يا كاتب التاريخ....من روائع تميم البرغوثي

يا كاتب التاريخ
ما اهتزوا كفينك
ما رمشت عينك
يا كاتب التاريخ
خبرني شو دينك

يا كاتب التاريخ رحماك يا عمي
عم تكتب بعتمة
يبقى السطر تلطيخ
وتحط له معنى
وكيف القلم ما يدور
بتقول عنها سطور
إنت اللي بتعرف
وانت اللي بتسمي
الشخبطة كلمة
والخرفنة مخرف
يا سيد الحكمة
يا حارس المتحف
خذ لك إجازة شوي
ما قمت عن مكتبك
من يوم كانوا البشر
خلطة تراب ومي
يا شيخ شيبك ظهر
وتطاولوا سنينك
وقزاز نظارتك ظني انهرى تشريخ
يا كاتب التاريخ
شوف القلم وين رايح
حبره من أعمار
هيك القلم يبني دار وهيك يخرب دار
يا عمي ركز بجاه المصطفى المختار
من تحت راس القلم
ما سمعت نوح النوايح
أو أزيز النار
من تحت سن القلم
ماشفت بيت انهدم
ما شفت ساري علم
ماتوا عليه لصغار
ما شفت قبة حرم
تلمع عليها الشمس
وطيور فوق الشجر
تلمس غناها لمس
صارت ملاعب ضباع مكللة بالغار
شوف الجنايز طويلة والنعوش قصار
صوت احتكاك القلم بالورقة ماله همس
تحته شوارع طويلة من دخن وصريخ
يا كاتب التاريخ

يا شيخ شيبك وخط
ما لقيت في شي غلط
في ضجة الملكوت
ما لقيت في شي غلط
في همة التابوت
نظم وقاد المسيرة وعنون الأخبار
بيده كتبها وأذاع النشرة صورة وصوت
ما لقيت في شي غلط
ركض الطفل ع الموت
يتقردن الجندي من فعله فيستأسد
ما لقيت في شي غلط
في شعب كامل جماعة يروح يستشهد
يا شيخ شيبك وخط
جاوب ع هذي فقط
هذا الكتاب اللي واهب كل عمرك ليه
واللي عم يموت شخص بكل كلمة فيه
مين اللي راح يبقى حتي يقرؤه يا شيخ
ويدفع الأجرة ويسدد عرابينك
يا كاتب التاريخ
خبرني شو دينك؟

حلوة محمود ‏
تسلم

خذ لك إجازة شوي
ما قمت عن مكتبك
من يوم كانوا البشر
خلطة تراب ومي
شكرا

ياكاتب التاريخ مهلا

فالمدينة دهرها دهران

دهرٌ أجنبي لا يغير خطوه وكأنه يمشي خلال النوم

وهناك دهر كامن
متلثم يمشي بلا صوت حذار القوم

......

من قصيدة لنفس الشاعر

مشكور محمود

ع ذووووووووووقك ياغالي

مميز دااااائما باختياراتك اخ محمود

رووووووووووعة

» تميم البرغوثي ....قفي ساعة
» جداتنا .... تميم البرغوثي
» قصيدة الشاعر تميم البرغوثي
» رد نزار قباني على فيروز ومن ثم رد تميم البرغوثي عليهما
» نفسي الفداء لكل متصر حزين...تميم البرغوثي*