لنفسي وإياكم .. شروط المناظرة

هلق كل الأعضاء ( منّي وجر ) عم يوعدوا بأنو بعد الإمتحانات رح يكون نشاطهم كبير ورح يكون في منافسة

قوية بالمنتدى , بالمشاركات عموماً وبنوع المواضيع المطروحة للنقاش خصوصاً, ومن هون رح انطلق

بمساهمتي التالية واللي بعتبرها نوع من التذكير لنفسي أولاً ولكل أصدقائي بالمنتدى ثانياً , واللي فيها نقاط

وملاحظات برأيي من الضروري نتذكرها من وقت للتاني لأنو الانسان بطبعو بينسى .... وكل الشكر للجميع .
.................................................................................

اجتمع متكلّمان , فقال أحدهما : هل لك في المناظرة ؟

فقال : على شرط , أن لا تغضب , ولا تشغب , ولا تحكم , ولا تُقبل على غيري وأنا أكلّمك ( أي لا تدر وجهك

عني وأنا أناقشك) ولا تجيز لنفسك تأويل آية على مذهبك إلا أجزت إليّ تأويل مثلها على مذهبي , وعلى أن

تؤثر التصادق , وتنقاد للتعارف , وعلى أن كلاً منّا يبيّن مناظرته ورأيه على أساس أن الحق ضالّته والرشد

غايته .

................تعليقي الخاص :

نصائح رائعة للمتحاورين وأحلى وحدة فيهن واللي بشوفها بتلخّص الكل هي اللي حاطط تحتها خط .

يعني فعلاً واهم اللي بفكر انو بيعرف ويدرك كل الحقيقة , الحقيقة اللي بتشبه العملة يعني عندها وجهين , أو متل

الهرم اللي عندو أكتر من وجه ويُرى من منظورات متعددة , فإيانا ان ندخل بنقاش ونحنا مؤمنين ومعتقدين انو

الحق كله معنا ... خلينا نتحاور على أساس الوصول للحقيقة و الوصول للحق و الرشد .

بوافقك الرأي

شكراً عالموافقة نضالو الغالي

أنا أتقبل رأيك أحمد بس بخالفك الرأي

يعني برأيي آداب عامة أكيد في , بس يمكن البعض ما بيلتزم وهي مشكلته و عيبه ...

وآداب النقاش موجودة وبلاها ما كنا منقدر نفوت بأي حوار محترم وعقلاني ....

ونحنا لازم نذكر بعض بهيك شغلات لأنو المنتدى كلو مبني على أساس تبادل وجهات النظر

بطريقة حضارية ومنفتحة ولأنو بالتزامنا بآداب النقاش وحتى بآداب الردود عموماً بصير

الحوار أجمل و أمتع و أفيد ....

مشكور كتييييييييييير