أركيلتي وأنا......

أركيلتي.....وكيفَ اصفُ لكم أركيلتي

في وقتِ مَلَلي تكونُ جليستي

وفي شِعري هيَ وحدها ملهمتي

...................

أركيلتي بالتفاحِ اشربها

بماءٍ باردٍ أملؤها

لا اتركها

إلى أنْ تنامَ وتنطفي لا اتركها

..................

أركيلتي رشيقةُ الطولِ في مظهرها

مزركشةٌ بالرخامِ ما أجملها

بدونِ المتةِ لا أشربها

اهٍ لو تدري بيَّ كم أعشقها

...................

أركيلتي.......جليستي في السهر

ما أحلاها في اوقاتِ السمر

حتى في السفر

لا تتركني حتى في السفر

................

أركيلتي.....وكيفَ اصفُ لكم أركيلتي

جليستي......فاتنتي......ملهمتي

كلماتي تعجزُ عن وصفِ أركيلتي.

..................

(بعرف انو في كتير منكن ما بحبو الاركيلة والتدخين بشكل عام........بس بتمنى تعتبروها
human being's
(beloved

ليسَ هُنالكَ حقوقٌ ليَتِمَ حِفْظها.......
There are no rights to be reserved

RoMeO

ليش انت عم تخون جولييت يا روميو

بس خلها بدل التفاحتين كرز وبدل المتة كولا هيك اطيب هههههه


كتير ظريفة بس بدك تزعل جولييت منك

روميو


هلق انا ما بحب الدخان يعني السيجارة بس الاركيلة غير


الاركيلة الحبيبة التانية

قد يراني البعض معقد , متخلف , متعصب , موضة قديمة , أو اللي بدكن ياه

بس بما انو نحنا ببلد ديمقراطي وبمنتدى ديمقراطي ... يحق لي ان أعبر عن رأيي بصراحة

والصراحة روميو عالعين و الراس من فوق و أنا ما عندي عدائية أو مشكلة مع اللي بدخنو

كأشخاص أبداً , بس مشكلتي مع التسويق للدخان أو الأركيلة , يعني كل انسان حر يدخن قد

ما بدو بس عالأقل وبما انو بيعرف انو هالشغلة مانا منيحة لا يسوقلها و لا يعملها دعاية

هلق بدكن تستغربوا انو شو صار ليش وكيف عم نعمل دعاية للموضوع ؟؟؟

برأيي أي ذكر للدخان أو الأركيلة بشكل أيجابي ( من قصيدة أو مقالة أو ..) هو تسويق الهم

وأي صورة أو لوغو للمدخن المسلطن والمزهزه :*332*:

هي تسويق ودعاية للفكرة ... وببساطة انا ضدها.

ملاحظة : أنا ما غايتي نصيحة تقيلة ولا تنظير على حدا و بتمنى تفهموا قصدي صح .

مع كل المحبة الكم وخاصة للمدخنين ... تقبلوا مروري وان كان دمو تقيل

معك حق اسماعيل
بس بضل التدخين حرية شخصية مع انو كتير الها مضار بس صارت عادة عند الاغلبية

بعدين لاحظ كل المطاعم وقت وقفت اركيلة ما عاد في حدا دخل على هالمطعم ... وبعد فترة منلاقيهون رجعو الاراكيل وسمحو بالتدخين ....يعني بالعربي الفصيح هيك بيسترزقو

انا لا مع ولا ضد بس حبيت شاركك بالفكرة

اسماعيل

لو كان الموضوع في دعاية بس برأيي يلي ما بدو يتعلمها ما بيتعلمها

انا مثلا بحب الاركيلة كتير بس ما عندي ادمان عليها
و الدخان مرت فترة كنت دخن بس لأنو العالم بتدخن بس صراحة ما عجبني ابدا

لذلك سماع مني و خدلك نفس

لوليا

عسيرة منع الاراكيل بالمطاعم

صارت الاركيلة بالمطاعم المسموحة فيها ضعف السعر

منشان الضريبة بس و الله حركة حلوة من الدولة انو منعوها بالاماكن العامة يعني من منطلق يلي بدو يأركل يدفع زيادة او يأركل ببيتو

شكراً لوليا ... بس انا ما بدي فوت بقصة المطاعم ومنع التدخين !!! ما هاد موضوعي ..

أنا اللي حابب أكد عليه انو انا بحترم الحريات الشخصية , يعني يحق لأي شخص يدخن للصبح

بس عالأقل لا يساعد بنشر ثقافة ( انو الدخان شي حلو و كويس )

طبعاً مع العلم انو يمكن البعض ما بكون قصدن يعملوا هيك بس بالحقيقة هادا اللي عم بصير

بدون ما يحسوا . ونحنا لازم انو ننبه للموضوع ونلفت انتباههم .

نضالووووووووووووووووووو الغالي ... ببساطة ما كل شباب ال16 وال 17 عندن الوعي الموجود عندك أو عند غيرك من الناس .

وصدقني شخصيتهم متل الليفة بتمتص كل شي و بيتأثروا بأبسط اغراء .

النصيحة هالايام ما عم تجيب نتيجة.......بس عكل حال الواحد بيعمل يلي عليه ومشان المطاعم بس هيك عم اعطي مثال انو كلشي في ضرر للعالم هو منفعة للغير :!:

والله الصراحة يا جماعة ..انا من راي اسماعيل ... لأنو هلق صار كتير طبيعي انو نشوف الممثلين يلي عم يتاثروا فيهون شبابنا كل واحد فيهون ماسك سيجارة و عم يدخن ...و بشوفوا هالشباب انو البنات معجبة بهالممثلين(اجانب او عرب ) فبحاولوا يقلدوهون حتى لو الشغلة بضر الصحة ...

هلق نفس الشي بالنسبة للبنات .. يعني انا كتير بستغرب لما بشوف وحدة قاعدة مع رفقاتها الفلاعيص بشي مطعم يلي اكبر وحدة فيهون عمرها 15 سنة حاطين هالاركيلة و قاعدين ....

و الشباب كمان بيحاولوا يعملوا حركات و يقعدوا قعدة مرجلة هنن وعم يشربوا الاركيلة قال يعني مرجلة الاركيلة ..هاد اللي بطلعلك فقاعات و هاد اللي بطلعلك دوائر و شوفوني ياهالبنات ...

بعدت عن فكرتي شوي ..برجع لفكرة الممثلين و الممثلات .. اللي صار عادي انو الواحد يشوفون عم يدخنوا ..مو بس يدخنوا و يروجوا لطرق الاستمتاع بالتدخين ...

يعني انا برايي بدل ما يوعوا هالجيل على فكرة انو التدخين شي حلو .. او اللي ما بدخن مانو رجال .. انا برايي لازم يمنعوا هي قصة التدخين بالمسلسلات ..لأنو بصراحة بشوف انو تلات ارباع الحق على الاعلام بهالقصة و بغير قصة .. بس اذا بدنا نحكي عالاعلام ..ما بخلص لبكرة .. ومن غير شي طولت كتير

فتقبلوا مروري

شكراً رورو ... معك حق بقصة الممثلين والممثلات

بحترم و بتقبل رأيك سومر بس لأنك مدخن و لأنك جيتانز وللصبح

إي والله أخوي الغالي سومر

بس هيك حلاوتها

أنا ما بحشش




حلوة كتير


أحسنت ثابر و إلى الأمام يا محشش

ههههههههه
شو هاد ياروميو
غير شكل
شي بتتغزل بالمته وهلأ بالاركيله
اذا خرج لاقيلي شي قصيده عن الشوكولا بحبا كتير

لوليا : تكرمي كرز عنب فواكه خلطات شو مابدك المهم اركيلة

وخلي جولييت تزعل شوي بلكي بتحل عني

اسماعيل الغالي وجهة نظرك صحيحة وانا كتيييير بحترم رأيك بس بشوف انو الاعلانات

المحذرة من التدخين اكبر بكتير من المؤيدة يعني حتى على علبة الدخان والمعسل موجود

تحذير صحي هي الشغلة كافية انها تزرع نوع من الخوف بالمدخن

ومو مقصودة ابدا الدعاية لاني بالاخير ماني مستفيد شي من الدعاية للدخان

رورو كمان معك حق بهي القصة في بعض الناس بشوفوها مرجلة او كذا وهيي مانا ابدا

وبالنسبة للمسلسلات والممثلين اللي بدخنو بشوف انو الغاية من هالشي انن يفرجو للعالم انو

نحنا بلد يمقراطي ويغضو النظر عن الرقابة (وجهة نظر مو اكتر)

ومشكورين عالمشاركات

شكراً للجميع عالردود الحلوة




وحلو نشوف الرأي والرأي الاخر

بس توضيح صغير انا كنت عم احكي عالدخان و الاركيلة بشكل عام .. يعني مو عالقصيدة ..

و بالرد السابق نسيت اشكرك روميو عالموضوع ..

و شكرا كتير لتفهمك روميو..

-شذى: كلك زوووووووووووووووق

-روز: ما بحب الشوكولا بس تكرمي رح اسعالك بالموضوع

-رورو: you are welcome

-سومر:متلك جيتانز للصبححححححححححححح :*332*: :*332*: :*332*:

-نضالوووووو: اركيلة للصبحححححححححححح

رح نشوف شو رح يصير فيكون انتو التنين بعد عشر سنين ..

رح نسمع صوت سعلتكون من هون من ورا الشاشة ..

ما بتخافوا على صحتكون يا جماعة ..

انشالله .. والله يديم عليكون الصحة على طول ..

بس ما في تقنية بتخلي الواحد يبطل الا الارادة