حرب الشباب و الصبايا لا تنتهي لك حق الرد... تفضل للمعركة !!!

أحلى شي بالبنت انو تكون إخت رجال

هلق إخت رجال ما يعني مسترجلة , يعني انو مواقفها بالحياة هي مواقف شجاعة و جريئة , يعني

اذا شريك حياتها وقع بمصيبة لا سمح الله بكون عقلها كبير وبتظهر كل شي عندها وفى و بتخلي

شريكها يحس انو هو أهم شي عندها يعني هو الرقم واحد و هو الحياة بالنسبة إلها .... وباقي

الأشياء والأشخاص كلن تفاصيل .

كمان شغلة حلوة ومطلوبة بالبنت انو تكون بتحفظ السر وهي شغلة نادرة بصراحة , يعني

أسرار البيت بس تطلع لبرا , ببلش الخراب يدخل عالبيت .

والشغلة اللي كتير مهمة انها تكون حلوة : يعني بدي ضحككن شوي , مرة شخص قلي في

عندي الك عروس آدمية وبنت ناس و حافظة القرآن كلو , قلتلو يعني حلوة ؟ قلي حافظة

القرآن كلو, قلتله انشالله تكون حافظة الكتب السماوية كلها اذا ما حلوة ما بتنفعني .

طبعاً هادا ما تقليل من قيمة هالصفة الكريمة اللي عندها ((معاذ الله )) بس كل واحد أدرى

بمتطلباتو , و لا يكلف الله نفسا الا وسعها ... يعني انا بقضي كل حياتي صايم , وما معقول

افطر ع بصلة هادا من جهة , ومن جهة تانية انو هالشي حقي وبعدين مشان ما يزوغوا عيني

لبرا هههههههههه.

يلي بيزعجني بالشب انو هو اذا طلع مع رفقاتو مشوار وما اتذكر البنت بشي اتصال عادي واذا البنت طلعت مع رفقاتها بلا ما تقلو للشب مو عادي وبيعمللها قصة وخناقة ....وين التفاهم
يلي بيقهرني انو البنت لازم تتذكر كلشي عن يلي بتحبو وذا نسيت شي كارثة اما الشب اذا نسي لازم البنت تسامح وتسكوت(مو عند الكل)
يلي بكرهني بالشب عدم التزامو بالمواعيد والاهمال وهاد كتير بصير
يلي بحببني بالشب دلالو الي والاهتمام بكل التفاصيل
مبعرف يعني بعتقد هيك سومر قصدو

هلق انا في كتير صفات بكرهها بالشب ...ولييييييييييييييي من وين بدي بلش ما بعرف

طيب رح حط اللي متذكرتوا هلق و كل ما اتذكرت شغلة برجع بحطها ..مشان اتضل الحرب شغالة

هلق اول شغلة ... بكره الشب اللي بتعجبوا شي بنت بيجي بدوا يحكي معا ..اذا حكت معو بتصير خفيفة و اذا ما حكت بتكون معقدة ؟؟.... شو بدكون ما حدا بيعرف ...


تاني شغلة ... اذا شي شب لطش شي بنت اذا ضحكت بتكون كمان خفيفة ...و اذا ما ضحكت او اكلوا شي زورة بتكون عم تتقل ...شو هالعقل المتخلف؟؟

تالت شغلة .... مثلا واحد بيجرب يقرب من الوحدة زيادة .. اذا قبلت بيقول العمى معناها مو خرج ... واذا ما قبلت وصدتوا بيقلها بكل جرأة وو قاحة ( لا تواخذونا يعني بس انا هالكلمة كتير بتقهرني ) كنت عم جربك .. بس نجحت بالاختبار :*418*: ....يعني بدي افهم مين عطاك الصلاحية لتختبرها بعدين يا اخي اذا مو واثق فيها ليش ماشي معها ..وهون بدي قول شغلة بتعصبني بالبنت ..انها بتنبسط انها نجحت بالاختبار ...ما بعرف كيف بستليقها على حالا ...

انا اسفة اذا تقلت العيار شوي .. بس هي اسمها حرب ... وبالاخير اكيد مو كل الشباب هيك ... لأنو اذا خليت خربت ... :*740*:

هلق صار حلو الكلام

بكره البنت يلي بتطلع بالشب اللي بيعجبهاو لما بيروح ليحكي معها بتصدو بطريقة غريبة لا يمكن للعقل الانساني تقبلها او تحليلها على الرغم من انو هيي اللي بتكون دفشيتو عن طريق نظراتها

كمان اكره شي بالبنت انو تتظاهر بالذكاء و القوة و هي لا تملك منن شي


رورو

الشب يلي بيتصرف متل ما قلتي اعرفيه انو داخل ليتسلى مو اكتر

بعدين انتو البنات اذا بيكون عنتر زمانو بتشوفو حالكن اول شي و بتصدوه طبعا مو الكل بس الاغلبية طيب ليش ؟؟؟؟

متل ما انتو بتشوفو انو ما لازم الشب يفكر فيكن حسب طريقة ردكن على كيفو كمان لازم تعرفو انو مو كل الشباب متل بعضا بجوز الاغلبية بس كمان انتو نفس الشي

هادا بيشوف حالو و هي بتشوف حالا النتيجة نفسيات عبعض و شوفة حال ما الها طعمة

عنجد بعرف كتير شباب و صبايا بيكرهو الجامعة و النزلة عليها منشان هالامور (طبعا موضوعنا مانو خاص بداخل الجامعة فقط بس عطيت مثال الجامعة كاكتر مكان بيتوفر فيه جو اللقاء بين الشباب و الصبايا )

في شغلة بكرها بالشب انو بضل بيطلع بالبنت ساعات طويلة وهي بتنتبه وبتطلع وبتعجب فيه وبعدين بيحمل حالو وبروح انو بس بدي افهم شو بكون بعقلو....بصراحة يا نضالو مشان قصة الصد شو الشغلة انو بس هو عنتر زمانو وين البنت مشاعرها بجوز ما تكون اعجبت فيه وهو يكون نزق وغليظ
بقى عادي تصدو

يا لوليا اذا كان غليظ معها حق تصدو بس اذا كانت البنت هيي عم تعطيه مجال و تطلع عليه فليش لحتى تصدو و نحنا منعرف منيح نظرة الاعجاب من الشب او البنت يعني انا شخصيا ما بقرب عبنت الا اذا عجبتني و كانت هيي كمان معجبة


و ليكي لوليا برأيي انو لازم الشباب و الصبايا يكون في بيناتهن جو مرح و تواصل دائم مو بالضرورة يصير دائما حب

بجوز في كتير بنات ما بآمنو بصداقة الشب بس بوجهة نظري

الصداقة بين البنت و الشب شي كتير مهم و اذا بتلاحظو شغلة الشلة ( شباب و بنات ) صارت قليلة كتير هالايام

في عندي رفيقتي معجبة بشب وهو كمان بس بتعرف انو بس اجا يحاكيها صدتو سالتها ليش قالتلي مشان الناس ما يحكو عليها
يعني في بنات عندهن خوف من التجربة او اوضاعهن بشكل عام ما بتسمحلهن في اكتر من سبب لصد البنت للشب

ومشان قصةالصداقة بين الشب والبنت شغلة عادية

وعنجد الشلة صارت قليلة وانا كتير بتزعجني هالقصة ومكنت لاقي جواب

هلق انا ما بعرف بس شايف انو اللي بدكن ياه انو نركز عالأشياء اللي منكرهها بالجنس الأخر

وطبعاً انا حكيت بالعموم يعني ما حبيت فوت بالتفاصيل اللي يمكن بدكن نفوت فيها متل انو

( بتعمل كذا وبتسوي كذا و بتقول هيك ..... )

بكل الأحوال سومر سأل : ( شو اكتر الأشيا اللي ما منحبها بصفات البنات )

وانا ذكرت الوفا , والشجاعة , و المقدرة على حفظ السر , والجمال .

وبالتالي ما بحب البنت اللي بتكون أو بتتصرف بعكس هالصفات

لوليا

اقتباس :

في عندي رفيقتي معجبة بشب وهو كمان بس بتعرف انو بس اجا يحاكيها صدتو سالتها ليش قالتلي مشان الناس ما يحكو عليها
يعني في بنات عندهن خوف من التجربة او اوضاعهن بشكل عام ما بتسمحلهن في اكتر من سبب لصد البنت للشب

فعلا في كتير بنات هيك بس برأيي البنت يلي بتفكر هيك ما لازم تسمح لنفسها تطلع بشب و لو كان عاجبها لانو هيك بتصير متل يلي عم يلعب بالمشاعر و غير هيك الموضوع مزعج لنفسها اكتر انو بدها تحكي بس مانا قدرانة بسبب الناس و لهالسبب ما لازم تنعجب بأي شب الا اذا اجا لعند اهلا فورا و هي صارت نادرة كمان هالايام لانو بجوز ما يتفقو و هكذا


اسماعيلو

بأول الموضوع صار في شوية لخبطة من يلي ردو بس ردك كان بمحللو و مشكور عوجهة نظرك الرفيعة

نضالو مفينك لا انت ولا انا نتحكم بمشاعر هيك بنات يلي عندهن هالفكرة

بس اكيد بهالموضوع بتختلف الاراء ..... اسماعيل اكيد متل العادة نحنا مندخل بالموضع مليون شغلة مو جديدة هي هههه ....بس انا جاوبت سومر على سؤالو بس يعني عم نتناقش

ماشي متل ما بدكم و