لمن يجرؤ فقط

ريم فكرتك حلوة
ومشكورة ع الطرح

انا بقول
( اتق شر من احسنت اليه )
لانو الكل بيعرف انو صديقك لما يصير عدوك (لاسمح الله)
بيصير اخطر من العدو نفسه
وانا عم احكي عن تجربة
ونشالله الكل بيضل بخير وصحة
والله يبعد البلاء والشر

مشكورة مرة تانية ريم

شكرا لمشاركتك الحلوة أسامة نوررررررررت الموضوع

و فعلا غدر الصديق صعب

أنا بقول عيب عكل شخص يصاحب شخص لمصلحة و برأيي هيك أشخاص بدن معالجة نفسية

كل الشكر لمرورك الرائع زهرة البيلسان وأهلا فيكي صديقة غالية
نورررررتي

كل الشكر لمرورك الرائع عزيزتي آية
والله عم تحكي درر و جواهر

مابقا في كلام بعد كلام اصدقائي

شكرا اخت ريم

هلاااااااااااا محمد نوررررت شكرا لمرورك
بس موضوعي لسا ما خلص فيكن تحكوا أي تجربة مريتوا فيا

قل لي من تخالل ... أقل لك من أنت***


نصيحة من إنسان خاض التجربة .. وتلوع بمرارتها

انتقواااااا أصدقائكم بشكل منيح ... بشكل يضمنلك عدم الندم والخذلان

هاد يلي بحسن احكيه


مشكورة ريم ع الموضوع الملفت ... تقبلي مروري

كل الشكر لمرورك الرائع بين صفحات موضوعي
وانشالله بتتوفق برفقاتك وكل الناس للي حواليك
نورررت صديقنا علاء

كلك ذوق رموش

شكرا الك صديقتي

اي أنت كتير حساس الله يحميك
ههههههه عم امزح أنت حكيت عن تجربة و بصراحة و هو المطلوب وأنا بحييك وشكرا الك

هلق الفكرة حلوة والموضوع واسع النقاش
في كتير أشياء بحياة الانسان بيمر فيها يمكن البعض يكون الها تأثير أكتر من غيرها
ممكن يتعلم منها ممكن لاء


بالنسبة الي
أنا بطبعي دائما بتعامل مع الناس من منطلق قناعاتي أنا
بتعامل مع الناس بصدق وضمير
ومابتعامل مع الشخص حسب معاملتو معي
هلق أحيانا بينتقدوني على هالشي
أنو ناس ما بتستاهل عاملها بهالطريقة
بس أنا مابقدر اتعامل مع أي حدا بسوء مهما أساء الي دائما بقول لحالي
يصطفل هوي حر
أنا المهم عندي ارضي ضميري
بس الصراحة هاد شي خطأ
لأنو فعلا في ناس منحترما وبتبادل هالاحترام باللااحترام
منقدرها وبيسيئوا النا

بقول لحالي أحيانا لازم غير بس مااااااااااااااااااابقدر


نصيحة مني ماتعطوا حدا زيادة عن حجمو
ومتل ما الآخر بيعاملكن تعاملو معو بس أهم شي ما يسيئ الانسان لنفسو


أحلى رمرومة

نورتي الموضوع يا أحلا وأرق جوى
أنا بهنيكي عشخصيتك أهم شي الواحد يكون مريح ضميرو بس فعلا ما تعطوا حدا اكتر من حجمو لأنو ما حدا بيستاهل
و في ناس كل ما احترمناها أكتر بتفكر انو ضعف مننا و بتتطمع أكتر
كيفك فيا ..

و في ناس كل ما احترمناها أكتر بتفكر انو ضعف مننا و بتتطمع أكتر

صح هالحكي

أنا رح كمل الفكرة يلي عم تحكو فيها:

يلي بتحترمه بتخسره ... ما حدا يستغرب لأن للآسف الناس ما بقى بتفهم معنى الأحترام
وصار صاحب القلب الطيب والأنسان المحترم بنظرن غبي وفقير وعلى نياته ومتل ما بقولوا ((هبور))

ههههههههههههه
و بقولوا عنو ويلي عليك ما أفقرك بس بتعرف ليش أخي علاء
من غيرتن منو لأنن بيتمنوا يكونوا متلو محترمين بس ما بيقدروا
و بيحكوا معو ومابيقدروا يستغنوا عنو لأنو بشكلن أحيانا عقدة نقص
بس كل واحد بيعمل بأصلو و المحترم كل العالم بتحبو و بيفرض احترامو ع الكل الا ع يلي ما عندو اخلاق
بس مو كل الناس هيك في عالم بتتعلم منا المحبة وبيين فيا الاحترام وهدول بكونوا فهمانين وبيقدروا
نورررررت صديقي

انا من وجهة نظري ماااااااااااااااااااافي وفا والصداقة بهالأيام بالحكي وبس يعني رفيقك هووووون ومانو هووووووووووون طبعا في استئناءات بالألف واحد مابيخلا بس انا بنظري كل ماعطيت خسرت بعرف هاد الحكي وعم قلكن اياه هلا بس انا بعمري مافي طبقتو شو رأيكن؟

إن كنت في كل الأمور معاتبا صديقك فلن تلقى الذي لن تعاتبه

صديقتي حنين الروح انا معك أغلب الصداقات بهالأيام تحولت لمصلحة أو تقطيع وقت بس من بين كل هالبشر الا ما نلاقي صديق وليس أصدقاء لأن الأصدقاء الأوفياء و الحقيقيين دائما عددن قليل
ومشان كل ما عطيتي بتخسري صحيح بس لا تعطي حدا اكتر ما بيستاهل
شكرا لمرورك غاليتي نورررررتي
شكرا لمرورك أسامة نورررررت

ان أردت أن تحصل على أصدقاء

فكن أنت واحدا