ليش الدراسة صعبة هيك ؟؟؟

سومر الحبيب

انا من جهتي كنت اعمل متل ما حكيت السنة الماضية

بس هالسنة اكتشفت اكتشاف عظيم


هوي انو لما الواحد يجبر حالو اول مرتين تلاتة عالدراسة بشكل متواصل و بوقت اطول بيتعود بعدين و ما بقا بيحس عحالو الا عم ياكل هالمواد اكل

و كمان اكتشفت اكتشاف عظيم اخر انو لما الواحد بينضغط بمادة مانو مخلصها و بحط دابو من دابا بيمشي الحال على الاقل معي هيك زبطت

و برأيي بس الواحد يمل من الدراسة يرتحلو شي نص ساعة و بعدها يجبر حالو عالرجوع للدراسة لو ما راح الملل شوي شوي بيمشي الحال

و هكذا

شكراً سومر عالموضوع الحلو والمفيد

ورح حاول ضيف عاللي قلتو من دون ما كرر .....

بالنسبة للفترة اللي قبل الأمتحان بأسبوعين أو شهر ..

1. بحياتكن ما تدرسوا مادة حفظية متل النقد أو أي شي نظري ورا بعضو ... يعني مثلاً بالنقد

كل ما خلصتوا ناقد لا تبلشوا باللي بعدوا لأنو بأكدلكن رح يفوتوا ببعضن ... يعني عملوا

فاصل بشي مادة بتحبوها تكون فهم واستيعاب متل المسرح أو رواية أو قصة قصيرة ...

2. حاولوا تتعودوا تدرسوا المواد كلها وخاصة الحفظية عن طريق التسميع الكتابي .. وهي

الشغلة اتعلمناها من أساتذة وناس بيفهموا ... والحكمة انو لمّا بتشغل أكتر عدد ممكن من

الحواس بشغلة وحدة , بكون التركيز أكبر , وأحيانا انت وعم تكتب بتنسى كلمة وما بتحس

غير القلم عم يكتبها لحالو .. بمعنى انو أحيانا بتتذكر شكل الكلمة أو لفظها .

3. متل ما قال سومر وهي من أهم الشغلات ... اسمعوا مني ابعدوا عن كل الأجواء اللي

بتلهيكن .. أحيانا انا مثلا بشغل الموبايل عالراديو ؟؟ صدقوني ما بدرس شي ؟

4. بلشوا دائماً بالشي اللي بتحبوه وبالمادة اللي بتحبوها لأنو لما بتخلصوا كمية منيحة من هيك

مواد , بتحسوا بالتفاؤل والنشاط وبتتشجعوا لتحاربوا المواد الصعبة .

انشالله تكون هالنصائح مفيدة و عملية ...

اول شي كتير حلو هالموضوع
بالنسبه لالي وبعد اربع سنين اكتشفت التالي :
- برجع بعيد حكي سومر واسماعيل انو الواحد مايخلي حدو شي يلهيه
لانو انا كمان بشغل راديو وبشغل نت ع موبايلي ومن غير ماحس
ما بلاقي غير الوقت طار وانا مو حاسه قاعده عم اتسمع ع سخافات الراديو
او فاتحه النت هيك مجرد فضول وعالفاضي0
-تاني شي انا شخصيا من النوع اللي مابيحس بقيمة الوقت بشهر الامتحان
وهالشي اكبر غلط لانو بيروح الشهر عالفاضي بكون اتوترت فيه نفسيا
لاني مو ملحقه شي وبجي عالامتحان نفسيتي تعبانه عم لوم حالي واندب ذكائي الخارق
والوقت يلي ضيعتو0
والسبب بهالشي انو مابكون محدده شو لازم ادرس لهيك ونصيحه لحتى الواحد يعرف
يدرس لازم يحط ببالو كميه معينه ويعمل جهدو اول مرة انو يخلصا
هيك بيحس حالو منظم شوي عالقليله0
-واهم اهم شي انو ما تبلشوا بماده صعبه متل ما قال اسماعيل بلشوا بماده بتحبوها لان وقت
تخلصوا منها بتحسوا حالكون عملتوا انجاز وبتعطيكون دفع حتى تكملوا0
اما وقت تبدوا بماده صعبه ببيبطل الكون نفس تدرسوا شي بعدا
بسبب الملل والتعب0
-وكمان ماتضيعوا وقتكون بالمراجعه عمواد في قبلها ايام بتكفيا بالامتحان0
-اما اهم شي بحب قولو انو انا شفت بالعكس بالنسبه للنقد كماده حفظيه
وبعد ماصرت مقدمتو مرتين حسيت انو مافي شي فادني اكتر من التكرار 0
لما قدمت نقد تالته غلطت اكبر غلطه وهيي اني ماكنت فاتحتو لايامو
ورحت عالماده مخلصتو وعاساس دارسه منيح فاتت المعلومات ببعض وماعاد اتذكرت شي
اما بنقد الرابعه كنت مرق منو خلال السنه كم ناقد حتى لو مجرد قراءه بس بشرط
انو دراستو تكون بالكتابه مو شفهي 0
فلهيك وقت وصلت عالامتحان ما اتعذبت نهائيا بدراستو وحسيت حالي كتير مرتاحه فيه
واستنتجت انو التكرار بيعلم الشطار [ندعوك للتسجيل في المنتدى أو التعريف بنفسك لمعاينة هذه الصورة]
هاد اللي خطر عبالي هلأ واذا لسا استنتجت شي نوافيكم بكل جديد [ندعوك للتسجيل في المنتدى أو التعريف بنفسك لمعاينة هذه الصورة]

مشكورة روز ... نصائح مفيدة

و رح نحاول نطبق بما تبقى لنا من عمر بهذه الجامعة

اول شي مشكور سومر عاموضوع المفيد ..

هلق انا اكبر مشكلة بتواجهني هي :التأجيل ...بمعنى يلا هدون بتركون لبكرا .. وهي لبعد الضهر .. وهديك بلحقها قبل الفحص .. و بضل بحط بهالبرامج و خطط للدراسة .. وصدقني كلو ما بيتنفذ ..

بقا بتصير المشكلة ..لما بيجي الفحص و لحقي يا رورو اذا بتلحقي ..

مثال صغير : كان عندي للمسرح اسبوع كامل .. مع ذلك ما درستوا الا مبارح و اول مبارح شوي .. فاضطريت اليوم فيق من الخمسة الصبح لحتى لحق ..

مشان ما طول عليكون نصائحي هي كالتالي:
1- لا تؤجل عمل اليوم الى الغد .. عنجد حكمة من ذهب
2- لما تعمل برنامج ..حاول تكون منطقي و تحطوا على قد طاقتك الحقيقية ..مو تحشكوا حشك .. لأنو تاكد ما رح تنفذ شي منو .. بس لما بكون بسيط .. وقابل للتنفيذ .. بتدرس كل شي حطيتو .. :*740*:
3- ابتعد عن كل ما يثير الضعف في نفسك (كمبيوتر -موبايل -تلفزيون -اخوتك - ...الخ).

و هاد كل شي لحد الان .. انشالله كون فدتكون ..و موفقين جميعا..

شكراً رورو وأكيد استفدنا

you'r welcome Isma3eel :*740*:

طيب ... بس ليش زعلانة وحاطة وش نعسان وعابس

مرحبا..
أنا رأيي إنو حسب المادة وحسب الوقت اللي عنا للفحص و كمان في عامل كتير مهم هو جو البيت والمحيط اللي حولنا... إزا الجو فيه مشاكل ف أكيد بيأثر و إزا الكل حوالينا ما حدا عم يدرس و ما في جو دراسة مهيأ أكيد بيأثر... مع هيك لازم الواحد ما يحط أعذار ويضل يحاول جهدو لإنو اللي بيحط أعذار وحجج بحياتو ما رح يدرس ما؟
في شغلة كمان مهمة وهي إنو إزا الواحد عم يفكر بأمور زاعجتو ومأثرة عليه كمان ما رح يعرف يدرس لهيك يحاول يهدي باله مشان يقدر يركز...
أنا رأيي إنو في شغلة ما بتخليني أعرف أدرس منيح لنو بكون دارسة منيح وبقدم بالفحص كتير منيح وبالآخر برسب بالمواد وبعلامة واطية كمان أوقات... يعني معقول 3 سنين بالسنة الرابعة؟؟؟

بسيطة ولا يهمك وخليكي متفائلة لؤلؤة
وممكن تكوني عم تبذلي مجهود كبير بس طريقة دراستك غلط
يعني أحيانا بدك تشوفي دكتور المادة كيف بفكر وشو بدو ؟؟؟
ونحنا هون بالمنتدى منساعد بعض وجاهزين لأي مساعدة بتحتاجيها

أناماعندي شي ضيفه
بس بحب اتشكركم كلكم نصايحكم اكيد اكيد اكيد رح طبقها
والشكر كمان لسومر صاحب الموضوع

من بعد خبرة طويلة بدهاليز الادب الانكليزي اكتشف أنو أفضل وسيلة للدراسة المريحة انو كل واحد فينا يبلش بالدراسة مع بداية الفصل الدراسي ويدرس محاضرات كل مادة على حدة وبس يجي شهر المراجعة والامتحان يرجع الطالب يعيد دراسة المواد وصدقوني بيرتاح الطالب لأنو كل هالمعلومات سبق واطّلع عليها خلال الفصل الدراسي


تاني شي جو البيت : يعني مو معقول الواحد عم يدرس والبيت متل الحمام المقطوعة ميته وناس فايتة وناس طالعة من ضيوف واقرباء وجيران الخ وولاد زغار شياطين بيكرهوك حالك

يعني المفروض كل واحد فينا يكون عنده غرفته الخاصة فيه وللأسف هي الشغلة كانت حلم عمري انو يكون عندي غرفة خاصة فيني لأنو عم نام مع أخي الاكبر بنفس الغرفة واخي فوضوي ما في وقت محدد لنومه او لفيقته وبيكركب غراضه كتير يعني لازم ضبضب من وراه مو منطقية الدراسة بغرفة مكركبة صح؟

تالت واهم شي الدراسة بصوت عالي . الله وكيلكن يا شباب ويا صبايا هالطريقة بتساعد عالحفظ وبتوفر وقت خصوصا اذا كان الطالب عم يدرس هو وعم يتمشى عالبرندة او بالغرفة
المشي خلال الحفظ افضل بكتير من الحفظ عالقاعد لهيك في كتير طلاب بينعسوا مجرد ما فتحوا اول صفحة وصارت معي كتير هالشغلة


رابع شي الارادة والادارة بنفس الوقت ومتى ما كان عنا الارادة القوية حتى نتغلب على المادة الصعبة رح يكون عنا الادارة الصحيحة اللي بتخلينا نتمكن من المادة

خامس وأهم شي بس تحسوا حالكن مليتوا من المادة زتّوا هالمحاضرة من ايدكن ولا تتظاهروا بانكن عم تدرسوا أو ادرسوا بمادة تانية سلسة (( هي اذا في مواد سلسة عنا)) وحاولوا تدرسوا مادتين او اكتر باليوم الواحد منشان ما تحسوا بالملل

وان شالله الرب بيوفقنا ومنتخرج بقى من هالمستنقع

أنا أول شي بشكر سومر عالموضوع الرائع والمفيد
بالنسبة الي بما اني ترفعت عالتانية انكليزي لقيت انو أهم شي ندرس محاضرات كل يوم وما نأجل شي بس في شغلة مهمة هيي أنو نحنا ما لازم نعتبر الدراسة شيئ مفروض علينا فرض لأنو هالشي بيسبب ضيق وملل كبير وبيقلل الاستيعاب عنا يعني ناخدا بشكل عادي ونقبل ع الدراسة من قلبنا يمكن أفضل هاد رأيي
وشكرا

حلو كتير الموضوع والاحلى منو النصايح

بس كل إنسان هو وعاداتو طبعاً بعض الأخوة ذكر مشكلة النعاس لما بدو يدرس أخي بما أنك مانك مقتنع بالشي اللي عم تساوي ما رح تقدر تساوي يعني تجي سيادتك لتدرس بس أكيد مو من نفسك هالشي بتمسك الكتاب بتقرا أول صفحة وسعادتك قرفان من شكل الكتاب وشكل الدكتور بس خلصت أول صفحة بتتردد يا ترى بقلب عالتانية ولا لأ ساعتها تتذكر رفقاتك اللي قدمو المادة واللي رسب رسب واللي نجح كأنو راسب بتيأس من حالك ورح تقول أنا راسب راسب ليش متعب حالي بروح عالامتحان بكتب عالتوكل وبلكي بنمرق

بينما بتقوم تقعد عالنت أو تشغل التلفزيون بتحس حالك مصحصح لأنك عم تقوم بهالشي من أرادتك وما حدا جابرك عليه

طبعاً أنا أسف عاللي حكيتو

بس لما تجي عالمادة أياً تكن وتكون عن جد بدك تدرسها أنا بعتقد ما في شي رح يوقف بطريقك

وبتمنى التوفيق والنجاح للكل وبشكر كتير الأعضاء المميزين عالنصائح الحلوة والمفيدة وبما اننا مستجدين بدكون تديرو بالكون علينا لأننا بعون الله أخوة

وتقبلوا مروري ...........