وإن تعدّوا نعمة الله لا تحصوها

بما إنو نعم الله علينا كتيرة كتير , حبيت حط هالموضوع واللي رح نتشارك جميعا فيه , وكل واحد فينا يذكر النعم اللي بتخطر ع بالو

واللي بحس انو الله أعطاها إلو . طبعاً و أكيد ما منشان نحصيها , بس كنوع من الشكر لله و لحتى نذكّر بعض فيها , لأنو أحيانا بس

نعيش بظل هالنعم مننسى مسبب هالنعم ومنفكر أحيانا انو اللي عايشين فيه هو من عرق جبيننا ومما صنعت أيدينا (وبتكبر الخسة براسنا

شوي) , ومننسى المنعم اللي أعطانا القدرة لحتى نسوي ونعمل بهالدنيا.

وبتمنى يبقى هالموضوع تحديداً, قيد التداول والمشاركة الدائمة , يعني إيمت ما تذكر حدا فينا أي نعمة قديمة أو مستجدة , يدخل ويقولها

وبما انو هيدي النعم لا تعدّ ولا تحصى ... بعتقد فينا نكتب شغلات الها أول ومالها آخر.


وكالعادة رح بلش وشجعكن:

1. نعمة الدين , يعني الحمد لله اني عندي ديانة أفتخر بها وما صحيت عالدنيا ولقيت حالي بعبد البقر أو الشيطان مثلاً.

2. نعمة الوالدين الصالحين اللي ربوني أحسن تربية و قدمولي وما زالوا كل شي بيقدروا عليه.

3. نعمة الأمن والأمان اللي نحنا عايشينوا بسوريا واللي ناس كتير ما بتحس فيه لأنو تعودوا عليه , بس اذا منتطلع عالجيران يعني لبنان

والعراق منقول ألف الحمد لله . يعني عنا بتقدر البنت أو الست تمشي بالطريق الساعة 12 بالليل وما بتحس بخوف .

يلا انا قلت 3 نعم .... قولوا شو عندكم وأكيد عندكم الكثير فلا تبخلوا علينا .

عجبتني هي كتيير

اقتباس :

وما صحيت عالدنيا ولقيت حالي بعبد البقر أو الشيطان مثلاً

الله محيي اصلك اسماعيلووو

بالنسبة الي الف حمد وشكر لرب العالمين على نعمة العقل السليم والصحة الممتازة

بالإضافة للأشياء يلي ذكرتها يا اسماعيل

نعمة محبة الاخرين نعمة الصبر و البال الطويل

شو بدي عدلك لعدلك وا خيي

الحمدلله عكل حال و عكل لحظة حلوة و مرة منعيشا بهالحياة

أحلى شباب بكل المنتديات سومر ونضال

الله نعم عليي بأهلي يلي عنجد مبعيش بلاهون واخواتي طبعا
ومتل ما قال سومر نعمة النسيان
في كتير نعم. الواحد لازم دائما يقول الحمدلله على كلشي
عفكرة اسماعيل مواضيعك كتير رائعين ومشكوررررررررر

تسلمي يا لوليا وانت اللي ردودك أروع

ليش مين طلب منك تعد يا صارم

أنا بدي منك تعدد وفي كتير فرق بين انك تعد وتعدد

يعني هيك حابب تشاركنا ببعض النعم اللي بتتذكرها و مأئرة فيك هلق أو من قبل . فقط لا غير

واذا بتحب طبعاً

لا تكون صارم كتير وحن علينا شوي

ع راسي كل الصارمين

وألف شكر عالمشاركة