عطيني رأيك

أنا ما بطلب ايد بنت لحتى ‏ أكون عاجبها الها لأنو الزواج مو يوم يومين الزواج لآخر العمر ‏
والسؤال التاني هلاء البنات بجاوبوك ‏
بالنسبة للعمر إنا بنظر للعمر الداخلي يعني أخلاقها وتصرفاتها ومعاملتها مع الي حولها ‏
والدراسة ‏
مهمة لأنو جازة المتعلمين نور وجازة الجهلاء بور ‏
والوضع المادي فنص صبايا اليوم وأهلن بيدققوا على هالشي
وهاد حقهن وبصراحة كيف بدي أبني بيت وعيلة إذا أمعي ليرة أو شي كافي ومضمون ‏
والحب هو الشرط الأساسي لأي علاقة وبالأخص الزواج وطبعا الكل معي بهالشي ‏
وبالنسبة لحياتي الشخصية فمن سنة تماما تبدل الوضع شوي بس الأهل طبعا للتوجيه والنصح ‏
وأبقدر الواحد لحالو الجنة من دون ناس ما بتنداس ‏
آسف إذا طولت
مشكورة ريم ‏

كل الشكر لرأيك ومرورك الجميل أسامة

هلا فيك ريم

بس بدنا رأيك بالنهاية هاا ‏

كتبت رأيي بس ما طلع الظاهر تشفر ههههههه
اوك حعيدو
الواحد لازم يفكر بكل هل الأمور يلي ذكرتيا
لان الزواج قرار مصيري مانو لعبة
ومشكورة يااحلا ريمو

Rafaat فكر على أقل من مهلك وخود راحتك أهم شي الرأي بصراحة وشكرا لمرورك العطر
Usama رأيي بس فكر بردلكن خبر مشكوووور

أول شي أنا بدي أتشكرك ع الطرح الحلو والغريب نوعًا ما
بالنسبــه لأسئلتك:

متى تتخذون قرار الزواج ؟؟؟؟

هلأ لو قصدك العمر اللي بشوفو مناسب للزواج بالنسبه الي بعد الـ 21
أما لو قبل هالسن ممكن اتخذ قرار الزواج بحاله وحده بس انو اضمن كفي دراستي ويكون الشخص اللي رح ارتبط فيه أنا بحبو
غير هيك ما بعتقد ممكن اتخذو.

واذا انتي تقدملك عريس ع شو بتعتمدي وكيف بتفكري ؟

هلأ انا رح اتكلم عن الأساسيات بنظري
يكون شب بيخاف الله واعي مثقف منطقي بأحكامه وتصرفاتو بشكل عام رح يكون تركيزي عليه كشخص أكتر من شو شهادتو وشو معو

هل يقيدكم العمر , الدراسة , الوضع المادي ,الأهل , الحب ...

انا ما بشوف مشكله بالعمر لأنو مو مقياس ولأنو بعتقد وصلنا لجيل نفى كليًا المقوله اللي بتقول أكبر منك بيوم أفهم منك بسنه

بالنسبه للدراسه كمان ما مقياس لان انا مارح ارتبط بشهادتو
الوضع المادي كمان ما بشوف فيه مشكله تقيدني
نيجي للأهل والحب
برأيي همي الشغلتين اللي ممكن حس بشوية تقيد اتجاهن

بالنسبه لتخطيط حياتنا نحنا كبشر خلقنا مخيرين والتخطيط لحياتنا هاد أبسط حقوقنا
متل ما النا الحق بإختيار الفرع اللي بنحبو وبدنا ندرس فيه
نفس الشي ارتباطنا بأي مخلوق مارح يتم بدون رضانا

بكرر شكري ريم

نورتي الصفحة بمشاركتك الرائعة
ومنورة دائما سوسن الغالية شكرا الك

شكرا لرأيك و لمرورك آيووووووشة تسلمي لقلبي غالية
والله يفرحنا فيكي ويوفقك

هلا اول شغلة يا صديقتي انا سبق وجاوبتك ومع ذلك :

متى تتخذون قرار الزواج ؟؟؟؟
يعني الدنية قسمة ونصيب انا اتخذت قرار الزواج لما كان عندي قناعة بانو هاد حب حياتي والشخص الي بيستاهلني ..



واذا انتي تقدملك عريس ع شو بتعتمدي وكيف بتفكري ؟
على الاخلاااااااااااااااااااااااق اهم شي الاخلااااااق .. وبعدين هديك الشغلات بتبقى كماليات كوضع مادي وثقافي ودراسي وهيك ...


هل يقيدكم العمر , الدراسة , الوضع المادي ,الأهل , الحب ...
مابظن .. لك اهم شي تكوني انتي مرتاحة وئلبك لهف لهاد الشخص .. بعدين بتبقي بتفكري بباقي الاشياء ..
العمر بظن مو لازم يكون اكبر منك بكتير مشان تتفاهمو مع بعض وتعيشو نفس المرحلة مع بعض مايكون في بيناتكون حواجز مثلا كتير احيان بتحب الوحدة مثلا تجن .. فهو مو يكون انو عامل بالئصة اب !!!!

الوضع المادي : بظن اي بنت بتحب انها تكون مرتاحة ببيتها .. وعلى الاقل يكون عندو شغل وبيت ..

الاهل : هدول مو مشكلة او عائق لانو وئت بكون هو منيح مع اهلو اجباري لح يكونو هن مناحمعك بالاضافة لمعاملتك الهون .. اذا كانت منيحة لح تكون كمان منيحة ..

الحب : الحب معاملة يا صديقتي .. في كتير اشخاص بيختارو دائما شخص الغلط وبحبوه وبيتعلقو فيه ..
ولكن هاد الشخص اكيد مالح تخطبي الخميس وتتجوزي الجمعة !!!
يعني بيتعرفو ال2 عبعض منيح والحب معاملة وكتير قصص بتنجح انو الشخصين بحبو بعض بعد الزواج ..
ثانيا هاد الشخص لو مو معجب ببنت مابيجي بيخطبها ..
والاعجاب اول مرحلة من مراحل الحب ..

وبالنهاية هاد كلو حكي لانو الدنية قسمة ونصيب وكل شخصين بالعالم بيجمعهون رابط ماحدا بيعرفو وقصتهون بتختلف عن اشخاص تانيين .. لانو الشخصين بحددو طبيعة ونوع علاقتهون ببعض .. المهم تكون مبنية على الصدق والاخلاص ..

وبتمنالك التوفيق ..

شكرا لرأيك رشروشة الغالية نورتي

الزواج: علاقة تكافؤية بين شريكين قائمة على التوافق والأحترام المتبادل
يعني شخصين تم دمجهم بروحة واحدة ولكن في جسدين

متى تتخذون قرار الزواج ؟؟؟؟

عندما يكون الوقت مناسب والأحوال مناسبة

يعني اذا الواحد بدو يطلب ايد وحدة شو أولوياتو ؟

تكون صادقة ما بتلف وما بدور .... تكون متفهمة وبتقدر الظروف
ويكون في نظرة أحترام متبادلة ... وأهم شي عندي تحترم أهلي

بالنسبة لكم هل يقيدكم العمر , الدراسة , الوضع المادي ,الأهل , الحب ...

نعم كل هذه الأشياء تقيدني ... العمر أنا بفضل تكون النت تقريبا بمعمري يعني أصغر بسنة أو سنتين مشان أفهم عليها وتفهم علي ...... الدراسة : الدراسة مهمة للزوجة لأنها رح تكون مسؤولة عن أسرتها وهي رح تتولى مسؤولية التعليم أكثر من الرجل ............ الوضع المادي : ضروري للأستقرار .... الأهل : الأهل رصيد دائم من غدر الزمان ما بتخلى عنن
الحب : عنوان النجاح بالزواج لأن ما بعتقد في 2 ما بحبوا بعض قادرين يعيشوا سوى أكتر من 10 أيام

هل تخططون لحياتكم أم هناك من يرسمها لكم ويوجهكم و ينصحكم ؟؟؟

أكيد عم خطط لحياتي وأنا بقناعتي مافي شي بيمشي بدون نظام والحياة نظام بعيد كل البعد عن العبثية
أنام هلا بقاعدة الهرم وإن شاء الله بوصل للقمة يلي مخطط إلها

شكراً إلك ريم لطرح الموضوع

كل الشكر أخي Alaa m على مشاركتك الرائعة

[
متى تتخذون قرار الزواج ؟؟؟؟

أأنا بالنسبة اللي كتير بخاف من هالخطوة وهالمرحلة.

واذا انتي تقدملك عريس ع شو بتعتمدي وكيف بتفكري ؟

اولا الاخلاق شي كتير مهم وكريم ويكون مقبول يعجبني وماديا أكيد ماشي حالو حكي نظري انو بعيش معو ع خبزة وبصلة قديش ماكان في حب بس بعد الزواج في ماديات ومسؤليات واذا ما كنا مكتفيين ماديا منسى ابو الحب .
بالنسبة لكم هل يقيدكم العمر , الدراسة , الوضع المادي ,الأهل , الحب ...

العمر بحب يكون اكبر كم سنة يوعيني يغمرني بحنانة ومو كبير يكون في فرق مراحل ......الدراسة مهمة بالمستوى الاجتماعي بس مو هي كلشي ؟ليش حسب الشخص وبيئتو وثقافتو وحسب في كتير موظفين عالحديدة وناس مو موظفين ومثقفين مثلا عايشين احلى حياة
ا
الوضع المادة برجع وبقول مهم مو بشكل نبالغ فيه لا بس لنلبي اساسيات الحياة ومن دون هي الاساسيات بيموت الحب

الاهل موافقتن ضرورية تحسبن لغدر الزمن ونسبة انو هنن تعبو علينا ولازم ما نخيبن ولا يوجد ثابت بالحياة يعني مافينا نضمن الشريك وكمان مالازم الاهل يفرضو رأين علينا بدون أسباب منطقية

الحب ضروري بس مو كلشي ياما منشوف زواج ناتج عن حب وبقمة الفشل وياما منشوف زواج تقليدي ناجح وانا براي الحب مابدووووووووووووووم اللي بدوم هوي الاحترام

هل تخططون لحياتكم أم هناك من يرسمها لكم ويوجهكم و ينصحكم ؟؟؟
منخطط بس في شي اسمو النصيب



طولت عليكن انا هيك بشوف
بس الزواج مو سهل بدو كتير دراسة
مو علاقة وايمتا ماحبينا نبطل باااااااااااااااااااااي
في حياة اخرى ......في ولاد مظلومين


شكرااااااااااااا للموضوع الحلو

مشكورررررررررررررة ع رأيك الحلو والصريح حنين
تحياتي صديقتي

ولو ريمو دبرلي عروس حلوة ومثقفة وحنونة وطيبة ووفية وآدمية وواعية وظريفة ومحترمة

و الله يا صديقي أنا ما بدبر عروس لحدا شو شايفني خطابة
بس أنت بتستاهل كل خير ونشالله بتلاقيا ليلي ببالك وتعيشوا أحلى حياة
و نفرح فيكن

هلا صار دوري
بالنسبة الي ...
أنا ما بتخذ هالقرار أبدا هوي بقرر و بخطط وبنفذ وبيقنعني و بجبرني ههههههه
أكيد بعد ما خلص دراسة و اتوظف و استقر يعني بعد ال 24
اذا تقدملي عريس هلأ برفض تماما لأنو بحس بكير و اني مقيدة
في دراسة وايام حلوة لازم عيشا ما بدي حدا يسرقا
العمر بقيدني يكون أكبر مني بشي 5, 6 سنين
الدراسة ضرورية بس ما الها علاقة بالمحبة يعني يكون واعي و فهمان حتى لو ما معو شهادة جامعة ودائما في شي بعوض عن شي
الوضع المادي غير مهم كلشي بيتدبر بس نتفق و الله كريم
يعني شو نفع البيت والسيارة مع واحد ما بتحبيه ؟؟
الحب و الانسجام يجب أن يكون موجودا لكنه غير كافي بل أن احترم شريكي وأعجب بشخصيته
يعني لازم يرضي عقلي أولا
انا ما بخطط لحياتي لأنو بحس لما بيصير معي شي الله رايدلي هيك يعني بسعى مرة و تنين بس لما ما بلاقي نتيجة بنسى كل الموضوع وعسى أن تكرهوا شيئا وهو خير لكم
أهلي عنصر مساعد لالي بحياتي و رأين كتير مهم لأنهن أكبر مني و عندن معرفة بالأشخاص أكتر وبالنهاية بتمنولي الخير بس أحيانا النصيب بدو يصيب مو بس رغما عن الأهل و رغما عن الشب أو عن البنت
و بالتوفيق للكل

الله يوفق الجمـــــــــــــــيع

بالنسبة الي
بعد 5 سنين أذا كنت لساتني بالمنتدى بجاوب

هههههههه يسلمو رمرومة