تحت عنوان " نشاطركم الرأي حول الصراع في قطاع غزة " .. استفتاء ا مفتوحا يجريه موقع " فري أوبينيون " الرجاء من الجميع التصويت

أطلق موقع " فري أوبينيون " استفتاءا عاما ومفتوحا تحت عنوان " نشاطركم الرأي حول الصراع في غزة " .

و حصلت إسرائيل على 61.7 % من الأصوات في حين حصلت فلسطين على 38.7 % فقط , علما أن عدد الأصوات بلغ حتى لحظة تحرير هذا الخبر نحو ثلاثة ملايين صوت .

واللافت أن الاستفتاء المفتوح والذي انطلق في الثاني عشر من شهر أيار الماضي لم يحظى باهتمام او مشاركة حتى تاريخ الاعتداء الاسرائيلي على أسطول الحرية في 31 أيار الماضي حيث لوحظ إقبالا شديدا على الاستفتاء لصالح إسرائيل في حين حافظ الخط البياني للمصوتين لصالح فلسطين على مستواه .

و تبّين الإحصائيات ضعف فعالية الأصوات من الدول العربية في حين احتلت الولايات المتحدة و إسرائيل المراتب الأولى في قائمة المصوتين على هذا الاستفتاء .

و مما يجدر ذكره هو فتح المجال امام إمكانية التصويت عدة مرات شرط أن يكون هناك فارق زمني مقداره ساعة بين الصوت و الصوت الذي يليه .

يشار أن الاستفتاء المذكور مفتوح , كما أنه يحظى " بوثوقية " تعتمد على نتائجه بعض المؤسسات و وسائل الإعلام ومنها محطة الأخبار الدولية CNN .

و تصدرت الولايات المتحدة قائمة المصوتين , و لم تتجاوز حصة الأصوات الأمريكية لـ صالح فلسطين عشر الأصوات التي نالتها إسرائيل .

و من جهة اخرى تصدرت مصر و السعودية قائمة المصوتين من الدول العربية , و تلتها الاردن و المغرب و الامارات العربية وجميعها لا تتعدى ثلث فاعلية إسرائيل وحدها في هذا التصويت علما أن الأخيرة سكانيا لا تتجاوز 1 بالمئة من سكان الدول العربية المذكورة .

و كانت أكثر من سبعة دول موزعة في عدة قارات صوتت وبالمطلق لصالح إسرائيل , و اللافت أن معظمها من دول أمريكيا اللاتينية حيث توجد أعداد كبيرة من المغتربين العرب .

ولوحظ وقوف الأوروبيين إلى جانب فلسطين ودعمها في التصويت وخصوصا بعد الإعتداء الإسرائيلي على أسطول الحرية الذي كان من المقرر الرسو على شواطئ غزة في نية لكسر الحصار المفروض عليها , و يتوضح من خلال المخطط البياني للأسابيع الأخيرة نشاط التصويت الأوروبي بعد الإعتداء مباشرة ليستمر بذات النشاط خمسة أيام متتالية .

يذكر أن التصويت مازال مستمرا , ولكنه لم يكشف عن جديد فمن جهة اسرائيل تدرك أهمية مثل هذه الاستطلاعات و تجيّش إمكاناتها ليكون لصالحها ومن جهة العرب " معظمهم " نائمون .



طبعا الموقع محجوب بسوريا بس رح انقلكم الحل

ادخلو احد البروكسيات التالية :


93.186.192.85
منفذ : 3128

123.108.255.205
منفذ : 3128

201.72.255.66
منفذ : 8080

187.16.247.181
منفذ : 3128

طبعا هالبروكسيات بتحطوهن ب خصائص الانترنت ----- اتصالات ----- اعدادات ---- proxy server ----تفعيل ---و انسخ الرقم الكبير محل adress و المنفذ محل ال port و بعدها اوكي و انا جربت اول بروكسي و هو شغال

, و بعدها ادخلو على هالرابط http://www.israel-vs-palestine.com/SY/EN/vote


و انا جربت و صوتت لفلسطين و مشي الحال و هلق صار دوركن خلينا نعمل شي مفيد و نصوت اكتر من مرة لصالح فلسطين و يمكن في كمان تصويت لسوريا ضد اسرائيل و حزب الله ضد اسرائيل و كمان بإمكانكم تضيفو تعليقاتكم بعد التصويت انا ضفت تعليقي يلا انتو كمان خليهن لهالكلاب الصهاينة يعرفو نحنا مييين و شو منفكر


الله يمحي اسرائيل و لا لي لا لي لا لي

أنا مع التصويت أكيد لأنو اذا ما نفع ما رح يضر .... ولكن بصراحة لا أؤمن بكل قصص

التصويت وخاصة بهيك موضوع وبهيك سايتات ... لأنو على فرض انو عملنا معجزة وربحت

فلسطين ؟؟؟ شو بدو يصير .

بدكن تقولولي عالقليلة بكون دليل مين على حق ومين على باطل ... بقلكن انو صار في مليون

دليل وحوادث موثقة وصور وفيديو واللي بدكن ياه من هالاثباتات اللي بتدل على جرائم وسفالة

اسرائيل بس النتيجة شو ؟ ولا شي منرجع لقصة الفيتو الأميركي و منوقف وكل شي جمعنا من

أدلة بروح هباءً منثورا .

لذلك أنا بقول التصويت منيح ( بس من باب انو ما رح يضر ) وانو نوع من الدعم للعمل

الحقيقي اللي لازم نشتغل عليه كشعوب وحكومات وهو المقاومة العسكرية وتحت العسكرية ألف

خط ,لأنو كيان متل اسرائيل وبلد متل أميركا ما بيجوا الا بالقوة .

ونقطة ما انتهى .

آسف نضالو طولت وشكراً على حماسك

و الله يا اسماعيلو انا و انت هلق محل ماننا قاعدين ما فينا نحمل البارودة و نقوم نحرر فلسطين بس عالقليلة خلينا شي مرة نفوز و لو بالتصويت لانو صار حلم النا انو نكون بنظر العالم افضل من الاسرائيليين


صحيح انو ما رح نربح شي بس بضل ابداء الرأي و اظهار مشاعرنا و مواقفنا للغرب شي كتير منيح احسن ماننا قاعدين متابعين للأخبار صامتين لا ننفع لشيء


و انا من جهتي كل ساعة رح صوت مرة لانو ما بحق للواحد مرة تانية الا بعد ساعة

و لك الشي يلي بخوزق انو نسبة العرب المصوتين لا تتجاوز نصف نسبة الاسرائيليين


اذا ما كنا قادرين نحارب بالسلاح خلينا نحارب بأسلوب اخر

مع انو دولتنا مو مقصرة بهالموضوع و الله يحمي سيادة الرئيس و يديمو فوق راسنا بس كمان انا بفضل اني صوت و عبر عن رأيي و اللي ما بدو يصوت ما حدا جابرو على شي

و تحياتي الك اسماعيل عصراحتك

حبيب القلب وأحلى نضال صراحة توقعت هيك رد منك , وانا بحترم تقبلك للرأي الآخر , مثلا

ابتداءً من مبارح ولأجل غير مسمى في حملة جمع تبرعات ومساهمات مادية وعينية تقوم بها

الحكومة السورية مشكورة , وذلك في عدد كبير من جوامع المحافظات , وهون عنا نفس الشي

باللادقية بجوامع متل العجان و الجود والخلفاء الراشدين و الرسول الأعظم وغيرها ...

يعني هيك ما منكون قاعدين وحاطين ايدنا ع خدنا بالعكس , اذا اليوم الفرصة ما كانت متاحة

للجهاد بالنفس فينا نجاهد بالأموال . وهادا طبعاً ما بيتعارض مع فكرة الجهاد عن طريق

التصويت بموقع ما . بس اللي قصدته انو ما حدا بيعترف على هيك تصويت برا لو ربحت

فلسطين وما بعتقد بخلوها تربح أصلاً .

أما بموضوع انو (صار حلم النا انو نكون بنظر العالم افضل من الاسرائيليين) فبرأيي آخر

جريمة بأسطول الحرية وقبلها شغلات كتير كانت أكبر دليل انو نحنا أحسن من الأسرائيليين

بس المشكلة برا في ناس ما بدها تعترف بهالحقيقة ما لأنن ما بيعرفوها أو لأنن ما مصدقينها

بس لأنو ما بيسترجوا يحكوها . لذلك آخر همي رأي هيك عالم فينا لأنو عالم الجبناء والمنافقين

ورأيك ع راسي من فوق ... ومن دون مجاملة

اسماعيلو الغالي


اكيد لما انا بشوف تبرع رح اتبرع و فورا

و بالنسبة للتصويت خيو خلينا نقول لازم نصوت

بس اذا صوتت و كان في فائدة شي كتير حلو انو عبرت عن رأيك و شاركت بالنتيجة و اذا ما كان فيه فائدة فأنت مانك خسران شي و كمان بتكون عبرت عن رأيك و عفكرة اكتر شي عجبني التعليق بعد التصويت يعني يتفوت و بتسب عالاسرائيليين عينك عينك قد ابدك و ما حدا بيقللك اسكت و هي بتكفي

و يا غالي ما تنسى انو غالبية الغرب موقفهن من العرب مو بسبب حكي اسرائيل بل بسبب ضعف ثقافتهم و اطلاعهم بموضوع الشرق الاوسط تحديدا يعني غير متابعين


و بالنهاية متل ما قلتللك انا بنطلق من نفسي و بساعد بكل الطرق و الوسائل يلي فيني ساعد فيها على الاقل بحس حالي عملت شي


و بالنهاية شكرا لالك خيي اسماعيل و التصويت لمن يحب و انا لا اعبر الا عن وجهة نظري فقط

كلامك عسل ابو السوس الحبيب


و اسماعيلو الرأي الاخر الغالي

انا ما عم قول سومر انو مجرد موقع و يصطفلوا بس انو جريمة تحدث بعرض البحر والمياه

الدولية ومع ناس أجانب قبل العرب وقتل فيها من قتل .... والعالم بعتقد كلو بمحطاتو شاف

اللي صار ... طيب شو صار ؟ حدا يجاوبني يعني بعد ما طلعت صورة اسرائيل وحشية قدام

كل المجتمع الدولي شو صار ؟ ولا شي ... فيتو أميركي وخلصنا ...

يعني المجتمع الدولي مانو مغشوش يا سومر ... بس ما بيقدر وعاجز انو يتحرك لذلك انا ما

بتهمني صورتي كعربي قدامو ... يعني اليوم حماس وحزب الله ارهابيين بنظر الغرب ورح

يبقوا هيك لو قد ما صوتنا عكس هيك ؟

وبالآخر انا ماني ضد التصويت بالعكس أنا مع التكامل بين كل أنواع المقاومة بس قصدي ما

كتير نعول و ندور ع صورتنا برا لأني اقتنعت انو حتى لو صارت بيضة بدن يضلوا شايفينها

سودا .

كل المحبة سومر ونضالو وكرمال التكامل رح صوت بعد بكرا يعني بعد المادة .

بضم وجهة نظري لاسماعيل
معظم اللي بدس قوله حكاه


رح صوت

ثانكس

شكراً أحمد عالتصويت وعلى رأيك

انا معكون كلكن...الواحد يلي بيقدر عليه بيعملو....ان كان مساعدات او حتى تصويت...لانو بالتصويت بحس الواحد بشي معنوي انو في حدا سائل لكن معقول هيك نتيجة والله شي بخلي الواحد يهستر...وانا كمان ما بآمن بالتصويت...بس هادا احسن من بلا .....يعني لو شي معنوي ما بضر.... :?:

لوليا شكرا لرأيك


احمد جرب اول بروكسي عالانترنت اكسبلورر8


انا عندي اشتغل

معلمي ابو السوس و الله زوقك بجنن بهالوسام الازرق ليك مأحلاه لابق ععلم ايطاليا و المنتدى تمام


و الف مبروك لسماعيلو افضل كاتب

عنجد بتستاهل اسماعيلو

الله يبارك بعمرك حبيب القلب نضال ... بتستاهل المركز الأول بجدارة