي لمستواك الدراسي ؟؟؟؟

بسبب النتائج المتدنية التي لاحظتها في اغلب الاقسام تعالوا لنتناقش في موضوع تحصيلنا العلمي بعد التصويت على السؤال , نتائجك , هل هي تقييم حقيقي لمستواك الدراسي ؟؟؟؟

ما الفرق علميا بين الذي يتخرج بعد نجاحه بمادة اخيرة فرضا بعلامة 50 و بين من لم يتخرج و رسب بالمادة بعلامة 43 ؟؟؟؟

تخرجنا بهذه النتائج المتدنية , هل يؤهلنا فعلا لأن نكون خريجي آداب ؟؟؟؟

اترك لكم حرية المشاركة مع التنويه لعدم الاساءة لأي شخص

ما بالضرورة ممكن الشخص ما يكون دارس منيح المادة بس عندو فكرةعنها والحظ يساعدو

بالنسبة إلي .. النتائج غير مرضية بالمرة

أنا بدرس منيح وبعتقد عم بدرس أكتر من ناس بعرفون بس نتائجن أفضل من نتائجي
هاد الفصل في أجحاف بحق الطلاب وبصراحة
أنا بستغرب لما بكون طالب سنة رابعة وعنده مادة من السنة الأولى؟؟ طيب كيف وصل للرابعة إذا كان عاجز ينجح بمادة من السنة الأولى؟؟ لأني حملت مادة 7 دورات
وفي ملاحظة تانية طيب ليش لما كنا بالثانوية كنا متفوقين ولما دخلنا الجامعة صرنا أشبه بفاشلين؟؟

مشكور نضالو على طرح الموضوع

أنا امتحان اللغة مادرست قرأتهن بس
قدمت وجبت 50
ولو كنت دارس لجبت 90
النتيجة ما إلا علاقة بالمستوى الدراسي
إلها علاقة بالتحصيل العلمي بالنسبة للمادة المدروسة
هاد الفصل انظلمنا كتيييير
والطالب ما بيتحدد شاطر أو كسلان من نتائجو وبس ........
مشكور نضالو

ما تفاجئت بالنسبة 100%

الله يصلحنا ويصلح هالدكاترة

انا كتير من المرات قدمت رفع عتب و مرة منهم كتبت كلمات اغاني و نجحت لذلك انا بعتقد انو بكليتنا في شي غلط و لازم يتصلح و على قولة الدكتور احمد العيسى هذه مائعة و ليست جامعة و اللي مو مصدق يفوت على صفحتو بالفيس بوك و يقرا هالشي

بالنسبة لي النتائج غير مرضية طلعي ماديتين وحدة 87 اكيد جيدة بس الصدمة بالمادة الثانية 54 انا كنت متوقعة فوق 80 لانو كل طالب بيعرف شو دارس وشو كاتب هلق بسبب الظروف اللي مرينا فيها كان لازم الدكاترة يساعدونا يعني تصوروا بالفصل الثاني داومت 10ايام راحوا حلقات البحث رغم كل الظروف قدمت كل المواد وانصدمت بالمواد بالنهاية ما كل الدكاترة عند ضمير

أبدا النتائج مانها تقييم للمستوى الدراسي
يعني مو معقول باختبار التعبير الشفهي عالم ما حكت حرفين على بعضهون ياخدوا 70 وأنا وكتير من رفقاتي جاوبنا على كل الأسئلة وبشكل صحيح يحطلنا 50 وفي منهون حاملين المادة!!!
وهذا غيض من فيض طبعا
مشكور نضالو موفق انشالله

للأسف الامتحانات بالجامعات السورية تقيس مستوى الحفظ وليس مستوى الاستيعاب ولا تقيم المهارات لدى الطلاب ....بس يتخرج الطالب بأي فرع كان مابكون عندو فكرة عن واقع العمل بالشهادة يلي طلعو عيونو لياخدها ...بالنتيجة نحنا ما عم ناخد حقوقنا لا بالتصحيح ولا بإعطاء المقررات ولا باسئلة الامتحانات ولا بالنتائج....ف الشي الطبيعي هوي عدم الرضا....الدكتور بفوت عالمدرج بيلقي علينا محاضرة احيانا بكون هوي عم يغفى وهوي عم يعطيها(متل ماهل السودة)واحيانا بكون في جو تفاعلي بالمحاضرة (متل احمد العيسى)بس بالحالتين نحنا ما عم نستفيد شي بسبب المقررات يلي فيها فشل واضح بالتهيئة الاكاديمية للطلاب...انا بس أخدت شعر عصر النهضة ما استفدت شي من هي القصائد وبس اخدت مسرح شكسبير كمان نفس الشي ...انا دخلت عالجامعة مو حتى زيد ثقافتي...انا دخلت عالجامعة حتى يكون عندي شهادة اكاديمية بتأهلني لدخول عالم الأعمال والاستفادة منها بحياتي..(يعني مو افتح محل سمانة واقعد بيع خضرا ). ...لازم يتطور هاد الواقع الطلابي المأساوي ويصير افضل بجهودنا....وشكرا كتير على طرح الموضوع

المواد مو دليل على التفوق او انو طالب اذكى من طالب ؟يعني في طلاب بيشيلوا مواد بالنقل او بالحظ وفي طلاب بتموت ولا بتشيل المواد شو رأيكم؟

انا فقدت شي اسمو ثقة بالجامعة عنا لانو مافي حدا بيصحح ولازم يلغوا قصة نسبة النجاح يلي بدهن ياها بينزلوها
يعني بحياة الله انا جايب 8 بلغة فصل تاني وانا ادب انكليزي يعني واحد دارس بالمدرسة طول عمرو انكليزي وعمل اختبار لدخول الانكليزي بعد البكلوريا واخر شي بطلع ما بعرف شي بالقواعد الانكليزية يعني ما بعرف شو بدي قول
الله يعين الطلاب

في مادة كنت كاتبة فيا بخمسين علامة عالضبط كنت سنة تالتة ..

وسؤال تاني كان عليه 50 ماكتبتو شنو ماعرفتو ..

ئام الدكتور نجحني فيا وحطلي 65 هههههههههههههههههههههههههههههههههه

وحياااااااااااااااة الله ماعم اكذب ..

فلح اترك الكون الحكي .. يا ترى هي الها علاقة بمستوايي الدراسي ...

بتكون عيونك طالعة من وشك بالبكلورياااااااااااا مشان تجمع مجموع ممتاز بتجي عالجامعة على تحطيم المعنويات !!!

مالها علاقة .. في عندك على ئد مصريك بتمد رجليك على المعدل وبتتفرفد .. في عندك اذا وراك واسطة ..

واذا ماعندك شي هههههههههههه خليون يتفرفدو على حسابك وانت حلام ب 50 علامة ...

فلبئا تئلي نتائجك بتدل على مستواك لانو كل شخص بيدخل على الجامعة على حساب الدولة كون واثق انو عبقري !!!!

حلو كتير هالحكي

يمكن البعض بيشوف انو آخد حقو و زيادة بس للأسف هالنسبة قليلة نسبيا لأن بغض النظر عن التصويت هون , بشوف كتير طلاب عأرض الواقع بالجامعة كمان ما عندن رضا عن نتائجهن

بس خليني احكي عن حالي , انا شخصيا ما كتير بدرس , بس بتفاجأ احيانا بمواد اني شايلها و صراحة ما بكون مستحق اني انجح فيها و مواد تانية بدرسها كتير منيح و بروح عالفحص و بكتب بشكل جيد , و لما بتطلع النتيجة بكون راسب فيها .

ما بدنا نحط الحق عحدا بس هالتفاوت بالمستوى ملفت جدا و بيودي لشي و هو انو في شي غلط بموضوع المنهاج او التدريس او التصحيح و بكافة الأحوال يجب عوزارة التعليم تحل هالأمور .

بدول برا , الدكتور بيدور عالعلامة دوارة حتى يساعد الطالب فيها , اما عنا بيدور عالخطأ دوارة حتى يرسب الطالب , و ما حدا يعتبر كلامي تهجم عالدكاترة , لا ابدا بس هي الحقيقة .

شغلة تانية , العلاقة بين الدكتور و الطالب المفروض تكون قوية بدون حواجز حتى يكون الطالب بشكل دائم مبادر بالاستفسار عن اي شي بخصوص المادة اللي عم يدرسها , و لكن عنا ( طبعا ما بشمل كل الدكاترة ) بيفوت الواحد عند الدكتور بيحس حالو فايت عشي وكالة FBI و بيطلع و علامات عدم الرضا مرسومة عوجهو .

مرة دخلت عند دكتورة بقسم الفرنسي , بدي اعترض ععدم وضع علامة الي بحلقة البحث , قال لأني مو مستوفي شروط الحضور , غايب 4 مرات و الغياب المسموح هو 3 و لكن مقابل ذلك مشارك بوظيفتين و شفهيا مجاوب اكتر من مرة يعني عندي علامة نشاط كويسة , مع العلم انو في طلاب ما بيغيبو ولا محاضرة بس كمان ما بيشاركو و وظائفهن بتكون نسخ لصق من شي محل , فأنا عأي اساس بتلغي علامتي ؟؟!!!!! بحجة عدم استيفاء شرط الحضور !!!!

فبرأيي هي شغلة كتير بسيطة من الأمور يلي لازمها تغيير

دمتم بخير

لك خلوها على الله ياشباب لكن معقول طالب سنة رابعة ادب انكليزي بيجيب صفر بمادة الامريكي؟؟؟؟
بصراحة انا لما شفت علامتي هيك مافيني اوصف احساسي بهديك اللحظة علما ومتل كتير طلاب طلعو عيوني وانا عم ادرس هالمادة بس مافي فايدة ؟؟؟ انو حدا يفهمني شوبدها سوزي غرييييييييييييييييييييييب؟؟؟؟؟؟؟ لك انا كنت اشتغل بشركة تموين سفن وهيي فرع عن شركة بريطانية والله مابتكون انكليزيتو فيها كتابة ومحادثة ممتازة مالو شغل فيها كلون قالولي بشغلي عجيبة ليش ماتخرجتي لهلا يقى عن جد بلا مستوى بلا بطيخ مبسمر اول شي خلي هالدكاترة يكون عندهون مستوى اخلاقي بعدين يجيو يقيمونا لك والله ماعد الي خلق لاادرس ولابطخ ولامن يحزنون وقال شو شرط الوظيفة كمان بالدولة يعني لدود ال30 سنة انو هال30سنة مع او بلا سنين الجامعة
هففففففففففففففففففففففففففففففففففففففففففففففففففففففففففففففففففف